Yeremia 38:5 - BAIBLO ALOO NGMAMI KLƆUKLƆU Ɔ

⁵ Matsɛ Zedekia de mɛ ke, “Saminya! E ngɛ nyɛ dɛ mi; nɔ́ tsuaa nɔ́ nɛ nyɛ suɔ kaa nyɛ maa pee lɛ ɔ, nyɛɛ pee lɛ. I be nyɛe ma tsi nyɛ nya.”

Yeremia 38:5 ပူးပေါင်းရင်းမြစ်များ

Samuel II, 3:39

Imi lɛɛ a pɔ mi nu nɛ a wo mi matsɛ mohu, se mwɔnɛ ligbi nɛ ɔ, i pee kaa nɔ nɛ be he wami. Kikɛmɛ a Zeruya binyumu nɛ ɔmɛ a sane wa pe mi. Yawɛ nɛ wo yayami peelɔ ɔ hiɔ bɔ nɛ sa lɛ!”

Abɛ Womi 29:25

Ke o ngɛ nɔmlɔ adesa gbeye yee ɔ, o naa haomi; se ke o ngɔ o hɛ kɛ fɔ Yawɛ nɔ ɔ, nɔ́ ko nɔ́ ko be o he sae.

Samuel II, 19:22

Se David de ke, “Nyɛ Zeruya bimɛ, mɛni sane nɛ ɔ kɔɔ ngɛ nyɛ he, loko nyɛ ngɛ hlae nɛ nyɛɛ doo ye nya mwɔnɛ ligbi nɛ ɔ? Anɛ e sa kaa a gbe nɔ ko ngɛ Israel mwɔnɛ ligbi nɛ ɔ lo? Anɛ i li kaa mwɔnɛ ligbi nɛ ɔ, imi ji matsɛ ngɛ Israel lo?”

Samuel I, 29:9

Akish ha David heto ke, “Imi lɛɛ i le kaa nɔ́ ko be o he; o ngɛ kaa Mawu bɔfo. Filisti tatsɛmɛ kpa amɛ nɛ a de ke, ‘Waa kɛ lɛ be ta yae’ ɔ nɛ.

Samuel I, 15:24

Saul de Samuel ke, “Niinɛ, i pee yayami; ejakaa i bui Yawɛ fami ɔ, kɛ mo hu o munyu ɔmɛ tue. I ya ye ma a gbeye, nɛ i bu mɛ tue.

Yeremia 26:14

Imi lɛɛ i ngɛ nyɛ dɛ mi; nɔ́ tsuaa nɔ́ nɛ nyɛ susu kaa e hi, loo e da ha nyɛ ɔ, nyɛɛ pee mi.

Yeremia 37:17

Be ko se ɔ, Matsɛ Zedekia tsɔ nɛ a ba ngɔ mi kɛ ba e ngɔ. Nɛ e bi mi ngɛ laami mi zaa ngɛ matsɛ we ɔ mi ke, “Anɛ sɛ gbi ko je Yawɛ ngɔ lo?” I he nɔ ke, “Ee, sɛ gbi ko ba!” I ya nɔ nɛ i de lɛ ke, “A maa ngɔ mo kɛ wo Babilonia matsɛ ɔ dɛ mi.”

Daniel 6:16

Lɔ ɔ he ɔ, matsɛ ɔ fa e tsɔli ɔmɛ, nɛ a ya nu Daniel, nɛ a sake lɛ kɛ fɔ jatahi a muɔ mi. Matsɛ Darius de Daniel ke, “O Mawu ɔ nɛ o sɔmɔɔ lɛ daa a, e je mo!”

Daniel 6:17

Kɛkɛ nɛ a ya ngɔ tɛ kɛ ba fɔ muɔ ɔ nya, nɛ matsɛ ɔ kɛ lɛ nitsɛ e nɔ́ nya sɔumi nɔ́, kɛ e ma nimeli ɔmɛ hu a nɔ́ nya sɔumi nɔ́ sɔu muɔ ɔ nya. A pee nɔ́ nɛ ɔ, konɛ nɔ ko kó ya je Daniel ngɛ muɔ ɔ mi.