Yeremia 38:2 - BAIBLO ALOO NGMAMI KLƆUKLƆU Ɔ

² Yawɛ de ke, “Nɔ tsuaa nɔ nɛ maa hi ma a mi ɔ, ta, loo hwɔ, loo gbenɔ hiɔ maa gbe lɛ. Se nɔ nɛ maa ngɔ e he ya ha Babilonia bi ɔmɛ ɔ, a be lɛ gbee; e yi ma na wami.”

Yeremia 38:2 ပူးပေါင်းရင်းမြစ်များ

Yeremia 21:4

a ya de Zedekia ke, bɔ nɛ Yawɛ Israel Mawu ɔ, de ji nɛ ɔ nɛ: “Babilonia matsɛ ɔ, kɛ Kaldea bi nɛ ba sa nyɛ ma a yi, nɛ nyɛɛ kɛ mɛ ngɛ ta hwue ɔ, ma ha nɛ nyɛ ta hwumi ní ɔmɛ nɛ nyɛ hɛɛ ɔ maa pee yaka ngɛ a hɛ mi. Ma bua nya kɛ ba pue ma nɛ ɔ kpɛti tutuutu.

Yeremia 24:8

“Se ni nɛmɛ nɛ piɛ nɛ a nuu we mɛ kɛ yɛ Babilonia a, bɔ nɛ a peeɔ ngmɔkɔ nɛ sa nɛ hí yemi ɔ, jã pɛ imi, Yawɛ ma pee mɛ. Mɛ ji Yuda matsɛ, Zedekia, ma nimeli ɔmɛ, Yerusalem ma mi bi ɔmɛ nɛ piɛ ngɛ zugba a nɔ, kɛ ni nɛmɛ nɛ ho Egipt ya a.

Yeremia 27:11

Se ke je ma ko maa ba a he si ha Babilonia matsɛ ɔ, nɛ a ma sɔmɔ lɛ ɔ, ma ha nɛ a maa hi mɛ nitsɛmɛ a zugba nɔ; a ma hu zugba a, nɛ a maa hi nɔ. Imi, Yawɛ lɛ i de.”

Yeremia 27:13

Mɛni he je o maa hi si nɛ ta, hwɔ, kɛ gbenɔ hiɔ nɛ gbe mo, kɛ o ma a tsuo kaa bɔ nɛ Yawɛ de to ɔ? Yawɛ de to ke je ma nɛ be Babilonia matsɛ ɔ sɔmɔe ɔ, nɔ́ nɛ maa ba a nɔ ji lɔ ɔ nɛ.

Yeremia 29:16

Se matsɛ ɔ nɛ hii si ngɛ David sɛ ɔ nɔ, kɛ ma nɛ ɔ mi bi tsuo, nɛ ji nyɛ nyɛmimɛ ɔmɛ nɛ a nuu we mɛ kɛ piɛ we nyɛ he kɛ ya a, nyɛɛ bu nɔ́ nɛ Yawɛ ngɛ dee ngɛ a he ɔ tue.

Yeremia 29:18

I kɛ ta, hwɔ, kɛ gbenɔ hiɔ maa nyɛɛ a se; nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, nɛ a maa bɔ mɛ ahlua ngɛ he tsuaa he nɛ ma fie mɛ kɛ ya.

Yeremia 34:17

Enɛ ɔ he je ɔ, imi Yawɛ, i ngɛ nyɛ dee ke nyɛ gbo tue; nyɛ ha we nɛ nyɛ nyɛmimɛ, Israel fɔfɔɛ ɔmɛ nɛ a ye a he. Saminya! Imi lɛɛ ma ha nɛ nyɛɛ lɛɛ nyɛ maa ye nyɛ he mɔ! Ma ngmɛɛ nyɛ he kɛ wo gbenɔ dɛ mi, nɛ ta, hiɔ, kɛ hwɔ maa gbe nyɛ. Nɛ ma ha nɛ a gbɛ nyɛ ngɔ fĩa je ma amɛ tsuo a mi.

Yeremia 39:18

Ma baa o yi, nɛ nɔ ko nɔ ko be mo gbee. O maa ye o he, ejakaa o ngɔ o hɛ kɛ fɔ ye nɔ. Imi, Yawɛ lɛ i de.”

Yeremia 42:17

Nyɛ ti nihi tsuo nɛ maa pee a yi mi kaa a ma ya hi Egipt ɔ, ke a nɔɛ ta a, lɛɛ mi mi hwɔ, loo gbenɔ hiɔ maa gbe mɛ. Tue gblami nɛ i kɛ maa ba jamɛatsɛmɛ ɔmɛ a nɔ ɔ, nɔ ko nɔ ko be piɛe, nɛ nɔ ko nɔ ko hu he be mi jee.’

Yeremia 42:22

Lɔ ɔ he ɔ, jehanɛ lɛɛ nyɛ ná nɛ nyɛɛ le klɛdɛɛ kaa he nɛ nyɛ suɔ kaa nyɛ ma ya hi ɔ, nyɛ ma ya gbo ngɛ lejɛ ɔ. Ke nyɛ ya nɔɛ ta a, lɛɛ mi mi hwɔ, loo gbenɔ hiɔ maa gbe nyɛ ngɛ lejɛ ɔ.”

Yeremia 44:13

Ma ngɔ ta, hwɔ, kɛ gbenɔ hiɔ kɛ gbla nihi nɛ ngɛ Egipt ɔ a tue kaa bɔ nɛ i gbla Yerusalem tue ɔ.

Yeremia 45:5

Moo lɛɛ ní nguahi o ngɛ hlae ha o he? Ko hla! Ejakaa ma ngɔ haomi kɛ ba adesahi tsuo a nɔ. Se moo lɛɛ he tsuaa he nɛ o maa gu ɔ, o he maa je mi. Imi, Yawɛ lɛ i de.”

Ezekiel 14:21

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ma ha tue gblami nɛ nya wa eywiɛ nɛ ɔmɛ maa ba Yerusalem nɔ: ta, hwɔ, lohwe awi yeli, kɛ gbenɔ hiɔ. Nimlihi, kɛ lohwehi tsuo a hɛ mi ma kpata ngɛ lejɛ ɔ.

Ezekiel 6:11

Bɔ nɛ Nyɔmtsɛ Yawɛ de ji nɛ ɔ nɛ: “Tsɛ̃ o nguɛ nya! Ngɔɔ o nane kɛ si si! De ke akuanyɛ, musu tloo Israel ma a ngɛ yayamihi tsuo nɛ a pee ɔ he. Ta ma kpata ni komɛ a hɛ mi; mi mi hwɔ maa gbe ni komɛ; nɛ gbenɔ hiɔ maa ngɔ ni komɛ hu kɛ ho!

Ezekiel 7:15

A maa hia klaate kɛ nyɛɛ gbɛjegbɛ ɔmɛ a nɔ; nɛ gbenɔ hiɔ maa ba we ɔmɛ a mi. Nɔ nɛ ngɛ ta nga nɔ ɔ maa nɔ ngɛ ta a nya; nɔ nɛ ngɛ ma a mi ɔ, gbenɔ hiɔ, loo hwɔ ma kpata e hɛ mi.