Yeremia 38:23 - BAIBLO ALOO NGMAMI KLƆUKLƆU Ɔ

²³ Jehanɛ, i de matsɛ ɔ ke, “A ma kpaka o yi ɔmɛ, kɛ o bimɛ ɔmɛ tsuo kɛ ya ha Babilonia bi ɔmɛ, nɛ mo nitsɛ hu o be a dɛ mi jee. Babilonia matsɛ ɔ maa nu mo, nɛ ma nɛ ɔ lɛɛ a maa sã.”

Yeremia 38:23 ပူးပေါင်းရင်းမြစ်များ

Yeremia 41:10

Jehanɛ Ishmael nuu nihi tsuo nɛ piɛ ngɛ Mizpa a kɛ je. Matsɛbiyi ɔmɛ, kɛ nihi tsuo nɛ tatsɛ Nebuzaradan ngɔ kɛ wo Ahikam bi Gedalia dɛ mi po, Ishmael nuu mɛ, nɛ e kɛ mɛ pue nɔ kɛ yaa Amon bi ɔmɛ a zugba a nɔ.

Yeremia 39:6

Babilonia matsɛ ɔ gbe Zedekia bimɛ ɔmɛ ngɛ Zedekia hɛ mi. E gbe Yuda ma nimeli ɔmɛ tsuo ja nɔuu.

Yeremia 38:18

Se ke o yɛ nɛ o ya nu a nane ɔ, lɛɛ a maa ngɔ ma nɛ ɔ kɛ wo Babilonia bi ɔmɛ a dɛ, nɛ a maa sã ma a. Ke e ba mi ja a, o be nyɛe maa tu fo kɛ je a dɛ.’ ”

Matsɛmɛ II, 25:7

A gbe Zedekia binyumu ɔmɛ ngɛ e hɛ mi. Lɛ nitsɛ lɛɛ a ta e hɛngmɛhi, nɛ a bɔ lɛ pã; nɛ a ngɔ lɛ kɛ ho Babilon ya.

Ezekiel 43:3

Nina nɛ ɔ ngɛ kaa nina nɛ i na benɛ Mawu ba kpata Yerusalem hɛ mi, kɛ nina nɛ i na ngɛ Kebar pa a nya a. Kɛkɛ nɛ i ngɔ ye hɛ mi kɛ bu zugba.

Ezekiel 14:9

“Se ke a mlɔɔ gbalɔ ko nɛ e de nɔ́ ko ɔ, lɛɛ imi Yawɛ lɛ i mlɔɔ jamɛ a gbalɔ ɔ nɛ. Ma gbla e tue; ma kpata e hɛ mi; ma je lɛ kɛ je ye ma Israel ɔ a kpɛti.

Yeremia 6:12

A wehi, a zugbahi, kɛ a yihi ma plɛ pee ni kpahi a níhi, ejakaa ma gbla zugba nɛ ɔ nɔ bi ɔmɛ a tue.

Yeremia 32:4

nɛ Yuda matsɛ, Zedekia be e he yee. A maa nu lɛ kɛ ya ha Babilonia matsɛ ɔ; e maa na lɛ hɛ mi kɛ hɛ mi, nɛ e kɛ lɛ maa tu munyu.

Yeremia 37:8

Ke a je ɔ, Babilonia bi ɔmɛ maa kpale kɛ ba, nɛ a ma ba tua ma nɛ ɔ ekohu. A maa ngɔ ma a, nɛ a maa mɛ he la.

Yeremia 38:24

Zedekia de mi ke, “Ko ha nɛ nɔ ko nɔ ko nɛ le nɔ́ nɛ i kɛ mo sɛɛ nɛ ɔ. Kɛkɛ ɔ, a be mo gbee.

Yeremia 39:5

Se Babilonia tabo ɔ nyɛɛ a se, nɛ a ya nu Zedekia ngɛ Yeriko nga a nɔ. A ngɔ lɛ kɛ ba ha Matsɛ Nebukadnezar ngɛ Ribla, ngɛ Hamat zugba a nɔ. Nɛ lejɛ ɔ Nebukadnezar kojo lɛ nɛ e bu lɛ fɔ ngɛ.

Ezekiel 17:15

Se Yuda matsɛ ɔ tsɔ atuã; e tsɔ nihi kɛ ho Egipt ya, konɛ a ha lɛ okpɔngɔhi, kɛ ta buli nɛ he hiɛ. Anɛ e ma nyɛ maa ye kunimi lo? Anɛ matsɛ nɛ ɔ yi ma na wami lo? Ke e yi somi ɔ nɔ ɔ, anɛ e yi ma na wami lo?”

Mose IV, 4:18

“Nyɛ ko ha nɛ Kohat bi ɔmɛ a hɛ mi ba kpata ngɛ Levi bi ɔmɛ a kpɛti.

Yeremia 21:10

I pee ye juɛmi kaa ja i kpata ma nɛ ɔ hɛ mi kokooko; i be nyɛ mɔbɔ nae. Ma ngɔ ma a kɛ wo Babilonia matsɛ ɔ dɛ mi nɛ e maa mɛ he la. Imi, Yawɛ lɛ i de.”

Yeremia 34:3

Mo nitsɛ hu o be o he yee; a maa nu mo kɛ ya ha Babilonia matsɛ ɔ. O maa na lɛ hɛ mi kɛ hɛ mi, nɛ o kɛ lɛ maa tu munyu; nɛ lɔ ɔ se ɔ, a maa ngɔ mo kɛ ho Babilonia ya.