Yeremia 4:16 - BAIBLO ALOO NGMAMI KLƆUKLƆU Ɔ

¹⁶ A ma nɛ a ba ha nɛ je ma amɛ nɛ a le, nɛ Yerusalem hu nɛ e nu kaa he nyɛli komɛ je ma se tsitsaa kɛ ma nɛ a ba sá ma a yi. He nyɛli nɛ ɔmɛ ma he ose kɛ wo Yuda ma amɛ a he.

Yeremia 4:16 ပူးပေါင်းရင်းမြစ်များ

Ezekiel 21:22

Kɛ̃ɛ̃ nɛ e hɛɛ ngɛ e hiɔ nine mi ɔ maa tsɔɔ Yerusalem. E maa tsɔɔ lɛ kaa e ya fia gbogbo kumi kpoku kɛ wo ma a he; e kpa ngmlaa nɛ e he ose wawɛɛ; e ngɔ gbogbo kumi níhi kɛ to agbo ɔmɛ a nya; e fia kpokuhi, nɛ e ma mɔhi.

Yeremia 5:15

Nyɛ Israel bi, Yawɛ ha nɛ je ma ko je tsitsaa kɛ ma nɛ e ba tua nyɛ. Blema ma ji ma nɛ ɔ nɛ, nɛ ma mi bi ɔmɛ a he wa wawɛɛ nitsɛ. Nimli nɛ ɔmɛ a gbi ɔ, nyɛ li; ke a tu munyu hu nyɛ be sisi nue.

Yesaya 39:3

Kɛkɛ nɛ gbalɔ Yesaya ba Matsɛ Hezekia ngɔ, nɛ e ba bi lɛ ke, “Nyumu ɔmɛ nɛ ba o ngɔ ɔ, jije a je, nɛ mɛni a ba de mo?” Hezekia he nɔ ke, “A je Babilonia zugba a nɔ, ngɛ tsitsaa lokoo.”

Yeremia 50:2

“Nyɛɛ fiɛ munyu nɛ ɔ kɛ ha je ma amɛ! Nyɛɛ si aflaangaa, nɛ nyɛɛ fiɛ! Nyɛ ko laa nɔ́ ko nɔ; nyɛ de ke, ‘A ngɔ Babilon oo, a ngɔ Babilon! Babilon mawu ɔ nɛ a tsɛɛ Marduk ɔ, a kpata e hɛ mi. A pue Babilon wɔ ɔmɛ a hɛ mi si, nɛ a ywia amaga amɛ dukuduku.’

Yeremia 39:1

Yuda matsɛ, Zedekia yi nɔ jeha nɛɛne ɔ we nyɔhiɔ nɛ ji nyɔngma a mi ɔ, Babilonia matsɛ, Nebukadnezar ngɔ e tabo ɔ tsuo kɛ ba Yerusalem, nɛ e ba sa ma a yi.

Yeremia 31:10

Yawɛ ke, “Nyɛ je mahi, nyɛɛ bu mi tue nɛ nyɛɛ fiɛ ye munyu ɔmɛ ngɛ wo kpɔ ɔmɛ a nɔ tsitsaa lokoo ke, ‘Nɔ nɛ gbɛ Israel ma a ngɔ fĩa a, lɛ nɔuu e ma bua a nya ekohu, nɛ e maa hyɛ a nɔ kaa bɔ nɛ to hyɛlɔ hyɛɛ e tohi ɔ.’

Yeremia 16:6

Niatsɛmɛ, kɛ ohiatsɛmɛ tsuo ma gbo ngɛ zugba nɛ ɔ nɔ; se nɔ ko be mɛ pue, nɛ nɔ ko be kɔmɔ yee ha mɛ. Nɔ ko nɔ ko be blɔ jee nɛ e maa plaa e he, loo e maa po huɛ kɛ tsɔɔ kaa e ngɛ kɔmɔ yee.

Yeremia 6:18

Lɔ ɔ he ɔ, Yawɛ de ke, “Nyɛ je ma amɛ, nyɛɛ bu tue nɛ nyɛɛ nu sane nɛ maa ba ye ma a nɔ.

Yeremia 5:6

Enɛ ɔ he je ɔ, jata maa je pu mi kɛ ba gbe mɛ; ogbetee maa je nga nɔ kɛ ba tsɔtslɔɔ a mi dukuduku, nɛ ngatsɛ ma ba wo ka ngɛ a ma amɛ a mi. Nɔ tsuaa nɔ nɛ maa je kpo ɔ, a ma tsɔtslɔɔ lɛ; ejakaa a pee yayamihi fuu, nɛ a tsɔ Mawu hɛ mi atuã si abɔ.

Yeremia 4:17

A ma sá Yerusalem ma a yi kɛ kpe kaa bɔ nɛ buli buɔ zugba he ɔ; ejakaa ma mi bi ɔmɛ tsɔ Yawɛ hɛ mi atuã. Yawɛ lɛ de.

Yeremia 2:15

A ngɛ huãe kɛ ngɛ lɛ woe kaa jatahi; a pee e zugba a kaa nga kplanaa nɔ; e ma amɛ plɛ pee ma dokuhi, nɛ nɔ ko nɔ ko be ma amɛ a mi hu.

Yesaya 34:1

Nyɛ, je ma amɛ tsuo nyɛɛ ba! Nyɛ bua nyɛ he nya kɛ ba nɛ nyɛ ba bu tue. Zugba a tsuo, kɛ nɔ tsuaa nɔ nɛ ngɛ je ɔ mi, nyɛɛ ba nɛ nyɛ ba bu tue.

Yeremia 1:15

I ngɛ je ma amɛ tsuo nɛ ngɛ omleyi je ɔ kpee kɛ ma Yerusalem. Matsɛ tsuaa matsɛ kɛ e sɛ ma ba ma Yerusalem agbo ɔmɛ a nya, kɛ gbogbo ɔmɛ a he kɛ kpe. A maa pee ja nɔuu ngɛ Yuda ma kpa amɛ hu a mi.

Yeremia 8:19

Nyɛɛ bu tue! Ngɛ zugba a tsuo nɔ ɔ, i nu nɛ ye ma a ngɛ ngmlaa kpae nɛ a ngɛ bie ke, “Anɛ Yawɛ be Zion hu lo? Zion matsɛ ɔ be ma a mi hu lo?” Yawɛ bi ke, “Mɛni he je lɛ nyɛ ya ja amagahi, nɛ nyɛɛ kɛ nɔ́ nɛ ɔ peemi wo ye mi mi la a? Mɛni he je lɛ nyɛ ya kpla si ha ma se wohi?”

Yeremia 6:19

Je ɔ, bu tue! Ma ngɔ haomi kɛ ba ma nɛ ɔ nɔ kaa yayamihi nɛ mɛ nitsɛmɛ a pee ɔ he tue gblami. Ejakaa a bui ye munyu ɔmɛ tue, nɛ ye mlaa a hu a yi nɔ.

Yeremia 6:22

Yawɛ ke, “Ma ko mi bi je omleyi je kɛ ma; je ma ko nɛ a he wa saminya je tsitsaa kɛ ma nɛ a ba tua nyɛ.

Yeremia 6:23

Nimli nɛ ɔmɛ ɔ, yiwutsotsɛmɛ ji mɛ; mɔbɔ nami kake too be a mi. A mia kɛ kɛ̃ɛ̃ kɛ akplɔ, nɛ a hi okpɔngɔhi a nɔ kɛ ma. Okpɔngɔ ɔmɛ a nane si ngɛ pɛe glɛi glɛi glɛi kaa wo nɛ gli. A ma nɛ a ba tua Yerusalem.”