Yeremia 4:28 - BAIBLO ALOO NGMAMI KLƆUKLƆU Ɔ

²⁸ Zugba a maa ye kɔmɔ, nɛ hiɔwe ma yu tuu. Yawɛ lɛ de, nɛ e be e nya se kpalee. E to e yi mi momo, nɛ e be tsakee hu.

Yeremia 4:28 ပူးပေါင်းရင်းမြစ်များ

Mose IV, 23:19

Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

Hosea 4:3

Enɛ ɔ he je nɛ zugba a pee mɔbɔmɔbɔ ɔ nɛ. Níhi tsuo nɛ ngɛ zugba a nɔ, nga mi lohwehi kɛ lohwe pɛlitsɛmɛ tsuo pee gbedee; nɛ pa mi lohi tete ngɛ gboe.”

Yeremia 12:4

Wa ngmɔ ɔmɛ a nɔ nga a tsuo gbli. Pu mi lohwehi, kɛ lohwe pɛlitsɛmɛ ngɛ tae. Wa zugba a pee mɔbɔmɔbɔ, ejakaa wa ma mi bi ɔmɛ pee yayami. Nɔ́ nɛ a deɔ ji, “Nɔ́ nɛ wa ngɛ pee nɛ ɔ, Mawu tsa nɛ.” Mɛni be nɔ́ nɛ ɔ maa ya nɔ kɛ yaa si?

Yesaya 50:3

Imi lɛ i haa hiɔwe woɔ diblii kpii kaa nɔ́ nɛ a kɛ kpekpe ya bo ha he.”

Yesaya 5:30

Jamɛ a ligbi ɔ, a ma hwɔ hoo kɛ wo Israel kaa wo nɛ gli. Ke nɔ ko hyɛ zugba a nɔ ɔ, e maa na kaa e nɔ wo diblii. E pee gbeye kɛ aywilɛho. E nɔ wo diblii kpii; la ko be.

Kpojemi 6:12

Benɛ To bi ɔ tsɔ nya sɔumi nɔ́ ekpane ɔ, i nu nɛ zugba mimiɛ wawɛɛ. Pu kpa tsomi; diblii wo kpii, nɛ nyɔhiɔ pee tsutsuu kaa muɔ.

Hebribi 7:21

Se Yesu lɛɛ, Mawu ka kita nɛ e kɛ wo lɛ osɔfo. Mawu de lɛ ke, “I ngɛ mo kita kae, nɛ i be ye nya se kpalee. ‘Osɔfo ji mo kɛ yaa neneene.’ ”

Efesobi 1:11

Nɔ́ nɛ Mawu suɔ kaa e maa pee, kɛ nɔ́ nɛ e to kaa e ba mi ɔ, lɔ ɔ e peeɔ. Mawu hla wɔ, konɛ wa ba pee lɛ nitsɛ e nihi, nɛ́ waa kɛ Kristo nɛ pee kake. Mawu suɔmi nya ní, kɛ yi mi nɛ e to kɛ je sisije tɔɔ ji nɛ ɔ nɛ.

Efesobi 1:9

kɛ pee níhi tsuo nɛ e to kaa e maa pee ɔ. Laami nɔ́ ko nɛ e to e yi mi momo ke e maa pee kɛ gu Kristo nɔ ɔ, e je tsɔɔ wɔ.

Luka 23:44

Piani ngmlɛ nyɔngma kɛ enyɔ ɔ, pu jɔɔ kpɛmi, nɛ diblii wo ngɛ zugba a nɔ tsuo kɛ ya si gbɔkuɛ ngmlɛ etɛ mi.

Marko 15:33

Diblii wo ngɛ zugba a tsuo nɔ kɛ je piani ngmlɛ nyɔngma kɛ enyɔ kɛ ya si ngmlɛ etɛ.

Mateo 27:45

Piani ngmlɛ nyɔngma kɛ enyɔ ɔ, zugba a nɔ tsuo wo diblii ngmlɛfia etɛ sɔuu.

Yoel 1:10

Ngmɔ ɔmɛ a hɛ mi kpata; zugba a pee mɔbɔmɔbɔ kaa nɔ́ nɛ kɔmɔ e ngɛ yee; ejakaa blɛfo ɔ hɛ mi kpata; wai tso ɔmɛ gbli, nɛ oliv tso ɔmɛ ylɔ.

Hosea 13:14

Anɛ ma kpɔ mɛ kɛ je gbeje lo? Anɛ ma he mɛ kɛ je gbenɔ dɛ mi lo? Gbenɔ, jije o hiɔ nɛ gbee nɔ ɔ ngɛ? Gbeje, jije nɔ́ nɛ a kɛ kpataa nɔ hɛ mi ɔ ngɛ? I be ma nɛ ɔ mɔbɔ nae hu.

Ezekiel 24:14

Imi, Yawɛ nitsɛ lɛ i de. Be ɔ su jehanɛ; bɔ nɛ i de ɔ, ja ma pee. I be ye nya se kpalee; i be mɔbɔ nae, nɛ i be ye he piae hulɔ. Yayamihi nɛ o pee ɔ a he ɔ, ma gbla o tue bɔ nɛ sa mo.” Nyɔmtsɛ Yawɛ lɛ de.

Yeremia 23:20

Yawɛ mi mi fumi nɛ nya wa wawɛɛ nɛ ɔ se be poe kɛ yaa si e maa pee nɔ́ tsuaa nɔ́ nɛ e to ke e maa pee ɔ kɛ gbe nya. Be komɛ a se loko e ma a maa nu nɔ́ nɛ ɔ sisi saminya.”

Yeremia 23:10

Zugba a nɔ hyi tɔ kɛ nimli nɛ yi Yawɛ anɔkuale. A peeɔ yayami, nɛ a kɛ a he wami tsu we nɔ́ kpakpa. Enɛ ɔ he je ɔ, Mawu gbiɛ zugba a; zugba a bɛ ní hu, nɛ e nɔ pee mɔbɔmɔbɔ.

Yeremia 14:2

“Yuda ngɛ kɔmɔ yee; Yuda ma amɛ ngɛ gboe; ma mi bi ɔmɛ hwɔɔ si ngɛ zugba mɔbɔmɔbɔ, nɛ bubuubui ngɛ pɛe ngɛ Yerusalem.

Yeremia 12:11

A kpata zugba a hɛ mi pɛsɛpɛsɛ, nɛ zugba a pee mɔbɔmɔbɔ. Zugba a tsuo plɛ pee nga kplanaa, nɛ nɔ ko nɔ ko yi he kɔmɔ.

Yeremia 7:16

Yawɛ de mi ke, “Yeremia, koo fa kue ha ma nɛ ɔ. Ko kpa mi pɛɛ ha mɛ; koo da mi ha mɛ, ejakaa i be mo tue bue.

Yesaya 34:4

Pu, nyɔhiɔ, kɛ dodoe ma puplee maa pee kaa bunyuku. Hiɔwe ma koklo kaa womi kpo; nɛ dodoehi maa hɔle kɛ pue si kaa bɔ nɛ wai, loo ngmɔkɔ tso hɔleɔ ba kɛ pueɔ si ɔ.

Yesaya 24:4

Zugba a gbli, nɛ e pee mɔbɔmɔbɔ kaa nɔmlɔ nɛ ngɛ kɔmɔ yee; je ɔ tsuo pee kaa nɔ ko nɛ pɔ tɔ lɛ; nimli ɔmɛ tsuo gbɔjɔ.

Samuel I, 15:29

Mawu nɛ ji Israel hɛ mi nyami ɔ, e yi lakpa, nɛ e tsakee we e yi mi tomi hulɔ; ejakaa tsa pi nɔmlɔ ji lɛ nɛ e ma tsake e yi mi tomi.”

Yeremia 51:12

Nyɛ wo aflaangaa amɛ a nɔ kɛ pee okadi nɛ a kɛ ma tua Babilon gbogbo ɔmɛ. Nyɛɛ hla buli kpakpahi, nɛ nyɛ ha nɛ a ya da a blɔ hehi! Nyɛ ha nɛ ka woli ɔmɛ nɛ a dla a he!” Bɔ nɛ Yawɛ to kaa e maa pee Babilonia bi ɔmɛ ɔ, ja e pee ɔ nɛ.

Kɔmɔ Yemi 2:17

Nɔ́ ko nɛ Yawɛ de ke e maa pee ɔ, amlɔ nɛ ɔ, e pee. Yawɛ kpata wa hɛ mi pɛsɛpɛsɛ kaa bɔ nɛ e de to be ko ke e maa pee ɔ. E ha nɛ wa he nyɛli ɔmɛ ye wa nɔ, nɛ a bua jɔ a he kaa wa hɛ mi kpata.

Zakaria 8:14

Bɔ nɛ Yawɛ Tabohiatsɛ ɔ de ji nɛ ɔ nɛ: “Benɛ nyɛ nɛmɛ ɔmɛ wo ye mi mi la a, i kpata nyɛ hɛ mi kaa bɔ nɛ i to ye yi mi ɔ, nɛ mɔbɔ nami ko kulaa be mi.