Yeremia 40:3 - BAIBLO ALOO NGMAMI KLƆUKLƆU Ɔ

³ Amlɔ nɛ ɔ, Yawɛ ná pee nɔ́ nɛ e de to ke e maa pee ɔ. Nɔ́ nɛ ɔ ba nyɛ nɔ, ejakaa nyɛ pee yayami kɛ si Yawɛ, nɛ nyɛ bui lɛ tue.

Yeremia 40:3 ပူးပေါင်းရင်းမြစ်များ

Nehemia 9:28

Benɛ a na tue mi jɔmi ɔ, a pee yayami ekohu; kɛkɛ nɛ o je a se, nɛ a he nyɛli ɔmɛ ba ye a nɔ ekohu. Se benɛ a tsake a tsui, nɛ a fa kue kɛ tsɛ mo ekohu ɔ, o bu mɛ tue kɛ je hiɔwe; nɛ o na mɛ mɔbɔ, nɛ o kpɔ mɛ si abɔ.

Nehemia 9:33

O ye dami sane kaa o gbla wa tue, ejakaa o ye anɔkuale, be nɛ wɔɔ lɛɛ wa pee yayami.

Yeremia 11:17

“Imi, Yawɛ Tabohiatsɛ ɔ, imi lɛ i to Israel kɛ Yuda si kaa bɔ nɛ a duɔ tso; se jehanɛ lɛɛ ma ha nɛ amanehlu maa ba a nɔ. Nɔ nɛ ɔ je mɛ nitsɛmɛ, ejakaa a pee yayami; a ya sã tsopa kɛ e he via kɛ ha Baal, nɛ a kɛ wo ye mi mi la.”

Yeremia 22:8

“Pee se ɔ, je mahi babauu ma ba gu lejɛ ɔ, nɛ a ma bi a sibi ke mɛni he je nɛ imi Yawɛ, i pee ma ngua nɛ ɔ kikɛ nɛ ɔ.

Yeremia 39:16

ke ma ya de Ebedmelek, Etiopia no ɔ ke bɔ nɛ lɛ Yawɛ Tabohiatsɛ, Israel Mawu ɔ, de ji nɛ ɔ nɛ: “Kaa bɔ nɛ i de to ɔ, ma ha nɛ haomi maa ba ma nɛ ɔ nɔ, se pi nɔ́ kpakpa. Nɛ ke nɔ́ nɛ ɔ ba a, o maa na paa kɛ o hɛngmɛ.

Yeremia 44:23

Haomi mi nɛ nyɛ ngɛ mwɔnɛ nɛ ɔ, nɔ́ nɛ kɛ haomi nɛ ɔ ba ji nyɛ pee yayami kɛ si Yawɛ. Nyɛ sã tsopa kɛ e he via ha mawu kpahi; nyɛ bui Yawɛ gbi tue, nɛ e mlaa amɛ, kɛ e blɔ nya tomi ɔmɛ hu nyɛ yi nɔ.”

Yeremia 50:7

Nɔ tsuaa nɔ nɛ maa na mɛ ɔ ma tua mɛ. Nɔ́ nɛ a he nyɛli ɔmɛ deɔ ji ‘Wɔɔ lɛɛ wa tɔ we. Mɛ lɛ a pee yayami kɛ si Yawɛ, Mawu dami sane yelɔ ɔ nɛ a nɛmɛ ɔmɛ ngɔ a hɛ ngɔ fɔ e nɔ ɔ.’

Kɔmɔ Yemi 2:17

Nɔ́ ko nɛ Yawɛ de ke e maa pee ɔ, amlɔ nɛ ɔ, e pee. Yawɛ kpata wa hɛ mi pɛsɛpɛsɛ kaa bɔ nɛ e de to be ko ke e maa pee ɔ. E ha nɛ wa he nyɛli ɔmɛ ye wa nɔ, nɛ a bua jɔ a he kaa wa hɛ mi kpata.

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Mose V, 29:25

Mɛni he je e mi mi fu wawɛɛ kikɛ nɛ ɔ?’ Heto nɛ a ma na ji, ‘Nɔ́ he je nɛ e ba ja a ji kaa Yawɛ ma a yi somi nɛ a kɛ lɛ, a nɛmɛ a Mawu ɔ so ɔ nɔ. Lɛ ji nɔ nɛ kpaka mɛ kɛ je Egipt ɔ nɛ.