Yeremia 41:5 - BAIBLO ALOO NGMAMI KLƆUKLƆU Ɔ

⁵ nyumuhi nyingmi kpaanyɔ komɛ je Shekem, Shilo, kɛ Samaria kɛ ba. Nɛ a ma a, a sɛ a kpɛnihi, nɛ a hía a he tadehi, nɛ a je blɔ nɛ a plaa mɛ nitsɛmɛ a he. A hɛɛ niye ní bɔ, kɛ tsopa kɛ e he via ngɛ a dɛ mi kɛ ma Yawɛ we ɔ.

Yeremia 41:5 ပူးပေါင်းရင်းမြစ်များ

Matsɛmɛ I, 16:24

E he Samaria yoku ɔ ngɛ nyumu ko nɛ a tsɛɛ lɛ Shemer ɔ dɛ sika hiɔ yi akpe ekpa. Omri po ma ngɛ yoku ɔ nɔ, nɛ e fia gbogbo ngɔ wo he. E kɛ yoku ɔ tsɛ biɛ Shemer ɔ wo ma a, nɛ ma a biɛ ba pee Samaria.

Matsɛmɛ II, 25:9

E ya sã Yawɛ we ɔ, kɛ matsɛ we ɔ, kɛ nimli nguahi tsuo nɛ ngɛ Yerusalem ɔ a wehi,

Yoshua 18:1

Benɛ Israel bi ɔmɛ ngɔ zugba a ta a, ma kpekpemi ɔ tsuo ba bua a he nya ngɛ Shilo, nɛ a ma kpe he bo tsu ɔ si ngɛ lejɛ ɔ.

Mose V, 14:1

“Yawɛ, nyɛ Mawu ɔ ma ji nyɛ. Lɔ ɔ he ɔ, ke nɔ ko gbo nɛ nyɛ ngɛ ya nyɛe ɔ, nyɛ ko poo nyɛ he ha, nɛ nyɛ ko je nyɛ hɛ nya kaa bɔ nɛ je ma kpa amɛ peeɔ ɔ.

Matsɛmɛ I, 12:1

Rehoboam pue nɔ kɛ ho Shekem ya, ejakaa Israel omleyi je ma kpekpemi ɔ tsuo ya bua a he nya ngɛ lejɛ ɔ nɛ a wo lɛ matsɛ.

Manyadali 9:1

Yerubaal binyumu Abimelek pue nɔ kɛ ho e nyɛ nyɛmimɛ ɔmɛ a ngɔ ya ngɛ Shekem, nɛ e ya de e nyɛ weku ɔ, kɛ a we puɔ nya a tsuo ke

Mose I, 33:18

Yakob kpale e se kɛ je Mesopotamia kɛ ba Shekem ngɛ Kanaan zugba a nɔ fiafiaafia, nɛ e ba ma e bo tsu ɔmɛ ngɛ zugba ko nɔ, ngɛ ma a nya.

Yesaya 15:2

Dibon bi ɔmɛ kuɔ yo ɔ, nɛ a ya wo yana ngɛ a jami he ɔmɛ. Moab bi ɔmɛ wo yana kɛ nyɛ ya ha Nebo kɛ Medeba. A sɛ a yi, kɛ a kpɛni tsuo kɛ ye kɔmɔ.

Matsɛmɛ I, 16:29

Yuda matsɛ, Asa yi nɔ jeha nyingmi etɛ kɛ kpaanyɔ ɔ, Omri binyumu Ahab ba bɔni tsɛ yemi ngɛ Israel ma a nɔ. E hi Samaria kɛ ye matsɛ jeha nyingmi enyɔ kɛ enyɔ.

Matsɛmɛ I, 12:25

Matsɛ Yeroboam ya po ma ngɛ Shekem ngɛ Efraim yo ɔmɛ a nɔ, nɛ e hi lejɛ ɔ. Pee se ɔ, e je ya po ma ngɛ Penuel.

Samuel I, 1:7

Nɔ́ nɛ ɔ yaa nɔ daa jeha; be tsuaa be nɛ a ya Yawɛ we ɔ, Penina maa ye Hana tsui kɛ yaa si e ma fo ya nɛ e ma kua ní yemi.

Yeremia 7:14

Lɔ ɔ he ɔ, bɔ nɛ i pee Shilo ɔ, ja nɔuu ma pee imi nitsɛ ye we nɛ nyɛ ngɔ nyɛ hɛ ngɔ fɔ nɔ nɛ ɔ. Hiɛmɛ nɛ ɔ nɛ i ngɔ kɛ ha nyɛ nɛmɛ, kɛ nyɛ nitsɛmɛ ɔ, bɔ nɛ i pee Shilo ɔ, ja ma pee lɛ.

Yeremia 7:12

Nyɛɛ ya Shilo, kekleekle ma, he nɛ i hla kaa a ja mi ngɛ ɔ nɛ nyɛ ya hyɛ bɔ nɛ i pee lejɛ ɔ ngɛ ye ma Israel he yayami ɔmɛ a he.

La 102:14

Ejakaa o tsɔli ɔmɛ suɔ Zion tɛ ɔmɛ; nɛ lejɛ ɔ zu ɔ po, a mi mi sãã mɛ ngɛ he.

Samuel II, 10:4

Enɛ ɔ he je ɔ, Hanun nuu David tsɔli ɔmɛ nɛ e sɛ a kpɛni kasa fa kake, nɛ e hía a tade ɔmɛ a mi ngɛ kpɛti tutuutu kɛ ba su a mlɛ mi, nɛ e ngmɛɛ a he nɛ a ho.

Yoshua 24:32

A pu Yosef wuhi nɛ Israel bi ɔmɛ ngɔ kɛ je Egipt kɛ ba a ngɛ Shekem, ngɛ zugba ko nɛ Yakob he ɔ mi. E he zugba nɛ ɔ kɛ sika hiɔ kpɔ lafa ngɛ Shekem tsɛ, Hamor bimɛ ɔmɛ a dɛ. Zugba nɛ ɔ ba pee Yosef nina a weto ní.

Mose I, 34:2

Benɛ Hamor binyumu Shekem na Dina a, e nu lɛ pani nya nɛ e kɛ lɛ hwɔ. Hamor nɛ ɔ, Hiv no ji lɛ, nɛ lɛ ji jamɛ a zugba a nɔ yelɔ.

Mose I, 37:12

Ligbi ko, benɛ Yosef nyɛmimɛ ɔmɛ tsɔ̃ a tsɛ to ɔmɛ kɛ ho Shekem ya nɛ a ya hyɛ mɛ ngɛ lejɛ ɔ,

Manyadali 18:31

Lɔ ɔ he ɔ, a ngɔ amaga a nɛ Mika pee ɔ kɛ ma si, nɛ a ja lɛ ligbi ɔmɛ tsuo nɛ a Mawu we ɔ ngɛ Shilo ɔ.

La 78:60

E si e sihi he ɔ nɛ ngɛ Shilo ɔ, bo tsu ɔ nɛ e hi mi ngɛ e ma a kpɛti ɔ.

Yeremia 16:6

Niatsɛmɛ, kɛ ohiatsɛmɛ tsuo ma gbo ngɛ zugba nɛ ɔ nɔ; se nɔ ko be mɛ pue, nɛ nɔ ko be kɔmɔ yee ha mɛ. Nɔ ko nɔ ko be blɔ jee nɛ e maa plaa e he, loo e maa po huɛ kɛ tsɔɔ kaa e ngɛ kɔmɔ yee.

Yeremia 41:4

E nɔ jena benɛ nɔ ko nɔ ko nui he lolo kaa a gbe Gedalia a,

Yeremia 47:5

Amanehlu agbo ba Gaza bi ɔmɛ a nɔ, nɛ Ashkelon bi ɔmɛ pee dii. Filisti bi ɔmɛ nɛ piɛ ɔ, mɛni be a maa ye kɔmɔ kɛ ya si?

Yeremia 48:37

A ti nɔ tsuaa nɔ sã e yi nɔ kpalokpalo, nɛ e sɛ kpɛni. Mɛ tsuo a poo a kɔnihi a he, nɛ a ngɔ kpekpe kɛ muɔ a mlɛ mi.

Yoel 2:13

Nyɛ ha nɛ e hao nyɛ ngɛ nyɛ tsui mi; se pi kaa nyɛ ma hía nyɛ tadehi ngɛ nyɛ he kɛkɛ.” Nyɛɛ kpale kɛ ba Yawɛ, nyɛ Mawu ɔ ngɔ, ejakaa e mi mi jɔ, nɛ e naa mɔbɔ; e toɔ e tsui si; e yeɔ e siwo nɔ; e mi mi fu we mla, se mohu e kɛ nɔ́ paa.

Kronika I, 19:4

Enɛ ɔ he je ɔ, Hanun nuu David tsɔli ɔmɛ, nɛ e sɛ a kpɛni nɛ e hia a tade ɔmɛ a mi ngɛ kpɛti kɛ ba su a mlɛ mi, nɛ e ngmɛɛ a he nɛ a ho.