Yeremia 4:7 - BAIBLO ALOO NGMAMI KLƆUKLƆU Ɔ

⁷ Je ma amɛ a hɛ mi kpatalɔ ɔ ma kaa jata nɛ hia kpo kɛ je e laami he. E ma nɛ e ba kpata Yuda zugba a hɛ mi. Yuda ma amɛ maa pee ma dokuhi, nɛ nɔ ko nɔ ko be a mi hie hu.

Yeremia 4:7 ပူးပေါင်းရင်းမြစ်များ

Matsɛmɛ II, 24:1

Benɛ Yehoyakim ngɛ tsɛ yee ɔ, Babilonia matsɛ, Nebukadnezar hia ta ba tua Yuda. Yehoyakim sɔmɔ lɛ jeha etɛ, nɛ lɔ ɔ se ɔ, e tsɔ atuã.

Matsɛmɛ II, 25:1

Zedekia tsɔ atuã kɛ wo Babilonia matsɛ, Nebukadnezar. Enɛ ɔ he je ɔ, Zedekia yi nɔ jeha nɛ ji nɛɛ ɔ, nyɔhiɔ nɛ ji nyɔngma a we ligbi nɛ ji nyɔngma a nɔ ɔ, Nebukadnezar kɛ e tabo ɔ tsuo ba tua Yerusalem. A sa ma a yi, nɛ a fia kpokuhi kɛ bɔle ma a kɛ kpe.

Yesaya 1:7

Nyɛ zugba a hɛ mi kpata; a sã nyɛ ma amɛ. Nibwɔhi ngɛ nyɛ zugba a ngɔe ngɛ nyɛ dɛ pani nya, nɛ a ngɛ nɔ́ tsuaa nɔ́ hɛ mi kpatae.

Yesaya 5:9

I nu nɛ Yawɛ Tabohiatsɛ ɔ de ke, “Wehi nɛ kle, nɛ a he ngɛ fɛu nɛ ɔ tsuo ma ba pee we dokuhi.

Yesaya 6:11

I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

Yeremia 2:15

A ngɛ huãe kɛ ngɛ lɛ woe kaa jatahi; a pee e zugba a kaa nga kplanaa nɔ; e ma amɛ plɛ pee ma dokuhi, nɛ nɔ ko nɔ ko be ma amɛ a mi hu.

Yeremia 22:6

“Yuda matsɛ we ɔ ngɛ fɛu ngɛ ye hɛ mi kaa bɔ nɛ Gilead zugba a, loo Lebanon yo ɔmɛ ngɛ ɔ. Se kɛ̃ ɔ, ma ha lejɛ ɔ maa pee we doku nɛ nɔ ko be mi.

Yeremia 22:7

Ma tsɔ nihi nɛ a ma ya puɛ lejɛ ɔ pɛsɛpɛsɛ. Nɔ tsuaa nɔ maa hɛɛ gbiɛ. A maa poo seda titima kpakpa amɛ, nɛ a ma sake kɛ wo la mi.

Yeremia 25:38

Yawɛ je e ma a he kaa jata nɛ si e muɔ kɛ fɔ si. Ta ní puɛmi ɔ, kɛ Yawɛ abofu nɛ nya wa a ha nɛ zugba a plɛ pee nga kplanaa.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 26:9

Mɛni he je lɛ o fiɛ ngɛ Yawɛ biɛ mi ke we nɛ ɔ ma ba pee kaa Shilo ɔ? Mɛni he je lɛ o de ke a ma kpata ma nɛ ɔ hɛ mi, nɛ nɔ ko nɔ ko be mi hie hu ɔ?” Kɛkɛ nɛ ma a tsuo ba bua kɛ wo ye he ngɛ Yawɛ we ɔ.

Yeremia 27:8

“Se ke je ma ko, aloo nɔ yemi ko kua ke mɛɛ lɛɛ a be kikɛmɛ a Babilonia matsɛ, Nebukadnezar nɛ ɔ sɔmɔe ɔ, ma ngɔ ta, hwɔ, kɛ gbenɔ hiɔ kɛ gbla a tue hluu kɛ yaa si be nɛ ma ha nɛ Nebukadnezar ma kpata a hɛ mi pɛsɛpɛsɛ.

Yeremia 33:10

Yawɛ ke, “Nihi deɔ ke hiɛmɛ nɛ ɔ ngɛ kaa nga kplanaa nɔ, he nɛ nimli loo lohwehi be. Niinɛ, ke a de ja a, a nɔ́ da. Yuda ma amɛ pee ma dokuhi, nɛ Yerusalem gbɛjegbɛ ɔmɛ hu a nɔ fɔɔ si gu; nɔmlɔ adesa ko, loo lohwe ko be lejɛ ɔmɛ. Se ngɛ lejɛ ɔmɛ nɔuu ɔ, nyɛ maa nu

Yeremia 34:22

Ma fa mɛ, nɛ a maa kpale kɛ ba ma nɛ ɔ mi ekohu. A ma ba tua ma a; a maa ngɔ ma a, nɛ a maa sã ma a. Ma ha nɛ Yuda ma amɛ maa pee ma dokuhi, nɛ nɔ ko nɔ ko be ma amɛ a mi hie hu. Imi, Yawɛ lɛ i de.”

Yeremia 4:29

Ke ma a nu okpɔngɔ ɔmɛ, kɛ kɛ̃ɛ̃ tsɛ̃li ɔmɛ a he ɔ, nɔ tsuaa nɔ maa tu fo kɛ je. Ni komɛ ma ya sɛ pu mi, nɛ ni komɛ ma ya kuɔ tɛ sahi. A ma si ma amɛ tsuo ngɔ fɔ si, nɛ nɔ ko nɔ ko be a mi hie hu.

Yeremia 44:2

Yawɛ Tabohiatsɛ, Israel Mawu ɔ ke, “Nyɛ nitsɛmɛ nyɛ na bɔ nɛ i kpata Yerusalem, kɛ Yuda ma kpa amɛ a hɛ mi. Amlɔ nɛ ɔ, ma amɛ pee ma dokuhi nɛ nɔ ko nɔ ko be a mi,

Yeremia 46:18

Imi Yawɛ Tabohiatsɛ ɔ, imi ji Mawu hɛ kalɔ ɔ nɛ. Kaa bɔ nɛ Tabor yo ɔ daa si gagaa ngɛ yo ɔmɛ a kpɛti, aloo kaa bɔ nɛ Karmel yo ɔ daa si ngɛ wo tue ɔ, jã ji bɔ nɛ nɔ nɛ ma mo tuami ɔ e he wami ngɛ.

Yeremia 49:19

Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja ma ba tlukaa, nɛ ma ba fie Edom bi ɔmɛ kɛ je a zugba a nɔ kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da nɛɛ?

Yeremia 5:6

Enɛ ɔ he je ɔ, jata maa je pu mi kɛ ba gbe mɛ; ogbetee maa je nga nɔ kɛ ba tsɔtslɔɔ a mi dukuduku, nɛ ngatsɛ ma ba wo ka ngɛ a ma amɛ a mi. Nɔ tsuaa nɔ nɛ maa je kpo ɔ, a ma tsɔtslɔɔ lɛ; ejakaa a pee yayamihi fuu, nɛ a tsɔ Mawu hɛ mi atuã si abɔ.

Yeremia 50:17

Bɔ nɛ Yawɛ de ji nɛ ɔ nɛ: “Israel bi ngɛ kaa tohi nɛ jatahi fie mɛ, nɛ a gbɛ mɛ ngɔ fĩa. Kekleekle ɔ, Asiria matsɛ ba tua mɛ, nɛ e ye mɛ; lɔ ɔ se ɔ, Babilonia matsɛ, Nebukadnezar ba kpe a wuhi.

Yeremia 50:44

“Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja imi Yawɛ, ma ba tlukaa nɛ ma ba fie Babilonia bi ɔmɛ kɛ je a ma a mi kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da?

Yeremia 8:16

Wa he nyɛli ɔmɛ ba sɛ Dan ma a mi momo. Wa ngɛ a okpɔngɔ ɔmɛ a he nue nɛ a ngɛ a gugwɔ mi flie ngɛ lejɛ ɔ. Ke okpɔngɔ ɔmɛ ngɛ pɛe kikɛ nɛ ɔ, kɛkɛ zugba a tsuo ngɛ mimiɛe. Wa he nyɛli ɔmɛ ba konɛ a ba kpata zugba a hɛ mi, kɛ nɔ́ tsuaa nɔ́ nɛ ngɛ zugba a nɔ, wa ma a, kɛ ma mi bi ɔmɛ tsuo.”

Yeremia 9:11

Yawɛ ke, “Ma pee Yerusalem ma doku, kɛ nga mi gbehi a hi he. Yuda ma amɛ maa pee ma dokuhi, nɛ nɔ ko nɔ ko be a mi hie.”

Ezekiel 12:20

Mahi nɛ nihi ngɛ a mi ɔ tsuo ma plɛ pee ma dokuhi. Lɔ ɔ loko a maa le kaa imi ji Yawɛ!”

Ezekiel 21:31

Nyɛ maa nu ye abofu nɛ nya wa a he, be mi nɛ ma gli kɛ wo nyɛ kaa la nɛ ngɛ tsoe plamplam. Ma ngɔ nyɛ kɛ wo dikali nɛ le ga nɛ a kɛ kpataa nɔ hɛ mi a dɛ mi.

Ezekiel 32:2

E de ke, “Nɔmlɔ adesa, la hɛdo la nɛ o kɛ bɔ Egipt matsɛ ɔ kɔkɔ. Ngɔɔ ye sɛ gbi nɛ ɔ kɛ ha lɛ: O peeɔ o níhi kaa nɔ́ nɛ jata ji mo ngɛ je ma amɛ a kpɛti; se o ngɛ kaa nyaka nɛ ngɛ pa gudue mohu. O tuɔ kɛ sɛɛ o pa amɛ a mi tsulaoo; o kɛ o nane gbidii nyu ɔ kɛ puɛɔ pa amɛ.

Daniel 5:19

Bɔ nɛ e he wami ɔ kle ha a, je ma amɛ, kɛ nihi nɛ tuɔ gbi slɔɔtoslɔɔto ɔmɛ yeɔ lɛ gbeye; ke a nu e biɛ kɛkɛ sawale nu mɛ. Nɔ́ nɛ e suɔ ɔ, lɔ ɔ e peeɔ. Ke e to kaa e maa gbe nɔ ko ɔ, kɛkɛ e gbe lɛ; ke e to kaa e maa baa nɔ ko yi ɔ, e baa e yi. Ke e to kaa e ma wo nɔ ko nɔ ɔ, kɛkɛ e wo e nɔ; ke e de ke e maa ba nɔ ko si ɔ, kɛkɛ e pee ja.

Daniel 7:4

Kekleekle lohwe ɔ ngɛ kaa jata, se e pɛlihi lɛɛ a ngɛ kaa kɔle pɛlihi. Benɛ i ngɛ lɛ hyɛe kɛ mwɔɔ ɔ, a ba kplɔ e pɛli ɔmɛ ngɛ e he. Jehanɛ, a wo lohwe ɔ nɔ ngɛ zugba; a kɛ lɛ da si ngɛ e nanehi a nɔ kaa nɔmlɔ, nɛ a ha lɛ nɔmlɔ juɛmi.

Mose III, 26:31

Ma kpata nyɛ ma nguangua amɛ a hɛ mi kɛ yaa si a ma plɛ pee ma dokuhi. Nyɛ jami he ɔmɛ hu ma puɛ mɛ, nɛ i be nyɛ bɔ ɔmɛ hee hu.

Mose III, 26:33

Ma ha ta maa nyɛɛ nyɛ se, nɛ ma gbɛ nyɛ ngɔ fĩa je ma amɛ tsuo a mi. Nyɛ maa je zugba a nɔ, nɛ ma amɛ ma plɛ ma dokuhi.