Yeremia 4:30 - BAIBLO ALOO NGMAMI KLƆUKLƆU Ɔ

³⁰ Yerusalem, o hɛ mi kpata pɛ! Mɛni he je lɛ o bu bo tsu ɔ? Mɛni he je lɛ o kɛ june dla o he, nɛ o kpa o hɛngmɛ se tsopa a? O ngɛ o he dlae yaka gu! O suɔli ɔmɛ kua mo, nɛ a ngɛ mo hlae nɛ a gbe.

Yeremia 4:30 ပူးပေါင်းရင်းမြစ်များ

Matsɛmɛ II, 9:30

Benɛ Yezebel nu kaa Yehu ba Yezreel ɔ, e kɛ tsopa kpa e hɛngmɛ se, nɛ e hɔɔ e yi saminyayoo, nɛ e ya bu si ngɛ saflɛ nya ngɛ nɔ́ hyɛe.

Abɛ Womi 6:25

Ko ya di e he fɛu ɔ se; ko ha nɛ e we ajuama hɛngmɛ ɔ nɛ nu mo.

Abɛ Womi 7:10

Tlukaa a, yo ko kɛ lɛ ba kpe. Yo ɔ dla e he kaa yaholɔ nɛ ngɛ nyumu hlae.

Yesaya 10:3

Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

Yesaya 20:6

Ke jamɛ a be ɔ su ɔ, nihi nɛ ngɛ Filistia wo ɔ nya a ma de ke, ‘Nihi nɛ wa ngɔ wa hɛ kɛ fɔ a nɔ kaa a ma je wɔ kɛ je Asiria matsɛ ɔ dɛ mi ɔ, hyɛ nɔ́ nɛ ba! Wɔɔ lɛɛ kɛ wa maa pee kɛɛ nɛ wa yi ma na wami?’ ”

Yesaya 33:14

Yayami peeli nɛ ngɛ Zion ɔ nu sawale, nɛ a he ngɛ doe blibliibli. Nɔ́ nɛ a ngɛ a he bie ji, “La nɛ ngɛ ní puɛe nɛ ɔ, wa ti mɛnɔ ma nyɛ nya maa da? La nɛ ngɛ tsoe nɛ gbo we gblegbleegble nɛ ɔ nɛ, wa ti mɛnɔ ma nyɛ nya maa da?”

Yeremia 13:21

Nihi nɛ mo nitsɛ o tsɔse mɛ nɛ o kɛ mɛ ngɛ kaa huɛmɛ ɔ, ke a wo mɛ nɔkɔtɔma ngɛ o nɔ ɔ, kɛ o ma de kɛɛ? Anɛ o he mi be mo kɔɔe kaa yo nɛ nu kɔɔmi nɛ e miɔ nɛ e ma fɔ lo?

Yeremia 22:23

Nyɛ ngɛ tue mi jɔmi si himi mi ngɛ seda tsohi nɛ a kɛ je Lebanon kɛ ba a a mi. Se kɛ̃, haomi kɛ he hiami maa ba nyɛ nɔ kaa yo nɛ nu kɔɔmi; nyɛ ní maa pee mɔbɔ wawɛɛ nitsɛ.

Yeremia 30:14

Nyɛ suɔli ɔmɛ tsuo a hɛ je nyɛ nɔ, a bi we nyɛ si hu. I ba tua nyɛ kaa he nyɛlɔ tuaa nɔ; i gbla nyɛ tue wawɛɛ nitsɛ, ejakaa nyɛ pee yayami nguanguahi babauu.

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Kɔmɔ Yemi 1:19

“I fɔ ye huɛmɛ ɔmɛ nine, konɛ a ba piɛ ye he, se a sisi mi. Benɛ ye osɔfo ɔmɛ, kɛ ma nimeli ɔmɛ tsuo ho ma a mi ya ya ngɛ niye ní hlae nɛ a ye nɛ a yi nɛ na wami ɔ, kɛkɛ nɛ mɛ tsuo a hɛ mi kpata.

Kɔmɔ Yemi 1:2

Ya sɔuu e ngɛ foe nyɔnyɔɔnyɔ tsuo; nɛ vo nyu ngɛ e hɛngmɛ mi jee kɛ ngɛ si kplee. E suɔli ɔmɛ hu a ti nɔ ko nɔ ko be nɛ maa jɔɔ e bua. E huɛmɛ ɔmɛ tsuo kpa ngɛ e se, nɛ a ba pee e he nyɛli.

Kɔmɔ Yemi 4:17

Wa hyɛ yemi kɛ buami blɔ hluu kɛ ya si pɔ tɔ wa hɛngmɛ he, nɛ e ko hu bɛ. Wa mlɛ kaa je ma ko maa je ngmlaa ha wɔ lo, se lɛ tsuo pee yaka; nɔ ko nɔ ko bɛ nɛ e ba je ngmlaa ha wɔ.

Ezekiel 28:13

Eden, Mawu ngmɔ ɔ nitsɛ mi nɛ o hi. Tɛ kpakpa nɛ ɔmɛ tsuo o kɛ dla o he: rubi, daimond, topaz, beril, kanelian, yaspi, safiro, emerald, kɛ garnet. O ngɛ sika tsu he dlami níhi, kɛ heha ní babauu. Ligbi ɔ nɛ a bɔ mo ɔ, jamɛ a ligbi ɔ nɔuu lɛ a dla mo saminyayoo jã.

Ezekiel 28:9

Ke e ba mi ja a, anɛ o ma nyɛ ma de ngɛ ni nɛmɛ nɛ ngɛ mo gbee ɔ a hɛ mi ke mawu ji mo lo? O maa le kaa nɔmlɔ adesa kɛkɛ ji mo.

Obadia 1:7

Ni nɛmɛ nɛ o kɛ mɛ peeɔ kake kɛ hwuɔ ta a, a mlɔɔ mo nɛ a fie mo kɛ je o ma a mi. Ni nɛmɛ nɛ kɛ mo ngɛ saminya a, a mlɔɔ mo nɛ a ye o nɔ. Huɛmɛ nɛ kɛ mo yeɔ ní ɔ hu tsɔ mo klama, nɛ a deɔ ke? ‘Jije a hɛ mi tɛ̃mi ɔ ngɛ?’

Hebribi 2:3

Ke wɔɔ lɛɛ wa bui yi wami hemi kpetekpleenyɛ nɛ ɔ, kɛ wa maa pee kɛ ye wa he kɛɛ? Nyɔmtsɛ ɔ nitsɛ lɛ tu yi wami hemi nɛ ɔ he munyu kekle; nɛ nihi nɛ nu ɔ, mɛ hu a ma nɔ mi ha wɔ.

Kpojemi 17:13

Mɛ tsuo a maa hɛɛ juɛmi kake, nɛ a maa ngɔ a he wami, kɛ a blɔ nya a kɛ ha lohwe ɔ.

Kpojemi 17:2

Matsɛmɛ ɔmɛ nɛ ngɛ je ɔ mi ɔ kɛ lɛ bɔ ajuama; nɛ nimli nɛ ngɛ zugba a nɔ ɔ pee kaa nihi nɛ tɔ dã, benɛ e kɛ mɛ fiɛ yakayaka fiɛmi ɔ.”

Kpojemi 17:4

Yo ɔ wo tade he jua wawɛ nɛ hɛɛ alamua tu su, nɛ tsuɔ hulɔ; nɛ a kɛ sika tsu june, kɛ tɛ nɛ he jua wa, kɛ adiagba dla e he ha lɛ. E hɛɛ sika tsu kplu nɛ hyi tɔ kɛ zo ní ɔmɛ, kɛ e we ajuama bɔmi níhi nɛ a hiee ɔ.