Yeremia 4:6 - BAIBLO ALOO NGMAMI KLƆUKLƆU Ɔ

⁶ Esɔ nɛ nyɛ pue blɔ kɛ ya Zion! Nyɛ ya sa we ngɛ lejɛ ɔ; nyɛ ko to tsle! Ejakaa Yawɛ je omleyi je kɛ ma nɛ e ba kpata nyɛ hɛ mi.

Yeremia 4:6 ပူးပေါင်းရင်းမြစ်များ

Yesaya 62:10

Yerusalem bi, nyɛɛ je kpo; nyɛɛ gu agbo ɔmɛ a mi kɛ je kpo! Nyɛɛ je gbɛjegbɛ kɛ ha ma a; nyɛ kukuɔ a nɔ tɛhi tsuo. Nyɛɛ si aflangaa nɛ je ma amɛ nɛ a na.

Yeremia 10:22

Nyɛɛ bu tue! Sɛ gbi ko ma! Ose ko ngɛ pɛe kɛ je omleyi je zugba a nɔ kɛ ma. Ta nguaa ko ma nɛ e ba kpata Yuda ma amɛ a hɛ mi, nɛ ma amɛ maa pee kaa nga mi gbehi a hi he.”

Yeremia 18:11

Lɔ ɔ he ɔ, de Yuda ma a, kɛ Yerusalem ma mi bi ɔmɛ ke, i ngɛ a yi nɔ soe, nɛ ma gbla a tue. De mɛ ke a jɔɔ yayami peemi, nɛ a dla a blɔ ɔmɛ, nɛ a pee nɔ́ nɛ da.

Yeremia 21:7

Se mo, Yuda matsɛ, Zedekia! Mo, kɛ o tsɔli ɔmɛ, kɛ nihi tsuo nɛ a yi ma na wami ngɛ ta, kɛ hwɔ, kɛ gbenɔ hiɔ ɔ se ɔ, nyɛɛ lɛɛ ma ngɔ nyɛ kɛ wo Babilonia matsɛ, Nebukadnezar, kɛ nyɛ he nyɛli ɔmɛ nɛ ngɛ nyɛ hlae nɛ a gbe ɔ a dɛ mi. Nebukadnezar ma kpata nyɛ tsuo pɛpɛɛpɛ nyɛ hɛ mi. E be nyɛ ti nɔ ko nɔ ko he ngmɛɛe, nɛ e be nɔ ko nɔ ko mɔbɔ nae. Imi, Yawɛ lɛ i de.”

Yeremia 22:7

Ma tsɔ nihi nɛ a ma ya puɛ lejɛ ɔ pɛsɛpɛsɛ. Nɔ tsuaa nɔ maa hɛɛ gbiɛ. A maa poo seda titima kpakpa amɛ, nɛ a ma sake kɛ wo la mi.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 4:21

Ma hi ta nɛ ɔ hyɛe kɛ yaa si mɛni be? Ma hi titimati nɛ ɔ he nue kɛ yaa si mɛni be?

Yeremia 50:2

“Nyɛɛ fiɛ munyu nɛ ɔ kɛ ha je ma amɛ! Nyɛɛ si aflaangaa, nɛ nyɛɛ fiɛ! Nyɛ ko laa nɔ́ ko nɔ; nyɛ de ke, ‘A ngɔ Babilon oo, a ngɔ Babilon! Babilon mawu ɔ nɛ a tsɛɛ Marduk ɔ, a kpata e hɛ mi. A pue Babilon wɔ ɔmɛ a hɛ mi si, nɛ a ywia amaga amɛ dukuduku.’

Yeremia 50:22

Ta ose pɛ ngɛ zugba a nɔ, nɛ níhi babauu a hɛ mi kpata.

Yeremia 51:12

Nyɛ wo aflaangaa amɛ a nɔ kɛ pee okadi nɛ a kɛ ma tua Babilon gbogbo ɔmɛ. Nyɛɛ hla buli kpakpahi, nɛ nyɛ ha nɛ a ya da a blɔ hehi! Nyɛ ha nɛ ka woli ɔmɛ nɛ a dla a he!” Bɔ nɛ Yawɛ to kaa e maa pee Babilonia bi ɔmɛ ɔ, ja e pee ɔ nɛ.

Yeremia 51:27

“Nyɛɛ si aflaangaa. Nyɛ kpa titimati nɛ je ma amɛ nɛ a nu! Nyɛ ha nɛ je ma amɛ nɛ a mia, nɛ a kɛ Babilonia ya hwu ta! Nyɛ de Ararat, Mini, kɛ Ashkenaz matsɛ yemi ɔmɛ ke a ya tua Babilonia. Nyɛ hla tatsɛ nɛ e nyɛɛ a hɛ mi. Nyɛɛ ngɔ okpɔngɔhi babauu kaa baalɛhi kɛ ba.

Yeremia 51:54

Yawɛ ke, “Nyɛɛ bu tue! Ngmlaa nɛ nya wa ngɛ pɛe ngɛ Babilon. A wo yana boboobo ngɛ lejɛ ɔ, ejakaa zugba a hɛ mi kpata!

Yeremia 6:1

Nyɛ Benyamin bi, nyɛɛ tu fo nɛ nyɛ he nyɛ yi wami! Nyɛɛ tu fo kɛ je Yerusalem esɔ! Nyɛ kpa titimati ngɛ Tekoa, nɛ nyɛ slɛ la ngɛ Bet Hekerem kɛ tsɔɔ okadi! Ejakaa haomi agbo je omleyi je kɛ ma nɛ ma ba kpata ma hɛ mi.

Yeremia 6:22

Yawɛ ke, “Ma ko mi bi je omleyi je kɛ ma; je ma ko nɛ a he wa saminya je tsitsaa kɛ ma nɛ a ba tua nyɛ.

Ezekiel 9:1

Kɛkɛ nɛ i nu nɛ Mawu wo gbi wawɛɛ ke, “Nyɛɛ ba hiɛ ɔ, nyɛ nihi nɛ nyɛ ma kpata ma a hɛ mi. Nɔ tsuaa nɔ nɛ hɛɛ awi yemi dade ngɛ e dɛ kɛ ba!”

Ezekiel 9:2

Amlɔ nɔuu ɔ, nyumuhi ekpa je yiti je agbo nɛ ngɛ omleyi je ɔ mi kɛ ba kɛ a dɛ mi awi yemi dadehi. Nɔ ko hu nɛ ha kploba, nɛ e kpla womi ngmami nɔ́ ko ngɛ e kasa nya kɛ mɛ ba. A ba da si ngɛ bɔ sami la tɛ nɛ a kɛ akɔblee pee ɔ he.

Zefania 1:10

“Jamɛ a ligbi ɔ, a maa wo yana ngɛ Lo Agbo ɔ nya ngɛ Yerusalem; a ma nya awe ngɛ Yerusalem ma he ɔ mi, nɛ a ma he ose ngɛ yoku ɔmɛ a nɔ.

Zakaria 6:6

Ta zugba lɛ ɔ nɛ okpɔngɔ yumu ɔmɛ ngɛ gblae ɔ yaa omleyi je, nɛ ta zugba lɛ nɛ okpɔngɔ hiɔ ɔmɛ ngɛ gblae ɔ yaa bonyoku je, nɛ nɔ́ nɛ okpɔngɔ huatahuata amɛ ngɛ gblae ɔ yaa zugba nɛ ngɛ leneyi je ɔ nɔ.