Yeremia 40:14 - BAIBLO ALOO NGMAMI KLƆUKLƆU Ɔ

¹⁴ A ba de lɛ ke, “Anɛ o li kaa Amon matsɛ, Baalis tsɔ Netania bi Ishmael kɛ ba nɛ a ba gbe mo lo?” Se Gedalia he we mɛ yi.

Yeremia 40:14 ပူးပေါင်းရင်းမြစ်များ

Yeremia 41:10

Jehanɛ Ishmael nuu nihi tsuo nɛ piɛ ngɛ Mizpa a kɛ je. Matsɛbiyi ɔmɛ, kɛ nihi tsuo nɛ tatsɛ Nebuzaradan ngɔ kɛ wo Ahikam bi Gedalia dɛ mi po, Ishmael nuu mɛ, nɛ e kɛ mɛ pue nɔ kɛ yaa Amon bi ɔmɛ a zugba a nɔ.

Mika 7:5

Nyɛ ko he nyɛ nyɛmimɛ nyɛɛ ye; nyɛ ko ngɔ nyɛ hɛ ngɔ fɔ nyɛ huɛmɛ a nɔ; yo nɛ o kɛ lɛ hwɔɔ si po, hyɛ o nya nɔ ngɛ e he.

Yeremia 41:2

Ishmael kɛ nyumuhi nyɔngma nɛ piɛ e he ɔ hia klaate wo Gedalia he, nɛ a gbe lɛ.

Yeremia 40:8

Lɔ ɔ he ɔ, nimli nɛ ɔmɛ, kɛ a we bi ɔmɛ tsuo ba Gedalia ngɔ ngɛ Mizpa. Mɛ ji Ishmael, Natania bi ɔ, Yohanan, Karea bi ɔ, Seraya, Tanhumet bi ɔ, Efai nɛ je Netofa a bimɛ ɔmɛ, kɛ Yezania nɛ je Maaka a.

Yesaya 26:10

E ngɛ mi kaa o naa yiwutsotsɛmɛ mɔbɔ lɛɛ, se a kase we nɛ a pee nɔ́ nɛ da. E ngɛ mi kaa a ngɛ nihi nɛ peeɔ nɔ́ nɛ da a zugba nɔ lɛɛ, se yayami mohu a ngɛ pee kpamisa; a yɔse we kaa Mawu kpetekpleenyɛ ji mo.

Yeremia 40:13

Enɛ ɔ se ɔ, Yohanan, Karea bi ɔ, kɛ asafoatsɛmɛ ɔmɛ nɛ ngɛ ta nga a nɔ nɛ mɛɛ lɛɛ a ngɔɛ a he ya ha we Babilonia bi ɔmɛ ɔ, ba Gedalia ngɔ ngɛ Mizpa.

Yeremia 41:1

Jamɛ a jeha a mi nɔuu, nyɔhiɔ kpaago ɔ mi ɔ, Elishama bi Netania bi Ishmael kɛ nyumuhi nyɔngma ba Gedalia ngɔ ngɛ Mizpa. Ishmael je matsɛ we mi, nɛ matsɛ tsɔli nikɔtɔma amɛ a kpɛti nɔ kake ji lɛ. Benɛ mɛ tsuo a bua nɛ a ngɛ ní yee ɔ,