Yeremia 4:2 - BAIBLO ALOO NGMAMI KLƆUKLƆU Ɔ

² nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Yeremia 4:2 ပူးပေါင်းရင်းမြစ်များ

Mose I, 22:18

Je ma amɛ tsuo ma bi ke ma gbaa mɛ kaa bɔ nɛ i gbaa o nina a, ejakaa o bu mi tue.”

Matsɛmɛ I, 3:6

Salomo he nɔ ke, “O na tsaatsɛ David, o tsɔlɔ ɔ mɔbɔ babauu; ejakaa e ye mo anɔkuale, nɛ e pee nɔ́ nɛ da, nɛ e kɛ mo hi si saminya kɛ tsui mi faa. O mɔbɔ nami nɛ se pui nɛ ɔ tsa nɔ kɛ ba si o ha lɛ binyumu nɛ ba ngɛ tsɛ yee ngɛ e se mwɔnɛ nɛ ɔ.

La 72:17

Matsɛ ɔ biɛ nɛ hi si kɛ ya neneene. E biɛ nɛ pɛ be abɔ nɛ pu ngɛ nɛ ɔ. Mawu nɛ gbaa je ma amɛ tsuo, nɛ a ha matsɛ ɔ bua jɔmi.

La 99:4

Matsɛ kpetekpleenyɛ, mo nɛ o suɔ nɔ́ nɛ da! O to anɔkuale, kɛ dami sane yemi si ngɛ Israel.

Yesaya 45:23

I ngɛ kita kae, nɛ i be ye nya se kpalee. I ngɛ imi nitsɛ ye he kita kae ke je ma amɛ tsuo maa ba; a ma ba kpla si ha mi, nɛ a ma ka mi kita.

Yesaya 45:25

Imi Yawɛ nitsɛ ma ha Israel nina tsuo maa ye kunimi, nɛ a maa fĩa kɛ fɔ ye nɔ.

Yesaya 65:16

Kɛkɛ ɔ, nɔ tsuaa nɔ nɛ ma hla kaa a gbaa lɛ ɔ ma bi Mawu anɔkualetsɛ ɔ; nɛ nɔ nɛ ma ka kita ngɛ zugba a nɔ ɔ hu maa ngɔ Mawu anɔkualetsɛ ɔ biɛ kɛ ka; ejakaa blema haomi ɔmɛ maa be kɛ ho, nɛ a be kaie hu.”

Yeremia 10:10

Se mo Yawɛ, Mawu nitsɛnitsɛ ji mo; mo ji Mawu hɛ kalɔ ɔ nɛ; neneene matsɛ ji mo. Ke o mi mi fu ɔ, zugba mimiɛɔ, nɛ je ma amɛ nyɛ we nya dami.

Yeremia 12:15

Se ke i ngɔ mɛ kɛ ho se ɔ, ma na mɛ mɔbɔ ekohu, nɛ ma kpale je ma tsuaa je ma kɛ ba mɛ nitsɛmɛ a zugba nɔ, kɛ mɛ nitsɛmɛ a ma mi ekohu.

Yeremia 12:16

Je ma nɛ ɔmɛ tsɔɔ ye ma a, nɛ a kɛ Baal biɛ kaa kita. Ke a ma kpa a yi mi, nɛ a maa ngɔ mi kɛ pee a Mawu ngɛ Baal nane mi, nɛ a kɛ ye biɛ ma ka kita ja a, lɛɛ a maa bu mɛ ngɔ si ye ma mi bi ɔmɛ a nɔ.

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Yeremia 3:17

Ke jamɛ a be ɔ su ɔ, a ma tsɛ Yerusalem ke, ‘Yawɛ matsɛ sɛ,’ nɛ je ma amɛ tsuo ma ba bua a he nya ngɛ lejɛ ɔ, nɛ a ma ja mi. A pa be a tsui kpliie nɛ a pee mɛ nitsɛmɛ a suɔmi nya ní yayamihi hu.

Yeremia 33:9

Yerusalem ma ha nɛ ma na biɛ, yi jemi, kɛ hɛ mi nyami ngɛ je ma amɛ tsuo a kpɛti, ke je ma amɛ nu ní kpakpahi tsuo nɛ i pee ha ma a. Ke je ma amɛ nu ní nɛ ɔmɛ a he, nɛ a na bɔ nɛ kplɔkɔtɔ, kɛ he jɔmi ba ma a mi ɔ, a tsui maa po nɛ a he maa do blibliibli.”

Yeremia 5:2

Nyɛ ngɔɔ Yawɛ biɛ kɛ kaa kita, se nyɛ ní peemi níhi slo.

Yeremia 7:5

“Nyɛ tsake nyɛ je mi babɛ; kɛ nyɛ ní peepee. Nyɛɛ kɛ nyɛ nyɛmimɛ nɛ hi si saminya.

Yeremia 9:24

Ke nɔ ko suɔ kaa e maa fĩa a, e fĩa kaa e le mi saminya; ejakaa ye suɔmi ɔ se pui gblegbleegble; i peeɔ nɔ́ nɛ da, nɛ i yeɔ dami sane. Ní nɛ ɔmɛ ji níhi nɛ saa ye hɛ mi. Imi, Yawɛ lɛ i de.”

Hosea 2:19

Israel, i kɛ mo maa hi si kaa ye yo; ma ye mo anɔkuale. Ye suɔmi kɛ mɔbɔ nami nɛ ngɛ daa a, ma je kpo kɛ tsɔɔ mo, nɛ ma ngɔ mo kɛ pee ye nɔ́ kɛ maa ya neneene.

Yoel 2:12

Yawɛ ke, “Nyɛ tsake nyɛ tsui anɔkuale mi, nɛ nyɛɛ kpale kɛ ba ye ngɔ nɔuu. Nyɛɛ ha hwɔ; nyɛɛ wo yana, nɛ nyɛɛ ye kɔmɔ.

Zakaria 8:8

Ma ya kpale mɛ kɛ ba Yerusalem, nɛ a maa pee ye ma, nɛ imi hu ma pee a Mawu. Ma ye mɛ anɔkuale, nɛ ma pee nɔ́ nɛ da.”

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

1 Korintobi 1:31

Lɔ ɔ he ɔ, kaa bɔ nɛ ngmami ɔ deɔ ɔ, “Nɔ nɛ suɔ kaa e maa fĩa a, e fĩa ngɔ fɔ nɔ́ nɛ Nyɔmtsɛ ɔ pee ɔ nɔ.”

2 Korintobi 10:17

Lɔ ɔ he ɔ, kaa bɔ nɛ ngmami ɔ deɔ ɔ, “Nɔ nɛ suɔ kaa e maa fĩa a, e fĩa ngɔ fɔ nɔ́ nɛ Nyɔmtsɛ ɔ pee ɔ pɛ nɔ.”

Galatabi 3:8

Ngmami ɔ de to ke Mawu ma dla e kɛ ma je li nɛ heɔ yeɔ ɔ a kpɛti. E de Abraham sane kpakpa nɛ ɔ ke, “Mawu maa gu o nɔ kɛ maa gbaa ma je li ɔmɛ tsuo.”

Mose V, 10:20

Nyɛɛ bu Yawɛ, nyɛ Mawu ɔ tue, nɛ nyɛ ja lɛ nɔ kake pɛ. Nyɛɛ ye lɛ anɔkuale, nɛ nyɛɛ wo si ngɛ e biɛ mi pɛ.

Mose V, 4:30

Ke nyɛ ngɛ amanehlu mi, nɛ ní nɛ ɔmɛ tsuo ba nyɛ nɔ ɔ, lɔ ɔ loko nyɛ maa kpale kɛ ba Yawɛ, nyɛ Mawu ɔ ngɔ, nɛ nyɛ maa bu lɛ tue.

Mose V, 6:13

Nyɛɛ ye Yawɛ, nyɛ Mawu ɔ gbeye; nyɛ ja lɛ pɛ; nɛ e biɛ nyɛ kɛ ka kita.

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

Rut Womi 3:13

Lɔ ɔ he ɔ, moo hi hiɛ ɔ kɛ yaa si mɔtu; nɛ ke nyumu nɛ ɔ kplɛɛ nɛ e pee kusumi ɔ, nɛ e ngɔ mo ɔ, kɛkɛ lɛɛ saminya. Se ke e kplɛɛ we ɔ, lɛɛ i ngɛ si woe ngɛ Mawu hɛ kalɔ ɔ biɛ mi kaa ma ngɔ mo. Moo hwɔ si ngɛ hiɛ ɔ kɛ yaa si je maa na.”

Samuel I, 20:3

Se David he nɔ ke, “O tsɛ le saminya kaa o suɔ ye sane; lɔ ɔ he ɔ, e pee e juɛmi kaa e be hae nɛ o le nɔ́ nɛ ɔ, bɔ nɛ pee nɛ e ko hao mo. Se anɔkuale, i na Yawɛ hɛ kalɔ ɔ kaa nane hiami kake pɛ lɛ ngɛ i kɛ gbenɔ wa kpɛti.”