Yeremia 39:7 - BAIBLO ALOO NGMAMI KLƆUKLƆU Ɔ

⁷ Lɔ ɔ se ɔ, e ta Zedekia hɛngmɛ. E ha nɛ a bɔ lɛ pã, nɛ a ngɔ lɛ kɛ ho Babilonia ya.

Yeremia 39:7 ပူးပေါင်းရင်းမြစ်များ

Ezekiel 12:13

Ma tsɔ lɛ klama nɛ ma du lɛ. Ma ngɔ lɛ kɛ ya Babilon ngɛ Kaldea bi ɔmɛ a zugba a nɔ. Se e ma gbo nɛ e li tete po kaa e su lejɛ ɔ.

Yeremia 52:11

Lɔ ɔ se ɔ, e ta Zedekia hɛngmɛhi; e bɔ lɛ pã, nɛ e ngɔ lɛ kɛ ya Babilon, nɛ e ya wo lɛ tsu. Zedekia hi tsu ɔ mi kɛ ya si e gbenɔ ligbi.

Matsɛmɛ II, 25:7

A gbe Zedekia binyumu ɔmɛ ngɛ e hɛ mi. Lɛ nitsɛ lɛɛ a ta e hɛngmɛhi, nɛ a bɔ lɛ pã; nɛ a ngɔ lɛ kɛ ho Babilon ya.

Manyadali 16:21

Kɛkɛ nɛ Filisti bi ɔmɛ nu lɛ, nɛ a ta e hɛngmɛ ɔmɛ. Lɔ ɔ se ɔ, a ngɔ lɛ kɛ ho Gaza ya, nɛ a ya bɔ lɛ akɔblee pãhi; nɛ a ha nɛ e wɛɛɔ blɛfo ngɛ he nɛ a wo lɛ tsu ngɛ ɔ.

La 119:8

Ma ye o mlaa amɛ a nɔ; ko kua mi pɛsɛpɛsɛ!

Yeremia 20:4

Yawɛ nitsɛ ke, ‘Ma ha o ma plɛ pee bubui ha mo nitsɛ o he, kɛ o huɛmɛ ɔmɛ tsuo. He nyɛli maa gbe o huɛmɛ ɔmɛ ngɔ pue si kɛ klaate, nɛ o maa na paa kɛ o hɛngmɛ. Ma ngɔ Yuda bi ɔmɛ tsuo ngɔ wo Babilonia matsɛ ɔ dɛ; e maa nuu ni komɛ nyɔguɛ kɛ ho e ma mi ya, nɛ e ma ya gbe mɛ ngɛ lejɛ ɔ.

Yeremia 34:3

Mo nitsɛ hu o be o he yee; a maa nu mo kɛ ya ha Babilonia matsɛ ɔ. O maa na lɛ hɛ mi kɛ hɛ mi, nɛ o kɛ lɛ maa tu munyu; nɛ lɔ ɔ se ɔ, a maa ngɔ mo kɛ ho Babilonia ya.

Yeremia 44:30

Ma ngɔ Egipt matsɛ, Hofra kɛ wo e he nyɛli ɔmɛ nɛ ngɛ lɛ hlae nɛ a gbe ɔ a dɛ mi kaa bɔ nɛ i pee Yuda matsɛ, Zedekia a. I ngɔ Matsɛ Zedekia nɛ ɔ kɛ wo Babilonia matsɛ, Nebukadnezar, nɛ ji e he nyɛlɔ ɔ nɛ ngɛ lɛ hlae nɛ e gbe ɔ dɛ mi.”