Yeremia 39:1 - BAIBLO ALOO NGMAMI KLƆUKLƆU Ɔ

¹ Yuda matsɛ, Zedekia yi nɔ jeha nɛɛne ɔ we nyɔhiɔ nɛ ji nyɔngma a mi ɔ, Babilonia matsɛ, Nebukadnezar ngɔ e tabo ɔ tsuo kɛ ba Yerusalem, nɛ e ba sa ma a yi.

Yeremia 39:1 ပူးပေါင်းရင်းမြစ်များ

Zakaria 8:19

“Nyɔhiɔ eywiɛne, enuɔne, kpaagone, kɛ nyɔngmane ɔ nɛ nyɛ haa hwɔ ngɛ a mi ɔ, a ma ba pee bua jɔmi, ní yemi kɛ nyami be ha Yuda ma a. Enɛ ɔ he ɔ, nyɛɛ suɔ anɔkuale, kɛ tue mi jɔmi.”

Mose V, 28:36

“Yawɛ maa ngɔ nyɛ, kɛ nyɛ matsɛ ɔ kɛ ya ma se he nɛ nyɛ li, he nɛ nyɛ nɛmɛ tete hí hyɛ; nyɛ ma ya sɔmɔ mawuhi nɛ a kɛ tso kɛ tɛ pee ngɛ lejɛ ɔ.

Yeremia 32:1

Yuda matsɛ, Zedekia yi nɔ jeha nɛ ji nyɔngma a mi ɔ, Yawɛ kɛ mi tu munyu. Jamɛ a be ɔ, Babilonia matsɛ, Nebukadnezar hu na jeha nyɔngma kɛ kpaanyɔ momo ngɛ e sɛ ɔ nɔ.

Yeremia 34:1

Benɛ Babilonia matsɛ, Nebukadnezar kɛ e tabo ɔ, kɛ je mahi tsuo nɛ ngɛ e sisi ɔ ba tua Yerusalem kɛ mahi nɛ bɔle Yerusalem ɔ, i ná sɛ gbi kɛ je Yawɛ ngɔ.

Yeremia 34:22

Ma fa mɛ, nɛ a maa kpale kɛ ba ma nɛ ɔ mi ekohu. A ma ba tua ma a; a maa ngɔ ma a, nɛ a maa sã ma a. Ma ha nɛ Yuda ma amɛ maa pee ma dokuhi, nɛ nɔ ko nɔ ko be ma amɛ a mi hie hu. Imi, Yawɛ lɛ i de.”

Yeremia 42:18

“Yawɛ Tabohiatsɛ, Israel Mawu ɔ ke, ‘Bɔ nɛ i ngɔ ye mi mi la nɛ nya wa a kɛ kple Yerusalem ma mi bi ɔmɛ a nɔ ɔ, ja pɛ ma pee nyɛ ke nyɛ je kɛ ho Egipt ya. Nyɛ ma plɛ pee kita kami nɔ́, gbeye nɔ́, gbiɛmi nɔ́, kɛ ahlua nɔ́. Nyɛ be hiɛmɛ nɛ ɔ nae hu.’ ”

Ezekiel 4:3

Ngɔɔ dade pɛtɛɛ ko nɛ o kɛ pee dade gbogbo ngɛ o kɛ ma a nyɛ kpɛti. Lɔ ɔ se ɔ, plɛ o hɛ mi kɛ kpee ma a. A sa ma a yi! Mo ji nɔ nɛ sa ma a yi ɔ nɛ. Enɛ ɔ maa pee okadi kɛ ha Israel ma a.

Ezekiel 5:2

Ke a sa ma a yi se ɔ, ngɔɔ la kɛ sã bwɔmi ɔ mi dlami etɛ mi kake ngɛ ma a kpɛti. Mi dlami etɛ ɔ mi kake hu ngɔɔ klaate ɔ kɛ poo mi kɛ bɔle ma a kɛ kpe. Mi dlami etɛ ɔ mi kake nɛ maa piɛ ɔ, ngɔɔ kɛ fĩa kɔɔhiɔ mi; kɛkɛ ɔ, ma hia klaate ɔ kɛ nyɛɛ a se.

Ezekiel 33:21

Benɛ a nuu wɔ kɛ ho ma se ya a, jeha nyɔngma kɛ enyɔne ɔ we nyɔhiɔ nyɔngmane ɔ we ligbi enuɔne ɔ, nyumu ko nɛ tu fo kɛ je Yerusalem, ba bɔ mi amaniɛ ke he nyɛli ba ywia Yerusalem ma a.

Ezekiel 40:1

Benɛ a nuu wɔ kɛ ho ma se ya a we jeha nyingmi enyɔ kɛ enuɔne ɔ ji jeha nyɔngma kɛ eywiɛ pɛpɛɛpɛ nɛ a kpata Yerusalem ma a hɛ mi. Jeha he ɔ we ligbi nyɔngma a, Yawɛ he wami ba ye nɔ wawɛɛ, nɛ e ngɔ mi kɛ je.

Kronika II, 36:17

Enɛ ɔ he je ɔ, Yawɛ ngɔ Babilonia matsɛ ɔ kɛ ba tua mɛ. Babilonia matsɛ ɔ kɛ klaate gbe Yuda nihewi ɔmɛ ngɛ Yawɛ we ɔ mi po. E nɛ́ nɔ ko nɔ ko mɔbɔ, jokuɛyo jio, nɔkɔtɔma jio, yo jio, nyumu jio, hiɔtsɛ jio, nɔ nɛ ngɛ he wami jio. Mawu ngɔ mɛ tsuo pɛpɛɛpɛ ngɔ wo e dɛ mi.

Yeremia 6:6

Yawɛ Tabohiatsɛ ɔ fa matsɛmɛ nɛ ɔmɛ nɛ a po tso kɛ pee kpoku kɛ bɔle Yerusalem kɛ kpe, nɛ a sa ma a yi. Yawɛ de to ke, “Ma gbla ma nɛ ɔ tue, ejakaa amimi sɔuu lɛ a ngɛ yee ngɛ ma a mi.

Yeremia 52:1

Zedekia ye jeha nyingmi enyɔ kɛ kake benɛ e ba bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyɔngma kɛ kake. E nyɛ biɛ ji Hamutal. Yeremia nɛ je Libna a biyo ji lɛ.