Yeremia 39:2 - BAIBLO ALOO NGMAMI KLƆUKLƆU Ɔ

² Benɛ Zedekia ye jeha nyɔngma kɛ kake ngɛ sɛ ɔ nɔ ɔ, jamɛ a jeha a we nyɔhiɔ eywiɛne ɔ we ligbi nɛ ji nɛɛ ɔ, a ywia Yerusalem gbogbo ɔ nɛ a je puɔ ngɛ mi.

Yeremia 39:2 ပူးပေါင်းရင်းမြစ်များ

Zefania 1:10

“Jamɛ a ligbi ɔ, a maa wo yana ngɛ Lo Agbo ɔ nya ngɛ Yerusalem; a ma nya awe ngɛ Yerusalem ma he ɔ mi, nɛ a ma he ose ngɛ yoku ɔmɛ a nɔ.

Ezekiel 33:21

Benɛ a nuu wɔ kɛ ho ma se ya a, jeha nyɔngma kɛ enyɔne ɔ we nyɔhiɔ nyɔngmane ɔ we ligbi enuɔne ɔ, nyumu ko nɛ tu fo kɛ je Yerusalem, ba bɔ mi amaniɛ ke he nyɛli ba ywia Yerusalem ma a.

Yeremia 5:10

Ma tsɔ he nyɛli nɛ a ya poo ye ma mi bi ɔmɛ a wai tso ɔmɛ ngɔ pue si, se i be hae nɛ a kpata a hɛ mi pɛsɛpɛsɛ. Ma ha nɛ a kplɔ tso kɔni ɔmɛ, ejakaa pi imi Yawɛ, ye níhi ji mɛ.

Yeremia 1:3

E kɛ lɛ tu munyu ekohu be mi nɛ Yehoyakim, Yosia binyumu ɔ ngɛ matsɛ yee ngɛ Yuda ma a nɔ. Lɔ ɔ se ɔ, Yawɛ kɛ Yeremia tu munyu nɔtonɔto hluu kɛ ya si Yuda matsɛ Zedekia, Yosia binyumu ɔ yi nɔ jeha nɛ ji nyɔngma kɛ kake ɔ nyagbe. Jamɛ a jeha a we nyɔhiɔ enuɔne ɔ mi ɔ, a ba nuu Yerusalem ma mi bi ɔmɛ nyɔguɛ kɛ ho.

Yeremia 32:1

Yuda matsɛ, Zedekia yi nɔ jeha nɛ ji nyɔngma a mi ɔ, Yawɛ kɛ mi tu munyu. Jamɛ a be ɔ, Babilonia matsɛ, Nebukadnezar hu na jeha nyɔngma kɛ kpaanyɔ momo ngɛ e sɛ ɔ nɔ.

Yeremia 34:22

Ma fa mɛ, nɛ a maa kpale kɛ ba ma nɛ ɔ mi ekohu. A ma ba tua ma a; a maa ngɔ ma a, nɛ a maa sã ma a. Ma ha nɛ Yuda ma amɛ maa pee ma dokuhi, nɛ nɔ ko nɔ ko be ma amɛ a mi hie hu. Imi, Yawɛ lɛ i de.”

Yeremia 37:8

Ke a je ɔ, Babilonia bi ɔmɛ maa kpale kɛ ba, nɛ a ma ba tua ma nɛ ɔ ekohu. A maa ngɔ ma a, nɛ a maa mɛ he la.

Ezekiel 4:3

Ngɔɔ dade pɛtɛɛ ko nɛ o kɛ pee dade gbogbo ngɛ o kɛ ma a nyɛ kpɛti. Lɔ ɔ se ɔ, plɛ o hɛ mi kɛ kpee ma a. A sa ma a yi! Mo ji nɔ nɛ sa ma a yi ɔ nɛ. Enɛ ɔ maa pee okadi kɛ ha Israel ma a.

Ezekiel 5:2

Ke a sa ma a yi se ɔ, ngɔɔ la kɛ sã bwɔmi ɔ mi dlami etɛ mi kake ngɛ ma a kpɛti. Mi dlami etɛ ɔ mi kake hu ngɔɔ klaate ɔ kɛ poo mi kɛ bɔle ma a kɛ kpe. Mi dlami etɛ ɔ mi kake nɛ maa piɛ ɔ, ngɔɔ kɛ fĩa kɔɔhiɔ mi; kɛkɛ ɔ, ma hia klaate ɔ kɛ nyɛɛ a se.

Zakaria 8:19

“Nyɔhiɔ eywiɛne, enuɔne, kpaagone, kɛ nyɔngmane ɔ nɛ nyɛ haa hwɔ ngɛ a mi ɔ, a ma ba pee bua jɔmi, ní yemi kɛ nyami be ha Yuda ma a. Enɛ ɔ he ɔ, nyɛɛ suɔ anɔkuale, kɛ tue mi jɔmi.”