Yeremia 4:17 - BAIBLO ALOO NGMAMI KLƆUKLƆU Ɔ

¹⁷ A ma sá Yerusalem ma a yi kɛ kpe kaa bɔ nɛ buli buɔ zugba he ɔ; ejakaa ma mi bi ɔmɛ tsɔ Yawɛ hɛ mi atuã. Yawɛ lɛ de.

Yeremia 4:17 ပူးပေါင်းရင်းမြစ်များ

Nehemia 9:26

“Se enɛ ɔmɛ tsuo a se ɔ, o ma a tsɔ o hɛ mi atuã, nɛ a bui mo tue; a sake o mlaa a ngɔ fɔ a tue se. A gbe gbali ɔmɛ nɛ ka a hɛ mi, nɛ de mɛ ke a kpale kɛ ba o ngɔ ɔ; kɛ nɔ a bɔ musu babauu.

Nehemia 9:30

O to o tsui si, nɛ o bɔ mɛ kɔkɔ jeha babauu. O ngɔ o mumi ɔ ngɔ wo o gbali ɔmɛ a mi, konɛ a tu munyu ngɔ tsɔɔ mɛ; se o ma a wa tue. Lɔ ɔ he ɔ, o ngmɛɛ a he ha ma kpahi nɛ a ye a nɔ.

Yesaya 1:8

A si Yerusalem kɛ fɔ si mɔbɔmɔbɔ kaa ma nɛ ta sá e yi. E ngɛ kaa bulɔ tsu bi ko ngɛ wai ngmɔ mi, loo gba nɛ a ma ngɛ atlɛ ngmɔ mi.

Yesaya 30:9

Ejakaa ma atuã tsɔli ji mɛ; lakpatsɛmɛ, kɛ nihi nɛ bui Yawɛ mlaa a ji mɛ.

Yeremia 5:23

Se nyɛ kikɛmɛ a ma nɛ ɔ lɛɛ nimli nɛ a tsui kplii, kɛ atuã tsɔli ji nyɛ; nyɛ tsɔ ye hɛ mi atuã, nɛ nyɛ kua mi.

Yeremia 52:4

Enɛ ɔ he je ɔ, Zedekia yi nɔ jeha nɛ ji nɛɛ ɔ, nyɔhiɔ nɛ ji nyɔngma a we ligbi nɛ ji nyɔngma a nɔ ɔ, Babilonia matsɛ, Nebukadnezar kɛ e tabo ɔ tsuo ba tua Yerusalem. A sa ma a yi, nɛ a fia kpokuhi kɛ bɔle ma a kɛ kpe.

Kɔmɔ Yemi 1:18

“Yawɛ nɔ́ da. Ejakaa imi lɛ i tsɔ atuã, nɛ i bui e munyu ɔ; se kɛ̃ ɔ, nyɛ nihi tsuo nyɛɛ bu mi tue, konɛ amanehlu nɛ ba ye nɔ nɛ ɔ, nyɛɛ na. A nuu ye nihewi ɔmɛ, kɛ yihewi ɔmɛ nyɔguɛ kɛ ho.

Kɔmɔ Yemi 1:8

Yerusalem pee yayami wawɛɛ kɛ pue e hɛ mi si. E pee kaa nɔ ko nɛ hɛɛ e he gu; nihi tsuo nɛ peeɔ e he akɔtaa a bui lɛ hu. Ee, e ngɛ kɛmɛe, nɛ e ngɛ e hɛ mi laae.

Mose V, 9:24

Kɛ je be nɛ i le nyɛ ɔ, Yawɛ hɛ mi atuã sɔuu nyɛ ngɛ tsɔe.