Yeremia 41:10 - BAIBLO ALOO NGMAMI KLƆUKLƆU Ɔ

¹⁰ Jehanɛ Ishmael nuu nihi tsuo nɛ piɛ ngɛ Mizpa a kɛ je. Matsɛbiyi ɔmɛ, kɛ nihi tsuo nɛ tatsɛ Nebuzaradan ngɔ kɛ wo Ahikam bi Gedalia dɛ mi po, Ishmael nuu mɛ, nɛ e kɛ mɛ pue nɔ kɛ yaa Amon bi ɔmɛ a zugba a nɔ.

Yeremia 41:10 ပူးပေါင်းရင်းမြစ်များ

Nehemia 2:10

Se benɛ Sanbalat nɛ je Bet Horon, kɛ Tobia, ma ní tsulɔ ko nɛ je Amon zugba a nɔ ɔ nu kaa nɔ ko ba nɛ e ba ngɛ nɔ́ kpakpa hlae ha Israel bi ɔmɛ ɔ, e dɔ mɛ wawɛɛ nitsɛ.

Nehemia 2:19

Se benɛ Sanbalat nɛ je Bet Horon, Tobia, ma ní tsulɔ ɔ nɛ je Amon zugba a nɔ, kɛ Arabia no ɔ nɛ a tsɛɛ lɛ Geshem ɔ nu he ɔ, a muɔ wɔ, nɛ a ye wa he fɛu, nɛ a de ke, “Mɛni sane nyɛ ngɛ yee nɛ ɔ? Nyɛ ma tsɔ matsɛ ɔ hɛ mi atuã lo?”

Yeremia 22:30

“A gbiɛ nyumu nɛ ɔ gbidigbidi, e be bimɛ nae kɔkɔɔkɔ; e be nɔ yae gblegbleegble e wami be ɔ tsuo. E be nina nae nɛ ma ba ye tsɛ ngɛ David se, ngɛ Yuda zugba a nɔ. Imi, Yawɛ lɛ i de.”

Yeremia 38:23

Jehanɛ, i de matsɛ ɔ ke, “A ma kpaka o yi ɔmɛ, kɛ o bimɛ ɔmɛ tsuo kɛ ya ha Babilonia bi ɔmɛ, nɛ mo nitsɛ hu o be a dɛ mi jee. Babilonia matsɛ ɔ maa nu mo, nɛ ma nɛ ɔ lɛɛ a maa sã.”

Yeremia 39:6

Babilonia matsɛ ɔ gbe Zedekia bimɛ ɔmɛ ngɛ Zedekia hɛ mi. E gbe Yuda ma nimeli ɔmɛ tsuo ja nɔuu.

Yeremia 40:14

A ba de lɛ ke, “Anɛ o li kaa Amon matsɛ, Baalis tsɔ Netania bi Ishmael kɛ ba nɛ a ba gbe mo lo?” Se Gedalia he we mɛ yi.

Yeremia 40:7

Se Yuda asafoatsɛmɛ ɔmɛ, kɛ ta buli ɔmɛ ekomɛ lɛɛ a yɛ nɛ a ya ngɔ a he kɛ ha lolo. A nu kaa Babilonia matsɛ ɔ wo Gedalia amlaalo ngɛ zugba a nɔ, nɛ e ngɔ nihi tsuo nɛ a kɛ mɛ yɛ Babilonia lolo, nɛ ji zugba a nɔ ohiatsɛmɛ ɔmɛ ngɔ wo e dɛ mi.