Yeremia 38:4 - BAIBLO ALOO NGMAMI KLƆUKLƆU Ɔ

⁴ Kɛkɛ nɛ ma nimeli ɔmɛ ho nɛ a ya de matsɛ ɔ ke, “Ha nɛ a gbe nyumu nɛ ɔ. Munyuhi nɛ e ngɛ tue ɔ ha nɛ ta buli nɛ piɛ ngɛ ma a mi, kɛ nihi tsuo nɛ ngɛ ma a mi ɔ a kɔni mi ngɛ jɔe. Nyumu nɛ ɔ, ma a si gbeemi e ngɛ hlae, se pi ma a nɔ yami.”

Yeremia 38:4 ပူးပေါင်းရင်းမြစ်များ

Matsɛmɛ I, 21:20

Benɛ Ahab na Eliya a, e bi lɛ ke, “Ye he nyɛlɔ, pe o nuu mi nɛ ɔ?” Eliya he nɔ ke, “Ee, i nuu mo. O ngɔ o he ngɔ ha yayami peemi, nɛ o pee nɔ́ nɛ dɛ ngɛ Yawɛ hɛ mi.

Kronika II, 24:21

Matsɛ Yoash kɛ ma a so ngɔ wo Zakaria he, nɛ matsɛ ɔ fa mɛ nɛ a ya fia Zakaria tɛ ngɛ Yawɛ we ɔ kue ɔ mi.

Ezra 4:12

Nɛnɛ, wa ngɛ hae nɛ o le kaa Yuda bi ɔmɛ nɛ je o ngɔ kɛ ba a ba to si ngɛ Yerusalem, nɛ a bɔni jamɛ a atuã tsɔli, kɛ yiwutsotsɛmɛ a ma a mami ekohu. A bɔni gbogbo ɔmɛ fiami, nɛ e be kɛe kulaa nɛ a maa po ma a kɛ gbe nya.

Nehemia 6:9

Mɛ tsuo a susu kaa a maa wo wa he gbeye, konɛ wa nine mi nɛ jɔ̃, nɛ wa kpa ní ɔ tsumi. Lɔ ɔ he ɔ, i sɔle ke, “Jehanɛ Mawu, moo wo mi he wami koo!”

Mose II, 5:4

Se Egipt matsɛ ɔ de ke, “Mo Mose, kɛ mo Aaron, mɛni he je nɛ nyɛ ngɛ ma a jee kɛ ngɛ a ní tsumi he jee ɔ? Nyɛɛ kpale nyɛ se kɛ ho nyɛ ní tsumi ɔmɛ a he ya esɔ!”

Yeremia 11:21

Anatot nyumu ɔmɛ hla kaa a maa gbe mi, nɛ a de mi ke, ke i ya nɔ nɛ i fiɛ ngɛ Yawɛ biɛ mi kɛ mwɔɔ ɔ, a maa gbe mi.

Yeremia 18:23

Se mo Yawɛ! Gahi tsuo nɛ a ngɛ toe kɛ ngɛ ye he woe konɛ a kɛ gbe mi ɔ, o le. Koo ngɔ a he kɛ ke mɛ, nɛ ko je o hɛ ngɛ a ní yayami ɔmɛ a he. Ha nɛ a nɔɔ si ngɛ o hɛ mi, nɛ o kɛ mɛ nɛ ye, be mi nɛ o mi mi fu.”

Yeremia 26:11

Kɛkɛ nɛ osɔfo ɔmɛ, kɛ gbali ɔmɛ, de ma nimeli ɔmɛ kɛ ma a ke, “Kaa bɔ nɛ nyɛ nitsɛmɛ nyɛ nu kɛ nyɛ tue ɔ, nyumu nɛ ɔ tu munyu kɛ si wa ma a. Lɔ ɔ he ɔ, ja a gbe lɛ!”

Yeremia 29:7

Ma a nɛ i ha nɛ a ngɔ nyɛ kɛ ya mi ɔ, nyɛ hla jamɛ a ma a nɔ yami. Nyɛɛ fa kue ha imi Yawɛ, konɛ ma na mɛ mɔbɔ; ejakaa ke a na a he ɔ, nyɛ hu e maa hi ha nyɛ.

Yeremia 38:16

Kɛkɛ nɛ Matsɛ Zedekia ka mi kita ngɛ laami mi ke, “I na Yawɛ hɛ kalɔ ɔ nɛ ha wɔ wami ɔ kaa i be mo gbee; nimli nɛ ngɛ mo hlae nɛ a gbe ɔ, mɛ hu i be mo ngɔe kɛ wo a dɛ mi.”

Yeremia 38:25

Ke ma nimeli ɔmɛ nu kaa i kɛ mo sɛɛ ní ɔ, a ma ba bi mo nɔ́ nɛ i kɛ mo sɛɛ ɔ. A maa wo mo si ke o de mɛ nɔ́ tsuaa nɔ́, kɛkɛ a be mo gbee.

Yeremia 43:3

Neria bi Baruk ji nɔ nɛ wo o yi mi nɛ e su mo kɛ wo wa he. E pee enɛ ɔ konɛ e ngɔ wɔ kɛ wo Babilonia bi ɔmɛ a dɛ mi nɛ a gbe wɔ, loo a nuu wɔ kɛ ya Babilonia.”

Ezekiel 22:27

Ganɔ ɔmɛ ngɛ kaa ogbeteehi nɛ ngɛ a de lo mi tsɔtslɔɔe. A gbeɔ nɔ, bɔ nɛ pee nɛ a na ní yaka.

Amos 7:10

Osɔfo ko nɛ a tsɛɛ lɛ Amazia hi Mawu we ɔ ngɛ Betel. Ligbi ko ɔ, e tsɔ ya de Israel matsɛ, Yeroboam ke, “Amos ngɛ yi mi yaya toe kɛ wo o he ngɛ mo nitsɛ o nɔ yemi he ɔ. Munyuhi nɛ e ngɛ tue ɔ ma ha nɛ ma mi bi ɔmɛ maa te si kɛ wo mo, a matsɛ ɔ. Ke e ba mi ja a, kɛkɛ pe ma a ywia a nɛ.

Luka 23:2

Nɛ a bɔni e nya pomi ke, “Wa nu nyumu nɛ ɔ nɛ e ngɛ wa ma mi bi ɔmɛ a tue puɛe. Wa nu nɛ e ngɛ mɛ dee ke a ko tsu tó ha Kaisare ɔ, se lɛ nitsɛ ji Kristo, matsɛ ɔ nɛ.”

Ni Tsumi 16:20

Mɛ hu a ngɔ mɛ ya ha Roma kojoli ɔmɛ, nɛ a wo a he munyu ke, “Kikɛmɛ a nimli nɛ ɔmɛ ɔ, Yuda bi ji mɛ, nɛ a ngɛ wa ma a mi hliihlii woe.

Ni Tsumi 17:6

Se benɛ a nɛ mɛ ɔ, a gbla Yason, kɛ nyɛmimɛ ɔmɛ a ti ni komɛ kɛ ya ha ma a mi nikɔtɔma amɛ pani nya kɛ ngmlaa ke, “Nimli nɛ ɔmɛ ɔ, he tsuaa he nɛ a ya a, basabasa sɔuu. Amlɔ nɛ ɔ, a ba su wa ma mi hiɛmɛ nɛ ɔ,

Ni Tsumi 24:5

Wa na nyumu nɛ ɔ kaa ma ywialɔ. E woɔ Yuda bi a yi mi ngɛ he tsuaa he ke a tsɔ atuã. Jehanɛ hu, kuu nɛ a tsɛɛ Nazaree ɔ a nyatsɛ kpanaku ji lɛ.

Ni Tsumi 28:22

Se wa suɔ kaa wa maa bu mo tue nɛ waa le o juɛmi; ejakaa kuu nɛ o ngɛ mi nɛ ɔ, wa le kaa ngɛ he tsuaa he ɔ, a tuɔ e he munyu yaya.”