Yeremia 4:25 - BAIBLO ALOO NGMAMI KLƆUKLƆU Ɔ

²⁵ I na kaa nɔmlɔ adesa kake ngmelu be je ɔ mi; lohwe pɛlitsɛ ɔmɛ po te kɛ je.

Yeremia 4:25 ပူးပေါင်းရင်းမြစ်များ

Yeremia 12:4

Wa ngmɔ ɔmɛ a nɔ nga a tsuo gbli. Pu mi lohwehi, kɛ lohwe pɛlitsɛmɛ ngɛ tae. Wa zugba a pee mɔbɔmɔbɔ, ejakaa wa ma mi bi ɔmɛ pee yayami. Nɔ́ nɛ a deɔ ji, “Nɔ́ nɛ wa ngɛ pee nɛ ɔ, Mawu tsa nɛ.” Mɛni be nɔ́ nɛ ɔ maa ya nɔ kɛ yaa si?

Hosea 4:3

Enɛ ɔ he je nɛ zugba a pee mɔbɔmɔbɔ ɔ nɛ. Níhi tsuo nɛ ngɛ zugba a nɔ, nga mi lohwehi kɛ lohwe pɛlitsɛmɛ tsuo pee gbedee; nɛ pa mi lohi tete ngɛ gboe.”

Yeremia 9:10

I de ke, “Ma ye kɔmɔ ha yoku ɔmɛ, nɛ ma fo ya ha lohwehi a lɛmi he ɔmɛ ngɛ nga a nɔ. Ejakaa lejɛ ɔmɛ gbli, nɛ a fɔɔ si gu; nɔ ko nɔ ko gui lejɛ ɔmɛ hu. A pa nui kaa na ngɛ pɛe muu muu ngɛ lejɛ ɔmɛ hu; lohwe pɛlitsɛmɛ, kɛ pu mi lohwehi tsuo tu fo kɛ je.”

Ezekiel 38:20

Pa mi lohi, hiɔwe lohwe pɛlitsɛmɛ, pu mi lohwe nane eywiɛɛywiɛtsɛmɛ kɛ sisali, kɛ nimli adesahi ngɛ zugba a nɔ tsuo maa pee yoyooyo ngɛ ye hɛ mi. Yohi maa hule kɛ pue si, tɛ sa nguanguahi maa nɔ si, nɛ gbogbo tsuaa gbogbo maa hule kɛ pue si.

Yeremia 9:9

Anɛ ma ko gbla a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, ma ko gbla a tue lo? Imi, Yawɛ lɛ i ngɛ munyu tue ɔ nɛ.”