Yeremia 39:16 - BAIBLO ALOO NGMAMI KLƆUKLƆU Ɔ

¹⁶ ke ma ya de Ebedmelek, Etiopia no ɔ ke bɔ nɛ lɛ Yawɛ Tabohiatsɛ, Israel Mawu ɔ, de ji nɛ ɔ nɛ: “Kaa bɔ nɛ i de to ɔ, ma ha nɛ haomi maa ba ma nɛ ɔ nɔ, se pi nɔ́ kpakpa. Nɛ ke nɔ́ nɛ ɔ ba a, o maa na paa kɛ o hɛngmɛ.

Yeremia 39:16 ပူးပေါင်းရင်းမြစ်များ

Daniel 9:12

Bɔ nɛ o de to ke o maa pee wɔ, kɛ wa he nyɛli ɔmɛ ɔ, ja lɛ o pee wɔ nɛ ɔ nɛ. Haomi nɛ o kɛ ba Yerusalem ɔ, jamɛ a haomi ɔ eko bɛ ma kpa ko nɔ hyɛ ngɛ je ɔ mi.

Zakaria 1:6

Mlaahi nɛ i wo nyɛ nɛmɛ ɔmɛ, kɛ kɔkɔ nɛ i bɔ mɛ kɛ gu ye tsɔli nɛ ji gbali ɔmɛ a nɔ ɔ, tse a na mi nɔ́! Kɛkɛ nɛ jehanɛ a tsake a tsui, nɛ a de ke, Yawɛ Tabohiatsɛ ɔ gbla a tue bɔ nɛ sa mɛ ngɛ a ní peemi ɔmɛ a he kaa bɔ nɛ e to e yi mi ke e ma pee ɔ.”

Mateo 24:35

Hiɔwe kɛ zugba maa be kɛ ho, se ye munyu ɔmɛ lɛɛ a be bee kɛ ho gblegbleegble.

Yeremia 36:31

Ma gbla mo, kɛ o nina, kɛ o ma nimeli ɔmɛ a tue ngɛ nyɛ ní yayami ɔmɛ a he. Mo jio, Yerusalem ma mi bi ɔmɛ jio, Yuda bi ɔmɛ jio, nyɛ ti nɔ ko nɔ ko bui ye kɔkɔ bɔmi munyu ɔmɛ tue fɛɛ. Lɔ ɔ he ɔ, ní yayamihi nɛ i to kaa a maa ba nyɛ nɔ ɔ, jehanɛ lɛɛ ma ha nɛ jamɛ a ní ɔmɛ maa ba nyɛ tsuo nyɛ nɔ.’ ”

Yeremia 35:17

Lɔ ɔ he ɔ, imi Yawɛ Tabohiatsɛ, Israel Mawu ɔ, bɔ nɛ i ngɛ dee ji nɛ ɔ nɛ. Nyɛ Yuda ma, kɛ Yerusalem ma mi bi, ní yayamihi tsuo nɛ i wo si ke e maa ba nyɛ nɔ ɔ, ma ngɔ kɛ ba nyɛ nɔ jehanɛ. Ma pee nɔ́ nɛ ɔ, ejakaa i kɛ nyɛ tu munyu, se nyɛ nui; i tsɛ nyɛ, se nyɛ he we nɔ.”

Yeremia 34:22

Ma fa mɛ, nɛ a maa kpale kɛ ba ma nɛ ɔ mi ekohu. A ma ba tua ma a; a maa ngɔ ma a, nɛ a maa sã ma a. Ma ha nɛ Yuda ma amɛ maa pee ma dokuhi, nɛ nɔ ko nɔ ko be ma amɛ a mi hie hu. Imi, Yawɛ lɛ i de.”

Yeremia 26:20

Nyumu ko hu gba ngɛ Yawɛ biɛ mi kɛ si ma nɛ ɔ, kɛ zugba a kaa bɔ nɛ Yeremia gba a pɛpɛɛpɛ. E biɛ ji Uria, Shemaya nɛ je Kiriat Yearim bi ɔ.

Yeremia 26:18

“Yuda matsɛ, Hezekia yi nɔ ɔ, gbalɔ Mika nɛ je Moreshet ɔ de Yuda ma a tsuo ke, ‘A ma hu Zion kaa a huɔ ngmɔ. Yerusalem ma hyi tɔ kɛ ní kokoehi nɛ a bua nya glekugleku, nɛ yoku ɔ nɔ he nɛ we ɔ maa si ngɛ ɔ ma plɛ pee hue.’

Yeremia 26:15

Se nyɛ na nɛ nyɛɛ le ɔ kaa ke nyɛ gbe mi ɔ, nyɛ pue nɔ nɛ pee we nɔ́ ko ɔ muɔ si, nɛ musu maa tloo nyɛɛ kɛ ma nɛ ɔ, kɛ ma mi bi ɔmɛ tsuo. Ejakaa Yawɛ nitsɛ lɛ tsɔ mi nyɛ ngɔ ke ma ba tu munyu nɛ ɔmɛ tsuo kɛ tsɔɔ nyɛ.”

La 92:11

Ye he nyɛli ɔmɛ a hɛ mi kpata, nɛ i na kɛ ye hɛngmɛ. I nu hulɔ kɛ ye tue kaa nihi nɛ te si wo mi ɔ nɔ si.

Kronika II, 36:21

Lɔ ɔ he ɔ, nɔ́ nɛ Yawɛ de to kɛ gu gbalɔ Yeremia nɔ ɔ ba mi. Yawɛ lɛ de ke, “Zugba a maa fɔ si jeha nyingmi kpaago, konɛ Hejɔɔmi ligbi ɔmɛ nɛ a yi ɔ, a kɛ tsɔ.”

Yeremia 44:27

Ma hyɛ, nɛ nɔ́ ko nɔ́ ko be hie ha nyɛ. Nyɛ Israel bi tsuo nɛ nyɛ ngɛ Egipt zugba a nɔ ɔ, nyɛ tsuo nyɛ hɛ mi ma kpata, nɛ nɔ kake ngmelu po he be mi jee. Nyɛ ti ni komɛ ma gbo ngɛ ta mi, nɛ hwɔ maa gbe ni komɛ.

Amos 9:4

Ke a he nyɛli ɔmɛ ba kpaka mɛ kaa nyɔguɛhi kɛ je ɔ, ma ha nɛ a kɛ klaate maa gbe mɛ. I muɔ ye yi mi kpɔ kaa ja i kpata a hɛ mi kokooko, se pi kaa ma pee mɛ kpakpa.”

Yeremia 40:3

Amlɔ nɛ ɔ, Yawɛ ná pee nɔ́ nɛ e de to ke e maa pee ɔ. Nɔ́ nɛ ɔ ba nyɛ nɔ, ejakaa nyɛ pee yayami kɛ si Yawɛ, nɛ nyɛ bui lɛ tue.