Yeremia 39:8 - BAIBLO ALOO NGMAMI KLƆUKLƆU Ɔ

⁸ Babilonia bi ɔmɛ sã matsɛ we ɔ, kɛ ma mi bi ɔmɛ a wehi, nɛ a ku Yerusalem gbogbo ɔmɛ ngɔ pue si.

Yeremia 39:8 ပူးပေါင်းရင်းမြစ်များ

Matsɛmɛ II, 25:8

Babilonia matsɛ, Nebukadnezar yi nɔ jeha nyɔngma kɛ nɛɛ ɔ mi, nyɔhiɔ nɛ ji enuɔ ɔ we ligbi nɛ ji kpaago ɔ nɔ ɔ, Nebukadnezar tatsɛ kɛ tsɔlɔ nɛ a tsɛɛ lɛ Nebuzaradan ya Yerusalem.

Kronika II, 36:19

E sã Yawɛ we ɔ, kɛ Yerusalem ma a kɛ e mi mɔ ɔmɛ; e kpata ní kpakpahi tsuo a hɛ mi, nɛ e ku Yerusalem gbogbo ɔ ngɔ pue si.

Nehemia 1:3

A de mi ke nihi nɛ piɛ ngɛ zugba a nɔ, nɛ mɛɛ lɛɛ a nuu we mɛ nyɔguɛ ɔ, a ngɛ nɔ́ nami, kɛ ahlua bɔmi nguaa mi. A de hu ke Yerusalem gbogbo ɔmɛ nɛ a hule pue si ɔ, kɛ agbo ɔmɛ nɛ a sã a tsuo ngɛ ja.

La 79:7

Ejakaa a gbe o ma mi bi ɔmɛ, nɛ a kpata o zugba a hɛ mi.

Yesaya 5:9

I nu nɛ Yawɛ Tabohiatsɛ ɔ de ke, “Wehi nɛ kle, nɛ a he ngɛ fɛu nɛ ɔ tsuo ma ba pee we dokuhi.

Yeremia 17:27

Se e sa kaa a bu mi nɛ a ye Hejɔɔmi ligbi ɔ kaa ligbi klɔuklɔu. A ko tloo tlomi ko kɛ gu Yerusalem agbo ɔmɛ a mi jamɛ a ligbi ɔ; ke a pee ja a, ma mɛ Yerusalem agbo ɔmɛ a he la. La a maa sã Yerusalem mɔ ɔmɛ, nɛ nɔ ko nɔ ko be nyɛe maa gbe.”

Yeremia 21:10

I pee ye juɛmi kaa ja i kpata ma nɛ ɔ hɛ mi kokooko; i be nyɛ mɔbɔ nae. Ma ngɔ ma a kɛ wo Babilonia matsɛ ɔ dɛ mi nɛ e maa mɛ he la. Imi, Yawɛ lɛ i de.”

Yeremia 32:29

nɛ a maa mɛ ma a he la. A maa sã ma a, kɛ wehi nɛ nihi sãã tsopa kɛ e he via ngɛ a yi mi kɛ haa Baal, nɛ a ngɔɔ dã kɛ sãã wai bɔ ha mawu kpahi kɛ woɔ ye mi mi la a.

Yeremia 34:2

Yawɛ, Israel Mawu ɔ fa mi ke ma ya de Yuda matsɛ, Zedekia ke, “Imi Yawɛ, ma ngɔ ma nɛ ɔ kɛ wo Babilonia matsɛ ɔ dɛ mi, nɛ e maa sã ma a.

Yeremia 34:22

Ma fa mɛ, nɛ a maa kpale kɛ ba ma nɛ ɔ mi ekohu. A ma ba tua ma a; a maa ngɔ ma a, nɛ a maa sã ma a. Ma ha nɛ Yuda ma amɛ maa pee ma dokuhi, nɛ nɔ ko nɔ ko be ma amɛ a mi hie hu. Imi, Yawɛ lɛ i de.”

Yeremia 37:10

Ke e ba mi kaa nyɛ ye Babilonia tabo ɔ tsuo nɔ, nɛ e piɛ nihi nɛ plaa kɛ pueɔ si ngɛ a bo tsuhi a mi po, jamɛatsɛmɛ ɔmɛ maa te si nɛ a maa sã ma nɛ ɔ kɛ̃.”

Yeremia 38:18

Se ke o yɛ nɛ o ya nu a nane ɔ, lɛɛ a maa ngɔ ma nɛ ɔ kɛ wo Babilonia bi ɔmɛ a dɛ, nɛ a maa sã ma a. Ke e ba mi ja a, o be nyɛe maa tu fo kɛ je a dɛ.’ ”

Yeremia 5:10

Ma tsɔ he nyɛli nɛ a ya poo ye ma mi bi ɔmɛ a wai tso ɔmɛ ngɔ pue si, se i be hae nɛ a kpata a hɛ mi pɛsɛpɛsɛ. Ma ha nɛ a kplɔ tso kɔni ɔmɛ, ejakaa pi imi Yawɛ, ye níhi ji mɛ.

Yeremia 7:20

Lɔ ɔ he ɔ, imi Nyɔmtsɛ Yawɛ, ma plɛ ye mi mi fumi nɛ nya wa kaa la nɛ ngɛ tsoe plamplam nɛ hí gbemi ɔ kɛ pue we nɛ ɔ nɔ. Ye mi mi ma fu nimli, lohwehi, tsohi, kɛ ngmɔ niba ní tsuo.

Kɔmɔ Yemi 1:10

E he nyɛli ɔmɛ kpɔ e june ní tsuo ngɛ e dɛ. E ngɛ he nyɛli ɔmɛ hyɛe kikɛ nɛ ɔ nɛ a bu kɛ sɛ sɔlemi we ɔ mi nitsɛnitsɛ. He nɛ mlaa ngmɛ́ ma je li blɔ nɛ a ya a po, a sɛ lejɛ ɔ.

Kɔmɔ Yemi 2:2

Nyɔmtsɛ ɔ kpata Israel ma amɛ tsuo a hɛ mi nɛ e nɛ mɔbɔ kulaa. E ngɔ e mi mi la a kɛ ywia Yuda ma a nya mɔ ngua amɛ tsuo ngɔ pue si. E ha zo gbe nɔ yemi ɔ, kɛ e mi matsɛmɛ ɔmɛ.

Kɔmɔ Yemi 2:7

Nyɔmtsɛ ɔ sume e bɔ sami la tɛ ɔ hu, nɛ e kua sɔlemi we ɔ. E ha he nyɛli ku mɔ ɔmɛ kɛ pue si. A hwɔ lele ngɛ Yawɛ we ɔ mi kaa bɔ nɛ wa peeɔ ke wa ngɛ nyami ligbi yee ɔ.

Ezekiel 16:41

A maa sã o we ɔmɛ, nɛ a maa gbla o tue ngɛ yihi babauu a hɛ mi. Ajuama nɛ o ngɛ bɔe basaa a, ma ha nɛ o kpa, nɛ o be o suɔli ɔmɛ hiɔ woe hu.

Ezekiel 23:47

Yakayaka nimli nɛ ɔmɛ maa fia mɛ tɛ, nɛ a ma ja mɛ klaate; a maa gbe a bimɛ, nɛ a maa mɛ a we ɔmɛ a he la.

Ezekiel 33:21

Benɛ a nuu wɔ kɛ ho ma se ya a, jeha nyɔngma kɛ enyɔne ɔ we nyɔhiɔ nyɔngmane ɔ we ligbi enuɔne ɔ, nyumu ko nɛ tu fo kɛ je Yerusalem, ba bɔ mi amaniɛ ke he nyɛli ba ywia Yerusalem ma a.

Amos 2:5

Ma mɛ Yuda ma a, kɛ Yerusalem mɔ ɔmɛ a he la.”

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.