Yeremia 40:8 - BAIBLO ALOO NGMAMI KLƆUKLƆU Ɔ

⁸ Lɔ ɔ he ɔ, nimli nɛ ɔmɛ, kɛ a we bi ɔmɛ tsuo ba Gedalia ngɔ ngɛ Mizpa. Mɛ ji Ishmael, Natania bi ɔ, Yohanan, Karea bi ɔ, Seraya, Tanhumet bi ɔ, Efai nɛ je Netofa a bimɛ ɔmɛ, kɛ Yezania nɛ je Maaka a.

Yeremia 40:8 ပူးပေါင်းရင်းမြစ်များ

Samuel II, 10:6

Benɛ Amon bi ɔmɛ na kaa a ya hla munyu ngɛ David he ɔ, a tsɔ ya bɔ Siria ta buli akpe nyingmi enyɔ apaa kɛ je Bet Rehob kɛ Zoba. Jehanɛ hu, a ya bɔ Maaka matsɛ, kɛ e we bi akpe apaa kɛ piɛ Tob bi akpe nyɔngma kɛ enyɔ a he.

Samuel II, 10:8

Amon bi ɔmɛ hia nɛ a ya gba ta ngɛ a ma nguaa a nɛ a tsɛɛ Raba a agbo ɔ nya. Se ni kpa amɛ nɛ ji Siria bi ɔmɛ, kɛ ni nɛmɛ nɛ je Tob kɛ Maaka a, mɛɛ lɛɛ a tsɔ a he kɛ ho nga a nɔ ya.

Matsɛmɛ II, 25:23

Benɛ Yuda asafoatsɛmɛ ɔmɛ, kɛ ta buli ɔmɛ nɛ mɛɛ a ngɔɛ a he ngɔ ha we ɔ nu kaa Babilonia matsɛ ɔ wo Gedalia amlaalo ɔ, mɛ tsuo pɛpɛɛpɛ a ba nɛ a ba piɛ Gedalia he ngɛ Mizpa. Mɛ ji nɛ ɔmɛ nɛ: Netania binyumu Ishmael, Karea binyumu Yohanan, Tanhumet binyumu Seraya nɛ je Netofa a, kɛ Yezania nɛ je Maaka a.

Matsɛmɛ II, 25:25

Se nyɔhiɔ nɛ ji kpaago ɔ, Netania binyumu Ishmael, Elishama bibi ɔ nɛ je matsɛ weku ɔ mi ɔ, ngɔ nyumuhi nyɔngma kɛ ho ya tua Gedalia ngɛ Mizpa; nɛ a gbe lɛ, kɛ nihi nɛ e kɛ mɛ ngɛ lejɛ ɔ, Israel bi, kɛ Babilonia bi tsuo.

Kronika I, 2:48

Kaleb ngɛ plã kpa ko hu nɛ a tsɛɛ lɛ Maaka. Binyumuhi nɛ e kɛ lɛ hu fɔ ɔ, a biɛhi ji Sheber kɛ Tirhana.

Kronika I, 2:54

Salma nɛ to Betlehem ma a sisi ɔ, e nina ji Netofat bi, Atrot Bet Yoab bi, kɛ Zori bi. Zori bi nɛ ɔmɛ ji Manahat weku ɔ fa.

Ezra 2:2

Nihi nɛ kɛ mɛ ba ji Zerubabel, Yoshua, Nehemia, Seraya, Reelaya, Mordekai, Bilshan, Mispar, Bigvai, Rehum, kɛ Baana. Israel bi nɛ kpale kɛ je ma se kɛ ba a ji nɛ ɔmɛ nɛ:

Nehemia 7:26

Nihi nɛ a nɛmɛ hi ma nɛ ɔmɛ a mi hu kpale kɛ ba: Betlehem, kɛ Netofa - 188 Anatot - 128 Bet Azmavet - 42 Kiriat Yearim, Kefira, kɛ Beerot - 743 Rama, kɛ Geba - 621 Mikmash - 122 Betel kɛ Ai - 123 Nebo kaketsɛ ɔ - 52 Elam kaketsɛ ɔ - 1,254 Harim - 320 Yeriko - 345 Lod, Hadid, kɛ Ono - 721 Senaa - 3,930

Yeremia 37:15

Ma nimeli ɔmɛ a mi mi fu mi wawɛɛ nitsɛ. A fia mi ní, nɛ a wo mi tsu ngɛ matsɛ pɛdiyo ɔ nɛ a tsɛɛ Yonatan ɔ we ɔ mi. (Jamɛ a be ɔ mi ɔ, a kɛ lejɛ ɔ pee he nɛ a woɔ nɔ tsu ngɛ.)

Yeremia 37:20

Lɔ ɔ he ɔ, nɛnɛ, i kpa mo pɛɛ nɛ o bu mi tue, nɛ o pee nɔ́ nɛ ma bi mo ɔ ha mi. I kpa mo pɛɛ, ko ha nɛ a kpale mi kɛ ya wo tsu ngɛ matsɛ pɛdiyo Yonatan we ɔ mi hu. Ke o pee ja a, ma gbo ngɛ lejɛ ɔ.”

Yeremia 38:26

Ke a ba o ngɔ kɛ munyu kaa kikɛ nɛ ɔ, moo lɛɛ de mɛ ke pe o ba fa kue ha mi nɛ ma ko ha nɛ a ngɔ mo kɛ ya wo tsu hu, nɛ o ba gbo ngɛ lejɛ ɔ.”

Yeremia 40:11

Israel bi tsuo nɛ ngɛ Moab, Amon, Edom kɛ zugba kpa amɛ a nɔ ɔ ba nu kaa Babilonia matsɛ ɔ si Israel bi komɛ ngɛ Yuda, nɛ e ngɔ Shafan bi Ahikam bi Gedalia ngɔ to a nya kaa amlaalo.

Yeremia 40:13

Enɛ ɔ se ɔ, Yohanan, Karea bi ɔ, kɛ asafoatsɛmɛ ɔmɛ nɛ ngɛ ta nga a nɔ nɛ mɛɛ lɛɛ a ngɔɛ a he ya ha we Babilonia bi ɔmɛ ɔ, ba Gedalia ngɔ ngɛ Mizpa.

Yeremia 40:14

A ba de lɛ ke, “Anɛ o li kaa Amon matsɛ, Baalis tsɔ Netania bi Ishmael kɛ ba nɛ a ba gbe mo lo?” Se Gedalia he we mɛ yi.

Yeremia 40:15

Kɛkɛ nɛ Yohanan de lɛ ngɛ laami mi ke, “Ha nɛ ma ya nɛ ma ya gbe Ishmael, nɛ nɔ ko nɔ ko be lee. Mɛni he je e sa kaa e gbe mo ɔ? Ke e pee ja a, Yuda bi tsuo nɛ ba bua a he nya ngɛ o ngɔ ɔ maa gbɛ fĩa, nɛ Yuda ma nɛ piɛ ɔ a hɛ mi ma kpata.”

Yeremia 40:6

Kɛkɛ nɛ i je kɛ ho Ahikam bi Gedalia ngɔ ya ngɛ Mizpa, nɛ i kɛ ma mi bi ɔmɛ nɛ piɛ ngɛ zugba a nɔ ɔ ya hi si.

Yeremia 41:1

Jamɛ a jeha a mi nɔuu, nyɔhiɔ kpaago ɔ mi ɔ, Elishama bi Netania bi Ishmael kɛ nyumuhi nyɔngma ba Gedalia ngɔ ngɛ Mizpa. Ishmael je matsɛ we mi, nɛ matsɛ tsɔli nikɔtɔma amɛ a kpɛti nɔ kake ji lɛ. Benɛ mɛ tsuo a bua nɛ a ngɛ ní yee ɔ,

Yeremia 41:11

Benɛ Yohanan, Karea bi ɔ, kɛ asafoatsɛmɛ ɔmɛ tsuo nɛ piɛ e he ɔ nu ní yayamihi nɛ Netania bi Ishmael pee ɔ,

Yeremia 41:2

Ishmael kɛ nyumuhi nyɔngma nɛ piɛ e he ɔ hia klaate wo Gedalia he, nɛ a gbe lɛ.

Yeremia 42:1

Jehanɛ Karea bi Yohanan, Heshaya bi Azaria, kɛ tatsɛmɛ ɔmɛ, kɛ ma a tsuo; nimli wawi kɛ nimli nguahi

Yeremia 42:8

lɔ ɔ he ɔ, i kpee Karea bi Yohanan, kɛ asafoatsɛmɛ ɔmɛ tsuo nɛ piɛ e he ɔ, kɛ ma a tsuo, ni wawi kɛ ni nguahi,

Yeremia 43:2

Benɛ i gbe nya a, Hoshaya bi Azaria, Karea bi Yohanan, kɛ nyumuhi he nɔ woli kpa amɛ tsuo de mi ke, “Lakpa munyu o ngɛ tue nɛ ɔ nɛ. Yawɛ, wa Mawu ɔ tsɔ we mo ke o ba de wɔ ke wa ko ya hi Egipt.

Yeremia 43:5

Kɛkɛ nɛ Yohanan, kɛ asafoatsɛmɛ ɔmɛ tsuo ngɔ nihi tsuo nɛ piɛ ngɛ Yuda a kɛ ho Egipt ya. Ni nɛmɛ nɛ a fie kɛ ho je ma amɛ a nɔ ya nɛ a kpale kɛ ba a, jamɛatsɛmɛ ɔmɛ hu piɛ he,

Mose V, 3:14

Yair nɛ je Manase wɛtso ɔ mi ɔ ngɔ Argob zugba nɛ a tsɛɛ Bashan ɔ tsuo kɛ ya su Geshur bi ɔmɛ, kɛ Maaka bi ɔmɛ a huzu ɔ nya. E ngɔ e biɛ ngɔ wo kɔpe ɔmɛ; nɛ kɛ ba si mwɔnɛ ɔ, a tsɛɛ mɛ ke Yair kɔpehi.

Yoshua 12:5

Matsɛ Og nɔ yemi he ɔmɛ ji nɛ ɔmɛ nɛ: kɛ je Hermon yo ɔ nɔ, Saleka, kɛ Bashan tsuo, kɛ ya su Geshur bi ɔmɛ kɛ Maaka bi ɔmɛ a huzu ɔmɛ a nya. Jehanɛ, kɛ je Gilead bi ɔmɛ a zugba a fa kɛ ya ta Heshbon huzu ɔ nya.