Yeremia 40:11 - BAIBLO ALOO NGMAMI KLƆUKLƆU Ɔ

¹¹ Israel bi tsuo nɛ ngɛ Moab, Amon, Edom kɛ zugba kpa amɛ a nɔ ɔ ba nu kaa Babilonia matsɛ ɔ si Israel bi komɛ ngɛ Yuda, nɛ e ngɔ Shafan bi Ahikam bi Gedalia ngɔ to a nya kaa amlaalo.

Yeremia 40:11 ပူးပေါင်းရင်းမြစ်များ

Yesaya 16:4

Nyɛɛ baa wa yi, nyɛ ha waa hi nyɛ ngɔ, nɛ nyɛ ko ngɔ wɔ kɛ wo nihi nɛ ngɛ hlae nɛ a kpata wa hɛ mi ɔ a dɛ mi.” Yi mi wami, kɛ hɛ mi kpatami se maa po, nɛ ni nɛmɛ nɛ a ngɛ zugba a hɛ mi kpatae ɔ be si hie hu.

Ezekiel 35:15

Benɛ ye ma Israel nɔ si nɛ e pee pasaa a, o nya. Jehanɛ lɛɛ Seir yo ɔmɛ, kɛ Edom zugba a tsuo maa pee pasaa kulaa. Kɛkɛ ɔ, nɔ tsuaa nɔ maa le kaa imi ji Yawɛ.”

Ezekiel 35:5

“O kɛ Israel bi ɔmɛ yi saasaa. Benɛ a pee yayami nɛ a ngɛ a tue gblae, nɛ a ngɛ amanehlu nae ɔ, o kɛ klaate gbe mɛ.

Ezekiel 25:12

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Yi wu tso níhi nɛ Edom pee kɛ to níhi nɛ Yuda pee lɛ ɔ nane mi ɔ hiɛ tsɔ; e he lue nɛ e ye ɔ, e pee tɔmi agbo.

Ezekiel 25:8

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Moab bi ɔmɛ de ke Yuda ngɛ kaa je ma kpa amɛ tsuo,

Ezekiel 25:6

“Bɔ nɛ imi Nyɔmtsɛ Yawɛ, i ngɛ dee ji nɛ ɔ nɛ: O fia o dɛ mi, nɛ o si si. O bui Israel zugba a, ejakaa o ngɛ e he juɛmi yaya.

Ezekiel 25:2

E ke, “Nɔmlɔ adesa, plɛ o hɛ mi kɛ kpee Amon bi ɔmɛ, nɛ o de mɛ ke a ma kpata a hɛ mi.

Ezekiel 5:12

Gbenɔ hiɔ, kɛ hwɔ maa gbe ma mi bi ɔmɛ a mi dlami etɛ mi kake; mi dlami etɛ mi kake maa nɔ ngɛ klaate nya kɛ maa bɔle ma a kɛ kpe, nɛ mi dlami etɛ mi kake ɔ hu, ma gbɛ mɛ ngɔ fĩa je ɔ mi tsuo; nɛ ma hia ta kɛ nyɛɛ a se.

Ezekiel 5:3

Ngɔɔ bwɔmi nɛ ɔ mi bɔɔ ko pɛ kɛ muɔ o tade ɔ nya.

Yeremia 24:9

Ma ngɔ haomi nɛ nya wa wawɛɛ nitsɛ kɛ ba a nɔ, nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, a maa bɔ mɛ ahlua, nɛ a maa wo mɛ la ngɛ he tsuaa he nɛ ma fie mɛ kɛ ya a.

Samuel I, 12:12

Se benɛ nyɛ na kaa Amon matsɛ, Nahash ma nyɛ tuami ɔ, nyɛ de mi ke, ‘Dɛbi, ja wa ná matsɛ nɛ e ye wa nɔ,’ be mi nɛ Yawɛ, nyɛ Mawu ɔ ji nyɛ matsɛ.

Samuel I, 11:1

Maa pee hlami kake se ɔ, Matsɛ Nahash nɛ je Amon, kɛ e ta buli ya sa Yabesh Gilead yi. Nyumu ɔmɛ tsuo ngɛ Yabesh ɔ de Nahash ke, “Ha waa kɛ mo nɛ so, konɛ wa sɔmɔ mo.”

Mose IV, 25:1

Benɛ Israel bi ɔmɛ ngɛ Shitim ɔ, a kɛ Moab yi ɔmɛ nɛ ngɛ lejɛ ɔ bɔni nyumu kɛ yo yakayaka fiɛmi fiɛmi.

Mose IV, 22:1

Israel bi ɔmɛ pue nɔ, nɛ a ya to si ngɛ Moab nga kpataa a nɔ ngɛ Yordan pa a se, ngɛ Yeriko hanɔ.

Mose I, 36:8

Enɛ ɔ he je ɔ, Esau hia kɛ ya hi Edom yo ɔ nɔ.

Mose IV, 25:2

Yi nɛ ɔmɛ kpeeɔ mɛ kɛ yaa niye ní nɛ a kɛ ba sã bɔ ha a mawu ɔmɛ ɔ a he. A yeɔ ní ɔ, nɛ a jaa mawu ɔmɛ hulɔ.

Yesaya 11:14

Jehanɛ lɛɛ, a maa pee kake kɛ ya tua Filisti bi ɔmɛ ngɛ bonyoku je; nɛ a maa ha nihi nɛ ngɛ beleku je ɔ a níhi. A maa ye Edom kɛ Moab bi ɔmɛ a nɔ kunimi, nɛ Amon bi ɔmɛ hu maa ba a he si ha mɛ.

Yeremia 41:10

Jehanɛ Ishmael nuu nihi tsuo nɛ piɛ ngɛ Mizpa a kɛ je. Matsɛbiyi ɔmɛ, kɛ nihi tsuo nɛ tatsɛ Nebuzaradan ngɔ kɛ wo Ahikam bi Gedalia dɛ mi po, Ishmael nuu mɛ, nɛ e kɛ mɛ pue nɔ kɛ yaa Amon bi ɔmɛ a zugba a nɔ.

Yeremia 43:5

Kɛkɛ nɛ Yohanan, kɛ asafoatsɛmɛ ɔmɛ tsuo ngɔ nihi tsuo nɛ piɛ ngɛ Yuda a kɛ ho Egipt ya. Ni nɛmɛ nɛ a fie kɛ ho je ma amɛ a nɔ ya nɛ a kpale kɛ ba a, jamɛatsɛmɛ ɔmɛ hu piɛ he,

Ezekiel 34:6

Lɔ ɔ he ɔ, ye to ɔmɛ wo lalaalo kɛ ya gu yo ɔmɛ, kɛ yokuhi nɛ ya hiɔwe tsuo a nɔ. A gbɛ mɛ fĩa je ɔ mi he tsuaa he. Nɔ ko nɔ ko be nɛ dii a se, loo e hlaa mɛ.

Yeremia 43:6

nyumuhi, yihi, jokuɛwi, kɛ matsɛbiyihi. Imi Yeremia, Neria bi Baruk, kɛ nihi tsuo nɛ tatsɛ Nebuzaradan si ha Gedalia nɛ e ngɛ a nɔ hyɛe ɔ, wɔ hu wa piɛ nihi nɛ a ngɔ kɛ ho ɔ a he.