Yeremia 4:1 - BAIBLO ALOO NGMAMI KLƆUKLƆU Ɔ

¹ Yawɛ ke, “Israel bi, ke nyɛ suɔ kaa nyɛ maa kpale kɛ ba ye ngɔ ɔ, nyɛɛ ba! Ke nyɛ ma je amaga amɛ nɛ i hiee ɔ kɛ je ye hɛ mi,

Yeremia 4:1 ပူးပေါင်းရင်းမြစ်များ

Mose I, 35:2

Kɛkɛ nɛ Yakob de e yi ɔmɛ, kɛ e bimɛ ɔmɛ, kɛ nɔ tsuaa nɔ nɛ kɛ lɛ ngɛ ɔ ke, “Nyɛ jé ma se mawu ɔmɛ nɛ ngɛ nyɛ dɛ ɔ ngɔ pue he; nyɛɛ tsukɔ nyɛ he, nɛ nyɛɛ wo tadehi nɛ a he tsɔ.

Matsɛmɛ II, 23:13

Yosia ble bɔ sami la tɛhi nɛ Matsɛ Salomo puɛ ngɛ Yerusalem beleku je kɛ yaa Oliv yo ɔ leneyi je kɛ ha yakayaka amaga nɛ ɔmɛ ɔ: Sidon bi ɔmɛ a yo mawu ɔ nɛ a tsɛɛ Astarte ɔ, Moab bi ɔmɛ a mawu ɔ nɛ a tsɛɛ Kemosh ɔ, kɛ Amon bi ɔmɛ a mawu ɔ nɛ a tsɛɛ Milkom ɔ.

Matsɛmɛ II, 23:24

Jehanɛ se hu, Matsɛ Yosia gu kpade tsɛmi, klaami, amagahi nɛ a kpɛ́, wɔhi, kɛ níhi nɛ a hiee tsuo a jami ngɛ Yerusalem kɛ Yuda ma kpa amɛ a mi. E pee nɔ́ nɛ ɔ, bɔ nɛ pee nɛ mlaa amɛ nɛ a ngma ngɛ womi ɔ nɛ osɔfo Hilkia ya na ngɛ Yawɛ we ɔ, ma a nɛ a ye nɔ.

Kronika II, 15:8

Benɛ Matsɛ Asa nu gba gbi nɛ ɔ kɛ je Oded binyumu Azaria nya a, e nɔ gbagba te. E je amagahi tsuo kɛ je Yuda kɛ Benyamin zugba a nɔ. E je amagahi tsuo kɛ je mahi nɛ e ya kpɔ ngɛ Efraim yo ɔmɛ a nɔ ɔ hu a mi, nɛ e dla Yawɛ bɔ sami la tɛ ɔ nɛ ngɛ Yawɛ we ɔ hɛ mi ɔ.

Kronika II, 33:8

Lɔ ɔ he ɔ, ke Israel bi ɔmɛ maa pee nɔ́ tsuaa nɔ́ nɛ i fa mɛ ke a pee ɔ, nɛ a maa ye mlaa amɛ tsuo nɛ ye tsɔlɔ Mose wo mɛ ɔ a nɔ ɔ, i be hae nɛ a fie mɛ kɛ je zugba a nɛ i ngɔ kɛ ha a nɛmɛ ɔmɛ ɔ nɔ hu.”

Kronika II, 34:33

Matsɛ Yosia je amagahi tsuo kɛ je zugba a nɔ he nɛ Israel ma a ngɛ ɔ, nɛ e ha nɛ ma a tsuo sɔmɔ Yawɛ, a nɛmɛ a Mawu ɔ e wami be ɔ tsuo.

Yesaya 31:6

Yawɛ ke, “Israel ma, nyɛ pee yayami kɛ si mi, nɛ nyɛ tsɔ atuã. Se jehanɛ lɛɛ, nyɛɛ kpale kɛ ba ye ngɔ!

Yeremia 15:19

Yawɛ he nɔ ke, “Ke o kpale kɛ ba a, i kɛ o blɔ he ɔ ma ha mo, nɛ o ma ba pee ye tsɔlɔ ekohu. Ke o maa fiɛ fiɛmi kpakpa, nɛ o be munyu gu tue ɔ, lɛɛ o maa pee ye gbalɔ ekohu. Ma a maa kpale kɛ ba o ngɔ, nɛ e be hiae kaa moo o ya a ngɔ.

Yeremia 15:4

Nɔ́ nɛ Yuda matsɛ, Manase, Hezekia bi ɔ pee benɛ e ngɛ tsɛ yee ngɛ Yerusalem he je ɔ, ma gbla a tue wawɛɛ nitsɛ, nɛ nɔ́ nɛ ɔ ma ha nɛ je ma amɛ tsuo maa ye gbeye.”

Yeremia 18:11

Lɔ ɔ he ɔ, de Yuda ma a, kɛ Yerusalem ma mi bi ɔmɛ ke, i ngɛ a yi nɔ soe, nɛ ma gbla a tue. De mɛ ke a jɔɔ yayami peemi, nɛ a dla a blɔ ɔmɛ, nɛ a pee nɔ́ nɛ da.

Yeremia 24:9

Ma ngɔ haomi nɛ nya wa wawɛɛ nitsɛ kɛ ba a nɔ, nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, a maa bɔ mɛ ahlua, nɛ a maa wo mɛ la ngɛ he tsuaa he nɛ ma fie mɛ kɛ ya a.

Yeremia 25:5

A de nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛ kpa yayami peemi, konɛ zugba a nɛ Yawɛ ngɔ ha nyɛɛ kɛ nyɛ nɛmɛ ɔmɛ blema kaa nyɛ weto ní ɔ, nyɛɛ hi nɔ daa.

Yeremia 3:1

Yawɛ ke, “Ke nyumu ko fie e yo, nɛ yo ɔ je e he nɛ e ya pee nyumu kpa e yo ɔ, nyumu nɛ ɔ be he blɔ nɛ e ya ngɔɔ lɛ ekohu. Ke e pee ja a, e ble zugba a gbidii. Se Israel, moo lɛɛ o je ye he nɛ o ya ngɔ yihi babauu. Nɛ jehanɛ lɛɛ o ngɛ hlae nɛ o kpale kɛ ba ye ngɔ!

Yeremia 3:12

E ke ma ya de Israel ke, “Israel, yaholɔ, moo kpale kɛ ba ye ngɔ ekohu; ejakaa mɔbɔ nalɔ ji mi, nɛ i be ye hɛ mi tue kɛ wo mo. Ye mi mi be fue kɛ wo mo kɛ ya neneene.

Yeremia 3:14

“Atuã tsɔli! Nyɛɛ kpale kɛ ba ye ngɔ koo; ye ma ji nyɛ. Ma ngɔ nyɛ kɛ ba Zion yo ɔ nɔ ekohu: ma tsuaa ma a, ma ngɔ nɔ kake, nɛ we puɔ nya tsuaa we puɔ nya a, ma ngɔ ni enyɔ.

Yeremia 3:22

“Nyɛ nihi tsuo nɛ nyɛ je Yawɛ se, nyɛɛ kpale kɛ ba; e ma tsa nyɛ yayami hiɔ ɔmɛ.” Nyɛ ke, “Ee, wa ma Yawɛ ngɔ, ejakaa lɛ ji wa Mawu.

Yeremia 35:15

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ. A ba deɔ nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛɛ pee nɔ́ nɛ da. A bɔ nyɛ kɔkɔ ke nyɛ ko ja mawu kpahi, nɛ nyɛ ko sɔmɔ mɛ hulɔ, bɔ nɛ pee nɛ nyɛɛ hi zugba a nɛ i ha nyɛɛ kɛ nyɛ nɛmɛ ɔmɛ ɔ nɔ. Se nyɛ bui mi tue, nɛ ye munyu ɔmɛ hu nyɛ ngɔɛ.

Yeremia 36:3

Eko piɔ Yuda bi ɔmɛ maa nu kaa i to ye yi mi kaa ma kpata a hɛ mi, nɛ a maa kpale kɛ je a blɔ yayami ɔmɛ a nɔ. Ke a pee ja a, ma ngɔ a tɔmi ɔmɛ, kɛ a he yayami ɔmɛ kɛ pa mɛ.”

Yeremia 4:4

Somi nɛ nyɛɛ kɛ imi Yawɛ, nyɛ so ɔ, nyɛɛ ye nɔ, nɛ nyɛɛ ngɔ nyɛ he kɛ ha mi, nyɛ Yuda ma, kɛ Yerusalem bi. Ke nyɛ pee we ja a, ye mi mi ma fu nyɛ ngɛ nyɛ ní yayami ɔmɛ a he. Nɛ ke ye mi mi fu ɔ, nɔ ko be nyɛe maa jɔɔ he.”

Yeremia 7:5

“Nyɛ tsake nyɛ je mi babɛ; kɛ nyɛ ní peepee. Nyɛɛ kɛ nyɛ nyɛmimɛ nɛ hi si saminya.

Yeremia 7:7

Ke nyɛ tsake ɔ, zugba nɛ ɔ nɛ i ngɔ kɛ ha nyɛ nɛmɛ blema ko ɔ, ma ha nɛ nyɛ maa hi nɔ, nɛ e maa pee nyɛ weto ní.

Ezekiel 11:18

Ke a ba lejɛ ɔ, a ma je ní hiemi níhi, kɛ musu ní ɔmɛ ngɔ pue he.

Ezekiel 18:13

nɛ e paa sika kɛ haa nɔ, nɛ e heɔ hekpa a, anɛ nɔmlɔ kaa kikɛ nɛ ɔ yi nɛ na wami lo? Dɛbi! E yi be wami nae kɔkɔɔkɔ! Ní hiemi ní nɛ ɔmɛ tsuo nɛ e pee ɔ a he ɔ, e ma gbo. E gbenɔ ɔ sa lɛ nitsɛ.

Ezekiel 43:9

Jehanɛ lɛɛ a ma kpa mawu kpahi jami, nɛ a ma je a matsɛmɛ ɔmɛ a gbogboe ɔmɛ kɛ je ye kasa nya kɛ ya se lokoo. Ke a pee ja a, ma hi a kpɛti kɛ maa ya neneene.”

Hosea 14:1

Israel ma, nyɛɛ kpale kɛ ba Yawɛ, nyɛ Mawu ɔ ngɔ. Nyɛ yayami ɔmɛ ha nɛ nyɛ pee kaa ni komɛ nɛ tɛ nɔ́ nɛ a nɔɔ si.

Hosea 2:2

Israel bi ngɛ kaa imi Mawu, ye bimɛ. E ngɛ mi kaa i kɛ Israel be bɔmi kaa nɔ kɛ e yo hu lɛɛ, se kɛ̃ ɔ, nyɛɛ kɛ lɛ nɛ tu, konɛ e kpa gba puɛmi kɛ yahomi ɔ.

Hosea 7:16

A je ye se, nɛ mawu nɛ be he wami ko he wami ko ɔ, lɔ ɔ se a ngɛ nyɛɛe. A ngɛ kaa kɛ̃ɛ̃ nɛ kpɛ̃. A ma kpata a ma nimeli ɔmɛ a hɛ mi, ejakaa a tuɔ munyu puu; nɛ Egipt bi kɛ nɔ́ nɛ ɔ maa ye a he fɛu.”

Yoel 2:12

Yawɛ ke, “Nyɛ tsake nyɛ tsui anɔkuale mi, nɛ nyɛɛ kpale kɛ ba ye ngɔ nɔuu. Nyɛɛ ha hwɔ; nyɛɛ wo yana, nɛ nyɛɛ ye kɔmɔ.

Zakaria 1:4

Nyɛ ko pee kaa nyɛ nɛmɛ ɔmɛ. Blema lokoo nɛ gbali ɔmɛ ngɔ ye sɛ gbi ngɔ ha mɛ ke a kpa yayami peemi, nɛ́ a ba a je mi bɔ nɛ sa; se a bui mi tue fɛɛ, nɛ a yi ye munyu ɔmɛ a nɔ hulɔ.

Mose V, 27:15

“ ‘Mawu maa gbiɛ nɔ tsuaa nɔ nɛ ngɔɔ tɛ, loo tso, loo dade kɛ peeɔ amaga ko, nɛ e jaa lɛ ngɛ laami mi. Yawɛ hiɔ wɔ jami.’ Ma a tsuo ma he nɔ ke, ‘Amen!’

Mose V, 4:30

Ke nyɛ ngɛ amanehlu mi, nɛ ní nɛ ɔmɛ tsuo ba nyɛ nɔ ɔ, lɔ ɔ loko nyɛ maa kpale kɛ ba Yawɛ, nyɛ Mawu ɔ ngɔ, nɛ nyɛ maa bu lɛ tue.

Yoshua 24:14

Yoshua ya nɔ nɛ e de ke, “Lɔ ɔ he ɔ, nyɛɛ ye Yawɛ gbeye, nɛ nyɛ sɔmɔ lɛ saminya ngɛ anɔkuale mi. Nyɛ je mawu ɔmɛ nɛ nyɛ nɛmɛ ɔmɛ ja ngɛ Mesopotamia kɛ Egipt ɔ ngɔ pue he, nɛ nyɛ sɔmɔ Yawɛ pɛ.

Manyadali 10:16

Lɔ ɔ he ɔ, a je mawu kpa amɛ kɛ je a kpɛti, nɛ a sɔmɔ Yawɛ. Amanehlu nɛ Israel bi ɔmɛ ngɛ nae ɔ hao Yawɛ.

Samuel I, 7:3

Samuel de Israel bi ɔmɛ ke, “Ke nyɛ maa kpale ba nyɛɛ Yawɛ se niinɛ kɛ nyɛ tsui tsuo ɔ, lɛɛ nyɛ je ma se mawu ɔmɛ, kɛ yo wɔ Ashtarot ɔ kɛ je nyɛ kpɛti. Nyɛ dla nyɛ tsui mi kɛ ha Yawɛ, nɛ nyɛ sɔmɔ lɛ nɔ kake too, nɛ e ma je nyɛ kɛ je Filisti bi ɔmɛ a dɛ mi.”