Yeremia 39:10 - BAIBLO ALOO NGMAMI KLƆUKLƆU Ɔ

¹⁰ Se Nebuzaradan, tatsɛ ɔ si ohiatsɛmɛ komɛ nɛ weto ní be a dɛ ngɛ Yuda zugba a nɔ, nɛ e ha mɛ wai ngmɔhi kɛ zugba.

Yeremia 39:10 ပူးပေါင်းရင်းမြစ်များ

Matsɛmɛ II, 25:12

Se e si nimli gu komɛ nɛ be nɔ́ ko mi ɔ ngɛ Yuda, konɛ a hu ngmɔ, nɛ a tsu ní ngɛ wai abɔɔ ɔmɛ a mi.

Yesaya 7:21

“Ke jamɛ a be ɔ su ɔ, ke ngmɔ hulɔ ko ngɛ na yo kake, kɛ to enyɔ pɛ ɔ,

Yeremia 40:10

Imi nitsɛ lɛɛ ma hi Mizpa kaa nyɛ nya dalɔ, nɛ ke Babilonia bi ɔmɛ ba hiɛ ɔ, ma tu munyu ha nyɛ. Se nyɛɛ lɛɛ nyɛ ya bua wai, kɛ tso yibliihi, kɛ oliv nu nya kɛ to, nɛ nyɛɛ hi mahi nɛ nyɛ ngɔ ɔ a mi.”

Yeremia 40:7

Se Yuda asafoatsɛmɛ ɔmɛ, kɛ ta buli ɔmɛ ekomɛ lɛɛ a yɛ nɛ a ya ngɔ a he kɛ ha lolo. A nu kaa Babilonia matsɛ ɔ wo Gedalia amlaalo ngɛ zugba a nɔ, nɛ e ngɔ nihi tsuo nɛ a kɛ mɛ yɛ Babilonia lolo, nɛ ji zugba a nɔ ohiatsɛmɛ ɔmɛ ngɔ wo e dɛ mi.

Yeremia 43:6

nyumuhi, yihi, jokuɛwi, kɛ matsɛbiyihi. Imi Yeremia, Neria bi Baruk, kɛ nihi tsuo nɛ tatsɛ Nebuzaradan si ha Gedalia nɛ e ngɛ a nɔ hyɛe ɔ, wɔ hu wa piɛ nihi nɛ a ngɔ kɛ ho ɔ a he.

Yeremia 52:16

Se e si ohiatsɛmɛ komɛ nɛ nɔ́ ko be a dɛ ɔ ngɛ Yuda, konɛ a tsu ní ngɛ wai abɔɔ ɔmɛ a mi, kɛ ngmɔ ɔmɛ a nɔ.

Ezekiel 33:24

“Nɔmlɔ adesa, nihi nɛ ngɛ ma doku ɔmɛ a mi ngɛ Israel zugba a nɔ ɔ deɔ mi ke, ‘Abraham ɔ nɛ a ngɔ zugba a tsuo ngɔ ha lɛ ɔ, nɔ kake too ji lɛ, se wɔɔ lɛɛ wa he hiɛ; lɔ ɔ he ɔ, zugba a, wɔ a kɛ ha kaa wa weto ní.’

Zakaria 11:7

To je juali ɔmɛ bɔ mi apaa, nɛ i hyɛ to kuu ɔ nɛ a yaa gbe ɔ nɔ. I ngɔ dɛma tso enyɔ. I wo kake biɛ ke “Dloomi”, nɛ i tsɛ enyɔne ɔ “Kakepeemi”. Nɛ i hyɛ to ɔmɛ a nɔ.