Yeremia 41:8 - BAIBLO ALOO NGMAMI KLƆUKLƆU Ɔ

⁸ Se a ti ni nyɔngma de Ishmael ke, “Koo gbe wɔ! Wa ngɔ ngma, blɛfo, oliv nu, kɛ hwo ngɔ laa ngɛ nga a mi.” Kɛkɛ nɛ e ngmɛɛ a he, nɛ e gbi mɛ ngɔ piɛ a nyɛmimɛ ɔmɛ a he.

Yeremia 41:8 ပူးပေါင်းရင်းမြစ်များ

Hiob 2:4

Satan he nɔ ke, “Nɔ́ tsuaa nɔ́ nɛ ngɛ nɔ ko dɛ ɔ, e ma nyɛ ngɔ kɛ ha, ke e yi ma na wami kɛkɛ ɔ.

Abɛ Womi 13:8

Niatsɛ kɛ sika faa e he. Ohiatsɛ ɔ, a wui e he gbeye.

Yesaya 45:3

Ma je juetli kpo ha mo kɛ je diblii mi, kɛ je hehi nɛ a ngɔ mɛ ngɔ laa ngɛ ɔ, konɛ o na nɛ o le kaa imi Yawɛ, Israel Mawu ɔ, i le mo, nɛ i kɛ o biɛ tsɛɔ mo.

Yeremia 41:9

Vu ɔ nɛ Ishmael sake nihi tsuo nɛ e gbe ɔ a gbogboe ɔmɛ kɛ wo mi ɔ, jamɛ a vu ɔ, Matsɛ Asa lɛ tsua. Matsɛ ɔ tsua vu nɛ ɔ be mi nɛ Israel matsɛ, Baasha ba tua lɛ ɔ. Vu nɛ ɔ mi lɛ Netania bi Ishmael sake ni gbogboe ɔmɛ kɛ wo tɔ ɔ nɛ.

Mateo 16:26

Mɛni se nɔ ko ma na ke e nine su je ɔ tsuo nɔ, se e laa e klaa? Dɛbi! Nɔ́ ko be nɛ e ma ngɔ ha nɛ e kɛ kpɔ e klaa a.

Mateo 6:25

“Lɔ ɔ he ɔ, i ngɛ nyɛ dee ke nyɛ ko hao ngɛ nyɛ wami he, nɔ́ nɛ nyɛ maa ye, kɛ nɔ́ nɛ nyɛ maa nu, aloo nɔmlɔ tso ɔ he, bo nɛ nyɛ ma bu, loo tade nɛ nyɛ maa wo. Anɛ wami pã we ngma lo? Anɛ nɔmlɔ tso ɔ pã we heha nɔ́ lo?