Yeremia 39:4 - BAIBLO ALOO NGMAMI KLƆUKLƆU Ɔ

⁴ Benɛ Yuda matsɛ, Zedekia kɛ e ta buli ɔmɛ tsuo na mɛ ɔ, a tu fo kɛ je ma a mi nyɔ ɔ mi. A gu matsɛ abɔɔ ɔ mi, kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ, nɛ a tu fo kɛ yaa Yordan kɔ̃ ɔ mi je.

Yeremia 39:4 ပူးပေါင်းရင်းမြစ်များ

Amos 2:14

Nyɛ kpɛti nihi nɛ a he sɔɔ po be nyɛe nɛ a tu fo kɛ je. Nihi nɛ a he wa a ma gbɔjɔ; nɛ ta buli ɔmɛ be nyɛe nɛ a he mɛ nitsɛmɛ a yi wami.

Kronika II, 32:5

Matsɛ ɔ dla Yerusalem ma a he fami ní ɔmɛ; gbogbohi nɛ ku ɔ, e kpale fia mɛ ekohu, nɛ e ma mɔhi ngɛ a nɔ; e fia gbogbo enyɔne hulɔ kɛ wo ma a he. Jehanɛ se hu, e dla Milo mɔ ɔ nɛ ngɛ David ma a mi ɔ, nɛ e sɔ kɛ̃ɛ̃hi kɛ tsɛ̃ihi babauu.

Ezekiel 12:12

Ke du bu ɔ, Yerusalem ganɔ ɔ maa fi tlomi kɛ fɔ e konɔ, nɛ e maa ywia gbogbo ɔ he ko, nɛ e maa gu puɔ ɔ mi kɛ je kpo. E maa ngɔ nɔ́ kɛ ha e hɛ mi, nɛ he nɛ e yaa a, e hɛngmɛ be hyɛe.

Mose V, 28:25

“Yawɛ ma ha nyɛ he nyɛli ɔmɛ maa ye nyɛ nɔ. Nyɛ maa gu he kake kɛ ya tua mɛ, se a maa gbɛ nyɛ ngɔ fĩa basaa, nɛ zugba a nɔ matsɛ yemi ɔmɛ tsuo maa ye gbeye ngɛ nɔ́ nɛ ba nyɛ nɔ ɔ he.

Mose III, 26:36

“Nyɛ nihi nɛ maa piɛ, nɛ a maa nuu kɛ ya ma se ɔ, ma ha sawale maa nu nyɛ ngɛ lejɛ ɔ. Ke kɔɔhiɔ sɛ ba mi huu nɛ nyɛ nu ɔ, lɔ ɔ po maa wo nyɛ fo. Nyɛ maa tu fo pulɛpulɛ kaa nɔ́ nɛ ta nyɛɛ nyɛ se. Nyɛ maa hi si nɔe, be mi nɛ nɔ ko nyɛɛ we nyɛ se.

Mose III, 26:17

Ye hɛ maa dɔ kɛ wo nyɛ, nɛ nyɛ he nyɛli ɔmɛ maa fia nyɛ ní nɛ a gbe; a maa ye nyɛ nɔ wawɛɛ, nɛ ke nɔ ko nyɛɛ we nyɛ se po nyɛ maa hi fo nɔ pulɛpulɛ.

Yesaya 22:11

nɛ nyɛ pee nyu nɔ́ agbo ko ngɛ ma a mi, konɛ nyu nɛ jee taku momo ɔ mi ɔ nɛ sɛ mi. Nyɛ pee ní nɛ ɔmɛ, se Mawu ɔ nɛ to ní nɛ ɔmɛ tsuo a blɔ nya blema lokoo ɔ lɛɛ nyɛ hla we e se blɔ.

Yeremia 32:4

nɛ Yuda matsɛ, Zedekia be e he yee. A maa nu lɛ kɛ ya ha Babilonia matsɛ ɔ; e maa na lɛ hɛ mi kɛ hɛ mi, nɛ e kɛ lɛ maa tu munyu.

Ezekiel 12:4

Je o ní ɔmɛ kpo piani benɛ mɛ tsuo a ngɛ hyɛe, nɛ gbɔkuɛ ɔ, o je ma a mi kaa nɔ ko nɛ ngɛ blɔ hiae kɛ yaa ma se, benɛ a ngɛ mo hyɛe paa.

Yesaya 22:3

O we asafoatsɛmɛ ɔmɛ tsuo tu fo kɛ je; a nyɛ we nɛ a tsɛ̃ kɛ̃ɛ̃ kake po, nɛ he nyɛli ɔmɛ nuu mɛ nine nya. Nihi nɛ nine su a nɔ ɔ tsuo ngɛ fo tue kɛ yaa tsitsaa loko a nuu mɛ.

Yesaya 29:2

ma nɛ a tsɛɛ “Mawu bɔ sami la tɛ ɔ”, Mawu ma ha e maa na amanehlu. Ma mi bi ɔmɛ maa ye kɔmɔ, nɛ a maa wo yana. Ma a tsuo maa pee kaa bɔ sami la tɛ ko nɛ a kpa muɔ ngɔ pue nɔ.

Yeremia 32:5

A maa ngɔ Zedekia kɛ ya Babilonia, nɛ e ma ya hi lejɛ ɔ kɛ yaa si i kɛ lɛ maa to ní. Ke e kɛ Babilonia bi ɔmɛ hwu ta po e be mɛ nyɛe. Imi, Yawɛ lɛ i de.”