Yeremia 38:17 - BAIBLO ALOO NGMAMI KLƆUKLƆU Ɔ

¹⁷ Kɛkɛ nɛ i de Zedekia ke, “Bɔ nɛ Yawɛ Tabohiatsɛ, Israel Mawu ɔ, de ji nɛ ɔ nɛ: ‘Ke o maa ya nɛ o ya nu Babilonia matsɛ ɔ ma nimeli ɔmɛ a nane ɔ, a maa ngɔ o wami kɛ ke mo, nɛ a be ma nɛ ɔ sãe. A ma he o kɛ o we ɔ tsuo nyɛ yi wami.

Yeremia 38:17 ပူးပေါင်းရင်းမြစ်များ

Yeremia 27:12

I tu munyu nɛ ɔ kɛ̃ kɛ tsɔɔ Yuda matsɛ, Zedekia ke, “Nyɛɛ ba nyɛ he si ha Babilonia matsɛ ɔ. Nyɛ sɔmɔ lɛ kɛ e ma a, nɛ nyɛ yi ma na wami.

Yeremia 38:2

Yawɛ de ke, “Nɔ tsuaa nɔ nɛ maa hi ma a mi ɔ, ta, loo hwɔ, loo gbenɔ hiɔ maa gbe lɛ. Se nɔ nɛ maa ngɔ e he ya ha Babilonia bi ɔmɛ ɔ, a be lɛ gbee; e yi ma na wami.”

Yeremia 27:17

Nyɛ ko bu mɛ tue kulaa! Nyɛ sɔmɔ Babilonia matsɛ ɔ, nɛ nyɛ yi nɛ na wami. Mɛni he je lɛ ma nɛ ɔ maa pee ma doku?

Yeremia 39:3

Benɛ a ngɔ Yerusalem ɔ, Babilonia matsɛ ɔ ma nimeli ɔmɛ tsuo ba hi si ngɛ a blɔ hehi ngɛ kpɛti agbo ɔ mi. A ti ni komɛ ji Nergal Sarezer, Samgar Nebo, Sarsekim, kɛ Nergal Sarezer kpa ko.

Matsɛmɛ II, 24:12

nɛ Yuda matsɛ, Yehoyakin nyɛ ngɔ lɛ nitsɛ e he, e tsɔli ɔmɛ, e ma nimeli ɔmɛ, kɛ matsɛ we ɔ ní tsuli ɔmɛ ngɔ ha Babilonia matsɛ ɔ. Nebukadnezar yi nɔ jeha nɛ ji kpaanyɔ ɔ mi ɔ, e nu Yehoyakin nyɔguɛ,

Amos 5:27

nɛ ma ngɔ nyɛ kaa nyɔguɛhi kɛ maa ya Damasko se tsitsaa a.” Yawɛ Tabohiatsɛ Mawu ɔ lɛ de.

La 80:14

Mawu Tabohiatsɛ! Wa kpa mo pɛɛ nɛ o kpale kɛ ba wa ngɔ ekohu. Moo ma o yi si ngɛ hiɔwe, nɛ o hyɛ! Moo hyɛ wai tso bɔbɔyoo nɛ ɔ.

La 80:7

Mawu Tabohiatsɛ, kpale wɔ kɛ ba o ngɔ ekohu. Naa wɔ mɔbɔ, konɛ wa yi nɛ na wami.

Kronika I, 17:24

O biɛ maa jije kɛ maa ya neneene, nɛ nihi ma de ke, ‘Yawɛ Tabohiatsɛ ɔ ji Israel Mawu’. Nɛ o ma ha imi, o tsɔlɔ David, ye matsɛ yemi ɔ maa hi si kɛ maa ya neneene.

Hiob 23:13

Mawu ɔ, bɔ nɛ e ngɛ ɔ, jã kɛ̃ e ngɛ; e tsakee we. Nɔ́ nɛ e suɔ ɔ, lɔ ɔ e peeɔ. Mɛnɔ ma nyɛ ma tsake e yi mi tomi?

Ezra 9:4

Nɔ́ nɛ Israel Mawu ɔ de ngɛ yayami nɛ nihi nɛ kpale kɛ je ma se kɛ ba a pee ɔ he ɔ, nihi babauu nu he. A kɛ he domi blibliibli ba bɔle mi kɛ kpe be mi nɛ i pee basaa kɛ hii si ɔ, hluu kɛ ya si gbɔkuɛ nya si bɔ sami be.

Mose I, 12:13

Lɔ ɔ he ɔ, de mɛ ke ye nyɛmiyo ji mo. Ke o de mɛ ja a, o he ɔ, a be mi nɔ́ ko pee, nɛ a maa hyɛ ye nɔ saminya.”

Matsɛmɛ II, 25:27

Jeha mi nɛ Evilmerodak ba bɔni tsɛ yemi ngɛ Babilonia ma a nɔ ɔ, e na Yuda matsɛ, Yehoyakin mɔbɔ, nɛ e je lɛ ngɛ tsu mi. Nɛ́ a nu Yehoyakin kɛ ya wo tsu ngɛ ma se ɔ, jeha nyingmi etɛ kɛ kpaagone ɔ we nyɔhiɔ nyɔngma kɛ enyɔ ɔ we ligbi nyingmi enyɔ kɛ kpaago ɔ nɔ nɛ a je lɛ.

Yeremia 27:8

“Se ke je ma ko, aloo nɔ yemi ko kua ke mɛɛ lɛɛ a be kikɛmɛ a Babilonia matsɛ, Nebukadnezar nɛ ɔ sɔmɔe ɔ, ma ngɔ ta, hwɔ, kɛ gbenɔ hiɔ kɛ gbla a tue hluu kɛ yaa si be nɛ ma ha nɛ Nebukadnezar ma kpata a hɛ mi pɛsɛpɛsɛ.

Yeremia 40:9

Gedalia de mɛ ke, “I ngɛ nyɛ kita kae kaa nyɛ ko ye gbeye kaa nyɛ maa ngɔ nyɛ he ya ha Babilonia bi ɔmɛ. Nyɛɛ hi zugba a nɔ, nɛ nyɛ sɔmɔ Babilonia matsɛ ɔ, kɛkɛ e maa hi ha nyɛ.

Ezekiel 8:4

Kɛkɛ nɛ i na Israel Mawu ɔ hɛ mi nyami ɔ ngɛ lejɛ ɔ kaa nina nɛ i na ngɛ kɔ̃ ɔ mi ɔ.

Yeremia 44:7

“Lɔ ɔ he ɔ, imi Yawɛ Tabohiatsɛ, Israel Mawu ɔ, i ngɛ bie ke mɛni he je nyɛ ngɛ nyɛ nitsɛmɛ nyɛ he yayami nguaa kaa kikɛ nɛ ɔ pee? Anɛ nyɛ suɔ kaa nyɛ tsuo nyɛ hɛ mi nɛ kpata, nyumuhi, yihi, jokuɛwi, kɛ bimwɔwi, nɛ nyɛ ti nɔ ko nɔ ko nɛ ko piɛ ngɛ Yuda lo?