Yeremia 40:4 - BAIBLO ALOO NGMAMI KLƆUKLƆU Ɔ

⁴ Lɔ ɔ he ɔ, i ngɛ pã nɛ ɔ jee ngɛ o kɔni si mwɔnɛ ligbi nɛ ɔ. Ke o suɔ kaa o kɛ mi maa ya Babilonia a, i kɛ mo maa ya nɛ ma ya hyɛ o nɔ saminya ngɛ lejɛ ɔ. Se ke e dɛ ha mo kaa o kɛ mi maa ya a, lɛɛ mo ko ya. Hyɛ, zugba a tsuo lɛ ngɛ o hɛ mi nɛ ɔ nɛ. He tsuaa he nɛ hi ha mo nɛ o suɔ kaa o maa ya a, yaa.”

Yeremia 40:4 ပူးပေါင်းရင်းမြစ်များ

Mose I, 13:9

Zugba a tsuo ji tilaa ngɛ o hɛ mi nɛ ɔ nɛ. Moo po zugba a he nɛ o suɔ, konɛ o hi o dɛ he; ke o ngɔ muɔ nɔ je ɔ, ma ngɔ hiɔ nɔ je. Ke hiɔ nɔ je o suɔ jio, imi hu ma ngɔ muɔ nɔ je.”

Mose I, 20:15

Abimelek de Abraham ke, “O nɛ, ye zugba nɛ ngɛ o hɛ mi tilaa a nɛ; he tsuaa he nɛ o suɔ ɔ, moo hi lejɛ ɔ.”

Mose I, 44:21

O fa wɔ ke waa ngɔ lɛ kɛ ba nɛ o na lɛ kɛ o hɛngmɛ.

Mose I, 47:6

Egipt zugba a lɛ ngɛ o hɛ mi tilaa nɛ ɔ nɛ. Ha nɛ o tsɛ kɛ o nyɛmimɛ ɔmɛ nɛ a hi Goshen zugba a nɔ; lejɛ ɔ ji he nɛ hi pe zugba a tsuo. Ke o na kaa a ti ni komɛ le lohwe lɛmi ní tsumi nɛ ɔ saminya a, ha nɛ a ya hyɛ imi nitsɛ ye lohwe ɔmɛ a nɔ.”

Ester 3:11

Matsɛ ɔ de Haman ke, “O sika a nɛ hi si. Jamɛ a ma a kɛ e mi bi ɔmɛ ngɛ o dɛ mi; pee mɛ bɔ nɛ sa o hɛ mi.”

Yeremia 37:14

I he nɔ ke, “Dɛbi! Pi Babilonia bi ɔmɛ a ngɔ nɛ i tu fo kɛ yaa!” Se Iriya bui mi tue. Mohu ɔ, e nu mi kɛ ya ha ma nimeli ɔmɛ.

Kɔmɔ Yemi 3:7

E bɔ mi pã; e po piɛ kɛ wo ye he, konɛ ma ko na blɔ nɛ ma tu fo kɛ je.