Yeremia 4:4 - BAIBLO ALOO NGMAMI KLƆUKLƆU Ɔ

⁴ Somi nɛ nyɛɛ kɛ imi Yawɛ, nyɛ so ɔ, nyɛɛ ye nɔ, nɛ nyɛɛ ngɔ nyɛ he kɛ ha mi, nyɛ Yuda ma, kɛ Yerusalem bi. Ke nyɛ pee we ja a, ye mi mi ma fu nyɛ ngɛ nyɛ ní yayami ɔmɛ a he. Nɛ ke ye mi mi fu ɔ, nɔ ko be nyɛe maa jɔɔ he.”

Yeremia 4:4 ပူးပေါင်းရင်းမြစ်များ

Kronika II, 34:25

A kua mi, nɛ a sã bɔhi kɛ ha mawu kpahi, nɛ a kɛ níhi nɛ a pee nɛ ɔ tsuo wo ye mi mi la. Ye mi mi fu Yerusalem wawɛɛ nitsɛ, nɛ nɔ́ ko be hie peemi ngɛ he.

Yesaya 10:17

Mawu nɛ ji la kɛ ha Israel ɔ ma mle. Mawu klɔuklɔu ha Israel ɔ ma mle kɛ la, nɛ ligbi kake too mi ɔ, e maa sã nɔ́ tsuaa nɔ́; e maa sã mio ɔmɛ, kɛ mio tso ɔmɛ tsuo.

Yesaya 30:33

Blema lokoo ɔ, a tsua muɔ ko nɛ a maa sã Asiria matsɛ ɔ ngɛ mi. Muɔ ɔ mi kuɔ, nɛ e bli, nɛ a to lɛ́ babauu kɛ wo mi. Yawɛ mumi ɔ nɛ ngɛ kaa la nɛ ngɛ tsoe plamplam ɔ maa sã lɛ.

Yesaya 51:17

Yerusalem, tee si! O hɛ nɛ tsɛ, nɛ o te si nɛ o da si! Amanehlu nɛ ngɛ kaa kplu nɛ Yawɛ kɛ abofu ngɔ ha mo ke o nu, konɛ e kɛ gbla o tue ɔ, o nu kɛ e sisi ɔ tsuo; nɛ enɛ ɔ ha o ngɛ si tataae.

Yeremia 15:14

Ma ha nɛ a ma sɔmɔ a he nyɛli ɔmɛ ngɛ zugba ko nɛ a li nɔ; ejakaa ye mi mi fumi ɔ ngɛ kaa la nɛ a slɛ, nɛ maa tso daa nɛ.”

Yeremia 21:5

Imi nitsɛ i kɛ nyɛ maa hwu kɛ ye he wami tsuo, kɛ mi mi la nɛ nya wa wawɛɛ nitsɛ.

Yeremia 23:19

Nyɛɛ hyɛ! Yawɛ mi mi fumi ɔ ngɛ kaa ahumi. E ngɛ kaa lasiogblee nɛ maa fia vuguvugu kɛ bɔle yayami peeli a yi he.

Yeremia 36:7

Alini a maa fa kue ha Yawɛ nɛ a maa kpale kɛ je a blɔ yayami ɔmɛ a nɔ; ejakaa abofu nɛ Yawɛ kɛ tu munyu kɛ si ma nɛ ɔ nya wa wawɛɛ nitsɛ.”

Yeremia 44:22

Mwɔnɛ ligbi nɛ ɔ, nyɛ zugba a hɛ mi kpata, nɛ nɔ ko nɔ ko be nɔ. Nyɛ zugba a plɛ pee nɔ́ ko nɛ a hiee, nɛ nihi kɛ e biɛ gbiɛɛ nɔ; ejakaa nyɛ yi wu tso ní peemi ɔmɛ, kɛ nyɛ yayami ɔmɛ ba ti Yawɛ.

Yeremia 9:25

Yawɛ ke, “Be ma nɛ ma gbla Egipt bi, Yuda bi, Edom bi, Amon bi, kɛ Moab bi a tue. Nihi nɛ ngɛ nga kplanaa a nɔ nɛ a poɔ huɛ ngɛ a hɛ se ɔ hu piɛ he. A po nimli nɛ ɔmɛ tsuo pɛpɛɛpɛ. Se somi nɛ pomi okadi nɛ ɔ daa si ha a lɛɛ a yi nɔ. Nimli nɛ ɔmɛ jio, ye ma Israel ɔ jio, nɔ ko nɔ ko yi ye somi ɔ nɔ.”

Kɔmɔ Yemi 4:11

Yawɛ mi mi fu wawɛɛ nitsɛ; e je e we abofu ɔ kpo; e mɛ Zion he la, nɛ e sã ma a sisi tomi ɔ pɛsɛpɛsɛ.

Ezekiel 16:38

Ma bu mo fɔ kaa o puɛ gba, nɛ o pue muɔ si. Ma ngɔ abofu, kɛ hunga kɛ gbla o tue, nɛ o hɛ mi ma kpata pɛsɛpɛsɛ!

Ezekiel 18:31

Yayamihi tsuo nɛ nyɛ pee kɛ si mi ɔ, nyɛ sake mɛ ngɔ pue he. Nyɛ tsake, nɛ́ nyɛ na juɛmi he, kɛ tsui he. Israel ma, mɛni he je nyɛ ngɛ hlae nɛ nyɛ hɛ mi nɛ kpata a?

Ezekiel 20:33

“Imi Nyɔmtsɛ Yawɛ, i ngɛ ye he kita kae ke i ngɛ nyɛ si woe kaa ma ngɔ abofu, kɛ nine si wami tsuo kɛ ye nyɛ nɔ.

Ezekiel 21:17

Imi hu ma fia ye dɛ, nɛ ye we abofu ɔ se maa po. Imi, Yawɛ lɛ i de.”

Ezekiel 24:13

Yerusalem, o yahomi basaa nɛ puɛ mo ɔ ji kana a nɛ. I gbo dengme kɛ bɔ o he mɔde, konɛ o he nɛ tsɔ; se mu ɔ ngɛ o he kpamisa. Lɔ ɔ he ɔ, o he be tsɔe kɛ je o mu ní peemi ní ɔmɛ a mi hu kɛ yaa si be nɛ ma ngɔ mi mi la kɛ gbla o tue wawɛɛ.

Ezekiel 24:8

Ee, i si muɔ ɔ ngɛ tɛ sa kpataa a nɔ ngɛ lejɛ ɔ, bɔ nɛ pee nɛ a na paa, konɛ a kɛ abofu nɛ nya wa nɛ ye lue.”

Ezekiel 44:7

A ha nibwɔhi mɔmlɔtɔtsɛmɛ, nihi nɛ a he tsɔ we, nɛ a bui mi tue ba sɛ ye we ɔ mi, benɛ osɔfo ɔmɛ ngɔ zɔ kɛ muɔ kɛ ngɛ bɔhi sãe ha mi ɔ. Ye ma a yi ye somi ɔ nɔ, nɛ a ngɔ a ní hiemi ní nɛ ɔmɛ hu kɛ tɔ ye nɔ.

Ezekiel 6:12

Nihi nɛ ngɛ se lokoo ɔ maa nu hiɔ, nɛ a ma gbo; nihi nɛ ngɛ kpo nya a maa nɔ ngɛ ta mi; nihi nɛ maa piɛ ɔ, hwɔ maa gbe mɛ. Bɔ nɛ ye mi mi la nɛ nya wa a ma tsu ní ji nɛ ɔ nɛ.

Ezekiel 8:18

Lɔ ɔ he ɔ, i kɛ abofu nɛ nya wa ma kple a nɔ. A be mɔbɔ nami ko kulaa nae ngɛ ye hɛngmɛ mi, nɛ i be a yi bae hulɔ. A maa fa kue boboobo kɛ tsɛ mi, se i be mɛ tue bue.”

Mose III, 26:28

lɛɛ ye mi mi ma fu nyɛ, nɛ ma je nyɛ se. Imi nitsɛ ma gbla nyɛ tue kɛ bɔ he totoe kpaago ngɛ nyɛ he yayami ɔmɛ a he.

Mose III, 26:41

nɛ lɔ ɔ he nɛ imi hu i je a se, nɛ i ngmɛɛ a he kɛ ha a he nyɛli, nɛ a kɛ mɛ ho ma se ya a nɛ. Se ke jehanɛ lɛɛ nyɛ nina tsake a tsui, nɛ a ba a he si, nɛ a kpa yayami peemi ɔ,

Amos 5:6

“Ke nyɛ kpale we kɛ bɛ ye ngɔ ɔ, ma ba nyɛ Israel bi ɔmɛ nyɛ kpɛti kaa la nɛ ngɛ tsoe gegeege. La nɛ ɔ maa sã Betel ma mi bi ɔmɛ, nɛ nɔ ko nɔ ko be nyɛe nɛ e gbe.” Nɔ́ nɛ Yawɛ de Israel bi ɔmɛ ke a pee, konɛ a yi nɛ na wami ji nɛ ɔ nɛ.

Zefania 2:2

nɛ nyɛ ko ba ngla nɛ nyɛ gbo kaa dwɔmi nɛ Yawɛ mi mi fumi ɔ nɛ ba nyɛ nɔ, nɛ ligbi ɔ nɛ Yawɛ mi mi ma fu nyɛ ɔ nɛ e su.

Romabi 2:25

Nyɛ yeɔ mlaa a nɔ jinɛ pomi nɛ a po nyɛ ɔ, se nami ngɛ he. Se nyɛ yi nɔ; lɔ ɔ he ɔ, nyɛ ngɛ kaa ni nɛmɛ nɛ a pui mɛ ɔ.

Mose V, 10:16

Lɔ ɔ he ɔ, kɛ je mwɔnɛ ɔ kɛ yaa a, nyɛɛ bu Yawɛ tue, nɛ nyɛ ko wa tue hu.

Mose V, 30:6

Yawɛ, nyɛ Mawu ɔ ma ha nyɛɛ kɛ nyɛ nina tsui kpakpa nɛ buɔ tue, konɛ nyɛɛ suɔ lɛ kɛ nyɛ tsui tsuo, nɛ nyɛɛ hi jamɛ a zugba a nɔ.

Mose V, 32:22

Ye mi mi fumi nya maa wa wawɛɛ kaa la nɛ ngɛ tsoe; e maa sã nɔ́ tsuaa nɔ́ ngɛ je ɔ mi kɛ ya su gbeje tɔɔ; e maa sã yo ɔmɛ a sisi tomi ɔmɛ hulɔ.

Kolosebi 2:11

Nɛ nyɛɛ kɛ Kristo pee kake ɔ, e tsɔɔ kaa a po nyɛ; pi he lo mi nɔ pomi. Mohu Kristo ha he lo nɛ ɔ we akɔnɔ nɛ nya wa a be nyɛ nɔ he wami hu.