Yeremia 4:13 - BAIBLO ALOO NGMAMI KLƆUKLƆU Ɔ

¹³ Hyɛ, he nyɛli ɔmɛ ngɛ fo nɔ kɛ ma kaa bɔku. A ta zugba lɛ ɔmɛ hia kɛ ma kaa lasiogblee, nɛ a we okpɔngɔ ɔmɛ a he sɔɔ kulaa pe kɔlehi. Akuanyɛ! Wa yi ta pɛ!

Yeremia 4:13 ပူးပေါင်းရင်းမြစ်များ

Samuel II, 1:23

“Saul kɛ Yonatan a he ngɛ bua jɔmi; a suɔ mɛ saminya. Wami mi jio, gbenɔ mi jio, a mi gba we. A he sɔɔ pe kɔle; nɛ a he wa pe jata.

Yesaya 13:5

A je tsitsaa je mi nyagbe he ɔmɛ tsuo kɛ ma. Yawɛ kɛ e mi mi fumi ɔ ma kpata zugba a tsuo hɛ mi.

Yesaya 19:1

Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

Yesaya 3:8

Niinɛ, musu tloo Yerusalem! Yuda hɛ mi kpata! Ejakaa a deɔ nɔ́ tsuaa nɔ́, nɛ a peeɔ nɔ́ tsuaa nɔ́ kɛ siɔ Yawɛ; a jee blɔ pueɔ Mawu nitsɛ hɛ mi si.

Yesaya 5:28

A kɛ̃ɛ̃ mi bi ɔmɛ a nya ba, nɛ a dɔ a kɛ̃ɛ̃ ɔmɛ a mi, konɛ a tsɛ̃. A we okpɔngɔ ɔmɛ a nane kokloto ɔmɛ a he wa kaa tslɛbo, nɛ a ta zugba lɛ ɔmɛ a nane kla amɛ ngɛ a he poe kɛ fo kaa lasiogblee.

Yesaya 66:15

Yawɛ maa nyɛɛ la mi kɛ ba. E maa hi ta zugba lɛ nɛ ngɛ kaa lasiogblee mi kɛ ba, nɛ e ma ba kpata e he nyɛli ɔmɛ a hɛ mi.

Yeremia 10:19

Yerusalem bi ɔmɛ kpa bubuubui ke, “Akuanyɛ! Wa plaa pɛ! Wa pa a be tsa ba. Se wa susu kaa wa ma nyɛ ma mia wa hɛ mi kɛ to nɔ.

Yeremia 4:12

Kɔɔhiɔ nɛ Yawɛ ma ha nɛ e fia nɛ ɔ nya maa wa wawɛɛ nitsɛ pe lɔ ɔ! Kɔɔhiɔ nɛ ɔ ji Yawɛ nitsɛ nɛ ma e ma a tue gblami ɔ nɛ.

Yeremia 4:31

I nu gbi ko nɛ ngɛ pɛe kaa yo nɛ nu kɔɔmi; i nu kɛmɛmi ko kaa yo nɛ ngɛ e kekleekle bi fɔe. Mamoo Yerusalem nɛ e kɛ gbafa ngɛ ngmlaa kpae ɔ nɛ. E juale e nine mi, nɛ e ngɛ dee ke, “Akuanyɛ! Ye yi ta pɛ! He nyɛli ɔmɛ miɔ nɛ a maa gbe mi!”

Yeremia 46:18

Imi Yawɛ Tabohiatsɛ ɔ, imi ji Mawu hɛ kalɔ ɔ nɛ. Kaa bɔ nɛ Tabor yo ɔ daa si gagaa ngɛ yo ɔmɛ a kpɛti, aloo kaa bɔ nɛ Karmel yo ɔ daa si ngɛ wo tue ɔ, jã ji bɔ nɛ nɔ nɛ ma mo tuami ɔ e he wami ngɛ.

Yeremia 48:40

Bɔ nɛ Yawɛ de to ji nɛ ɔ nɛ. E ke, “Je ma ko ma ba tua Moab tlukaa kaa kɔle nɛ gbɛ e pɛlihi a mi kɛ ma.

Yeremia 49:22

He nyɛlɔ ɔ ma ba tua Bozra tlukaa kaa kɔle nɛ gbɛ e pɛlihi a mi kɛ ma. Jamɛ a ligbi ɔ, Edom ta buli ɔmɛ maa nu sawale kaa yo nɛ nu kɔɔmi.”

Yeremia 6:23

Nimli nɛ ɔmɛ ɔ, yiwutsotsɛmɛ ji mɛ; mɔbɔ nami kake too be a mi. A mia kɛ kɛ̃ɛ̃ kɛ akplɔ, nɛ a hi okpɔngɔhi a nɔ kɛ ma. Okpɔngɔ ɔmɛ a nane si ngɛ pɛe glɛi glɛi glɛi kaa wo nɛ gli. A ma nɛ a ba tua Yerusalem.”

Yeremia 9:19

A wo yana ngɛ Zion, nɛ a ngɛ dee ke, “Wa yi ta oo, wa yi ta! Wa hɛ mi pue si pɛ! Nyɛ ha nɛ waa je wa zugba a nɔ, ejakaa a ku wa we ɔmɛ tsuo ngɔ pue si.”

Kɔmɔ Yemi 4:19

He nyɛli ɔmɛ nyɛɛ wa se kɛ fo. A he sɔɔ pe kɔlehi ngɛ kɔɔhiɔ mi. A nyɛɛ wa se kɛ gu yo ɔmɛ a nɔ, nɛ a wo wɔ ka ngɛ nga kplanaa a nɔ.

Ezekiel 26:10

E we okpɔngɔhi maa hiɛ babauu nɛ a se bunyuku ɔ maa laa o nɔ. Okpɔngɔ ɔmɛ, e ní gblami tlɔɔke ɔmɛ, kɛ e ta zugba lɛ ɔmɛ maa sɛ agbo ɔmɛ a mi gidigidi kaa a sɛɔ ma ko nɛ a ye e nɔ momo mi. A hoo peemi ɔ ma mimiɛ o gbogbo ɔmɛ tete.

Ezekiel 38:9

E kɛ e tabo ɔ, kɛ je mahi babauu ma ba tua lejɛ ɔ kaa ahumi; a maa ha zugba a nɔ kaa bɔku.”

Daniel 11:40

“Ke be nɛ Siria matsɛ ɔ nyagbe be ɔ su ta a, Egipt matsɛ ɔ ma ba tua lɛ. Se Siria matsɛ ɔ maa ngɔ ta zugba lɛhi, okpɔngɔhi, kɛ lɛhi babauu kɛ ba, nɛ e kɛ Egipt matsɛ ɔ ma ba hwu ta wawɛɛ nitsɛ. Kaa bɔ nɛ pa bee ɔ, ja nɛ e maa ngɔ zugba amɛ kakaaka.

Daniel 7:4

Kekleekle lohwe ɔ ngɛ kaa jata, se e pɛlihi lɛɛ a ngɛ kaa kɔle pɛlihi. Benɛ i ngɛ lɛ hyɛe kɛ mwɔɔ ɔ, a ba kplɔ e pɛli ɔmɛ ngɛ e he. Jehanɛ, a wo lohwe ɔ nɔ ngɛ zugba; a kɛ lɛ da si ngɛ e nanehi a nɔ kaa nɔmlɔ, nɛ a ha lɛ nɔmlɔ juɛmi.

Hosea 8:1

Yawɛ ke, “Nyɛ kpa titimati! Ejakaa he nyɛli ma nɛ a ba tua ye zugba a kaa bɔ nɛ kɔle he sɔɔ kɛ saa nɔ́ ɔ. Somi nɛ i kɛ ye ma a so ɔ, a yi nɔ, nɛ a tɔ̃ ye mlaa amɛ hulɔ.

Mika 2:4

Jamɛ a be ɔ, nihi ma la hɛdo la nɛ ɔ kɛ li nyɛ. A ma nya awe nɛ a maa ye kɔmɔ ke, Wa yi ta pɛ! Yawɛ kpɔ wa zugba a ngɛ wa dɛ Nɛ e ngɔ kɛ ha nihi nɛ nuu wɔ nyɔguɛ ɔ.”

Nahum 1:3

Yawɛ mi mi fu we mla, se kɛ̃ ɔ, e we abofu nya wa wawɛɛ nitsɛ; e ngmɛ́ blɔ nɛ nɔ tɔli yeɔ a he kɔkɔɔkɔ. Yawɛ jeɔ e he wami kpo ngɛ lasiogblee kɛ ahumi mi; nɛ bɔku ngɛ kaa e nane se bunyuku!

Habakuk 1:8

“A we okpɔngɔ ɔmɛ a he sɔɔ pe ngatsɛhi, nɛ a hɛ mi ngɛ klamaklama pe ogbeteehi nɛ hwɔ ngɛ mɛ yee. A we okpɔngɔ nɔ hili ɔmɛ jeɔ ma se lokoo kɛ baa, nɛ okpɔngɔ ɔmɛ a nane hii si sie glɛi glɛi glɛi! A ba yuɔ nɔ nɔ kaa bɔ nɛ kɔlehi peeɔ kɛ saa lohwehi nɛ a ya yeɔ ɔ.

Zakaria 6:1

I na nina kpa hulɔ. Jehanɛ lɛɛ i na ta zugba lɛ eywiɛ komɛ nɛ je kpo ngɛ yo enyɔ komɛ a kpɛ kɛ ma. Akɔblee sɔuu ji yo ɔmɛ.

Mateo 24:30

Kɛkɛ ɔ, Nɔmlɔ Bi ɔ we okadi ɔ maa je kpo ngɛ hiɔwe. Zugba a nɔ wɛtso ɔmɛ tsuo maa na Nɔmlɔ Bi ɔ nɛ ma ngɛ hiɔwe bɔku ɔmɛ a mi kɛ he wami, kɛ hɛ mi nyami babauu. Nɛ mɛ tsuo pɛpɛɛpɛ a maa wo yana.

Mose V, 28:49

Yawɛ ma ha je ma ko nɛ nyɛ nui a gbi maa je zugba a nyagbe he ɔmɛ nɛ a kɛ nyɛ ba hwu. A ma ba tua nyɛ tlukaa kaa bɔ nɛ kɔle gblɔɔ nɔ́ ɔ.

Kpojemi 1:7

Hyɛ! E ngɛ bɔku ɔmɛ a mi kɛ ma, nɛ nɔ tsuaa nɔ maa na lɛ; nihi nɛ gbɔɔ lɛ ní ɔ hu maa na lɛ. Nihi tsuo nɛ ngɛ je ɔ mi ɔ maa wo yana ha lɛ. Ee, é ba mi ja! Amen.