Yeremia 4:22 - BAIBLO ALOO NGMAMI KLƆUKLƆU Ɔ

²² Yawɛ ke, “Ye ma mi bi ɔmɛ biɛ pɛ; ye ma mi bi ɔmɛ li mi. A ngɛ kaa jokuɛwi kuasiahi; a be juɛmi. A he sɔɔ kɛ peeɔ yayami, se kpakpa peemi lɛɛ a li.”

Yeremia 4:22 ပူးပေါင်းရင်းမြစ်များ

Mose I, 39:16

Yo ɔ ngɔ Yosef tade ɔ ngɔ to kɛ ya si Yosef nyɔmtsɛ ɔ ba we ɔ mi.

Samuel II, 13:3

Se Amnon ngɛ huɛ ko nɛ le nɔ́ he ga tomi saminya. E biɛ ji Yonadab, nɛ e kɛ Amnon peeɔ tsɛngua kɛ tsɛwayo bimɛ; ejakaa Yonadab tsɛ Shimea kɛ David peeɔ nɔ kɛ e senɔ.

La 36:3

Munyu yaya, kɛ lakpa sɔuu lɛ jeɔ e nya mi. E li nɔ́ hu; e pa pee we kpakpa hu.

La 36:4

Ke e hwɔ si ɔ, nɔ́ yayami he ga lɛ e toɔ. E kpa we yayami peemi ɔ, e pee we nɔ́ kpakpa hulɔ.

La 53:4

Mawu ngɛ bie ke, “Ni nɛmɛ nɛ ngɛ yayami pee ɔ, a li nɔ́ lo? A ngɔ ojo fiami kɛ pee a nyangma. Se imi, a Mawu ɔ lɛɛ a ja we mi.”

La 82:5

“Nyɛ li nɔ́ ko nɔ́ ko fɛɛ! Nyɛ be juɛmi! Diblii mi kɛkɛ lɛ nyɛ ngɛ nyɛɛe. Dami sane yemi se po ngɛ je ɔ mi.

Abɛ Womi 28:5

Yayami peeli nui dami sane yemi sisi. Ni nɛmɛ nɛ sɔmɔɔ Yawɛ ɔ, mɛɛ lɛɛ a nuɔ sisi saminya.

Yesaya 1:3

Nahi le a tsɛ, nɛ tejihi hu le he nɛ a nɔ hyɛlɔ haa mɛ ní ngɛ. Se imi nitsɛ ye ma Israel ɔ, mɛɛ lɛɛ a li nɔ́ ko nɔ́ ko; a juɛmi bɛ he.”

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Yeremia 10:8

Mɛ tsuo pɛpɛɛpɛ a biɛ, nɛ a jeɔ kuasia. Amagahi nɛ a kɛ tso pee ɔ, mɛni a ma nyɛ maa kase kɛ je a dɛ?

Yeremia 13:23

Anɛ nɔmlɔ yumu ma nyɛ ma tsake e he womi su ɔ lo? Anɛ ngatsɛ ma nyɛ ma tsake e he huatahuata a lo? Ke e maa hi peemi ja a, lɛɛ nyɛ nɛ yayami peemi pee nyɛ he nɔ́ nɛ ɔ, nyɛ hu nyɛ ma nyɛ maa pee kpakpa.

Yeremia 2:8

Osɔfo ɔmɛ bi we ke, ‘Jije Yawɛ ngɛ?’ Imi nitsɛ ye we osɔfohi po li mi. Nɔ yeli ɔmɛ te si kɛ wo mi; gbali ɔmɛ gba ngɛ Baal biɛ mi, nɛ a ya nyɛɛ níhi nɛ a he be se nami a se.

Yeremia 4:21

Ma hi ta nɛ ɔ hyɛe kɛ yaa si mɛni be? Ma hi titimati nɛ ɔ he nue kɛ yaa si mɛni be?

Yeremia 5:21

Nyɛ kuasiahi, kɛ nihi nɛ nyɛ be juɛmi! Nyɛ ngɛ hɛngmɛ, se nyɛ hyɛ we nɔ́; nyɛ ngɛ tue, se nyɛ nui nɔ́. Nyɛɛ bu tue!

Yeremia 5:4

Kɛkɛ nɛ i de ke, “Nimli guhi kɛkɛ ji nimli nɛ ɔmɛ; a be juɛmi; a biɛ. A li Yawɛ, a Mawu ɔ blɔ ɔmɛ. Kɛ a maa pee kɛ bu lɛ tue kɛɛ?

Yeremia 9:2

I ná nɛ i ngɛ hi he ko ngɛ nga a nɔ kaa nibwɔhi a to he kikɛ nɛ ɔ; jinɛ i ko je ye ma mi bi ɔmɛ a he kulaa nɛ i ya hi lejɛ ɔ banee! Ejakaa a ngɛ kaa yaholi; nimli yayamihi ji mɛ tsuo pɛpɛɛpɛ; a yi mi anɔkuale.

Yeremia 9:3

Daa nɛ ɔ, a duɔ a lilɛ nya ngɔ to kaa kɛ̃ɛ̃ nɛ a dɔ mi nɛ a ma tsɛ̃. Lakpa, kɛ sisimi sɔuu ji zugba a nɔ; anɔkuale be. Yawɛ ke, “Ye ma mi bi ɔmɛ peeɔ yayami nɔtonɔto; se imi lɛɛ a li mi kaa a Mawu.”

Yeremia 9:5

Nɔ tsuaa nɔ ngɛ e nyɛmi sisie, nɛ nɔ ko nɔ ko tu we anɔkuale. A lilɛ be kɛ lakpa yemi, nɛ a kplɛɛ we kaa a ma kpa yayami peemi.

Ezekiel 16:30

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Hyɛ bɔ nɛ o mumu nya ta ha! O pee o he ajuamatsɛ, nɛ e pee we mo zo ko zo ko kulaa!

Hosea 4:1

Nyɛ Israel bi, nyɛɛ bu nɔ́ nɛ Yawɛ ngɛ dee ɔ tue. Yawɛ ke Israel ma a tɔ̃ e nɔ. E ke, “Anɔkuale yemi ta zugba a nɔ; suɔmi be, nɛ imi Mawu nitsɛ hu a li mi.

Hosea 4:6

Ye ma a hɛ mi ma kpata, ejakaa a li nɔ. Ee, nyɛ osɔfo ɔmɛ, nyɛ kua nile, lɔ ɔ he ɔ, imi hu ma kua nyɛ. Akɛnɛ nyɛ hɛ je ye mlaa amɛ a nɔ he je ɔ, imi hu ye hɛ maa je nyɛ binyumu ɔmɛ a nɔ.

Hosea 5:4

Yayami nɛ ma a pee ɔ ha we nɛ a nyɛ nɛ a kpale kɛ ba a Mawu ɔ ngɔ. Amaga jami ngɔ a tsui kulaa, nɛ a li Yawɛ hu.

Amos 3:10

Yawɛ ke, “Nimli nɛ ɔmɛ a mɔ ɔmɛ hyi tɔ kɛ níhi nɛ a gu ju kɛ yi mi wami blɔhi a nɔ kpɔ ngɛ nihi a dɛ. Bɔ nɛ a yeɔ anɔkuale po, a li.

Mika 2:1

Musu tloo nihi nɛ soɔ yi wu tso níhi, nɛ a toɔ yayami peemi he ga nyɔ mi ngɛ sa mi. Ke je na nɛ a na he blɔ pɛ, a peeɔ yayami nɛ a to he ga a.

Mika 7:3

Mɛ tsuo pɛpɛɛpɛ a he sɔɔ kɛ yayami peemi. Ma ní tsuli kɛ kojoli heɔ nyɔ mi ní. Niatsɛmɛ ɔmɛ heɔ mɛ kɛ sika. A tsɔɔ mɛ yi wu tso níhi nɛ a suɔ kaa a pee ha mɛ, nɛ a peeɔ kɛ haa mɛ.

Luka 16:8

“Niatsɛ ɔ je tsɔlɔ nɔkɔtɔma nɔ sisilɔ ɔ yi saminya kaa e to ga kikɛ nɛ ɔ. Ejakaa anɔkuale mi ɔ, je mi bi a nane nya sɔɔ kɛ nɔ sisimi kulaa pe nihi nɛ yeɔ Mawu gbeye.”

Yohane 16:3

Nihi maa pee nyɛ ní nɛ ɔmɛ, ejakaa a li Tsɛ ɔ; nɛ a li imi hulɔ.

Romabi 1:22

A tsɛɔ a he ní leli, se a plɛ pee kuasiahi mohu.

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

Romabi 16:19

A nu nyɛ he ngɛ he tsuaa he kaa nyɛ pɛtɛ sane kpakpa a he wawɛɛ; nɔ́ nɛ ɔ ha nɛ i na nyɛ he bua jɔmi saminya. I suɔ kaa nyɛɛ le kpakpa, nɛ nyɛɛ pee; se yayami blɔ fa mi lɛɛ a ko nu nyɛ he kulaa.

Romabi 3:11

Ní lelɔ ko be ɔ, nɔ ko nɔ ko be nɛ hlaa Mawu se blɔ.

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

Mose V, 32:28

“Ma ko nɛ be juɛmi ji Israel; a li nɔ́ ko nɔ́ ko.

Mose V, 32:6

Bɔ nɛ sa kaa nyɛ peeɔ Yawɛ ji nɛ ɔ lo, ma kuasia nɛ be juɛmi? Lɛ ji nyɛ tsɛ kɛ nyɛ bɔlɔ; lɛ nɛ e ha nyɛ pee e ma.