Yeremia 4:3 - BAIBLO ALOO NGMAMI KLƆUKLƆU Ɔ

³ Yawɛ de Yuda ma a, kɛ Yerusalem bi ɔmɛ ke, “Nyɛɛ fa hu ngɛ nyɛ tsui ngmɔ ɔmɛ nɛ hɛ ɔ a mi; nyɛ ko du ní ngɔ wo miohi a mi.

Yeremia 4:3 ပူးပေါင်းရင်းမြစ်များ

Mose II, 23:11

Se jeha nɛ ji kpaago ɔ lɛɛ ngmɛɛ ngmɔ ɔ he nɛ e fɔ si gu nɛ e jɔɔ e he, nɛ o ko ya kpa e nɔ ní, bɔ nɛ pee nɛ o ma a mi ohiatsɛmɛ ɔmɛ nɛ a ye e nɔ ní, konɛ nɔ́ nɛ maa piɛ ɔ, pu mi lohwehi hu nɛ a ye. O wai ngmɔ ɔmɛ kɛ oliv abɔɔ ɔmɛ hu, mo tsu a mi ní jã kɛ̃.

Hosea 10:12

I de ke, ‘Nyɛɛ ye dami sane, konɛ ma suɔ nyɛ, nɛ ma gbaa nyɛ. Nyɛ tsake nyɛ tsui; ejakaa be ɔ su nɛ nyɛ ma hla imi Yawɛ, ye se blɔ. Kɛkɛ ɔ, ma ha dami sane yemi ma he si kaa bɔ nɛ hiɔmi nɛɛ ɔ.’

Mateo 13:22

Wu nɛ ya pue mio mi ɔ daa si ha nihi nɛ nuɔ sɛ gbi ɔ, se je nɛ ɔ mi he nya gbami, kɛ sika suɔmi gbee sɛ gbi ɔ, nɛ e wui yiblii.

Mateo 13:7

Wu ɔ ekomɛ hu ya pue miohi a mi; se mio ɔmɛ ha we tso ɔmɛ mumi womi he, nɛ a gbo.

Marko 4:7

Wu ɔmɛ ekomɛ ya pue miohi a kpɛti. Mio ɔ mia mɛ benɛ a ngɛ wae ɔ, nɛ a wui yiblii ko.

Luka 8:14

Wuhi nɛ ya pue mio mi ɔ daa si ha nihi nɛ nuɔ munyu ɔ, nɛ a heɔ yeɔ hulɔ. Se pee se ɔ, je nɛ ɔ mi haomi, kɛ ní nami, kɛ níhi nɛ ngɔɔ nɔ nya haa nɛ a hemi kɛ yemi gboɔ. Kɛkɛ ɔ, ní tsumi nɛ sa kaa a tsu kɛ gu hemi kɛ yemi nɔ ɔ, a nyɛ we nɛ a tsuɔ.

Luka 8:7

Ekomɛ hu ya pue mio mi, nɛ mio ɔ, kɛ wu ɔmɛ puɛ fiee, nɛ a gbe wu ɔmɛ.