Yeremia 38:10 - BAIBLO ALOO NGMAMI KLƆUKLƆU Ɔ

¹⁰ Matsɛ ɔ fa Ebedmelek ke e ya ngɔ nyumuhi etɛ kɛ piɛ e he, nɛ a ba gbla mi kɛ je vu ɔ mi nɛ ma ko gbo.

Yeremia 38:10 ပူးပေါင်းရင်းမြစ်များ

Abɛ Womi 21:1

Matsɛ juɛmi ngɛ kaa nyu dɔ ngɛ Yawɛ dɛ mi. He nɛ lɛɛ e suɔ nɛ e haa e guɔ.

La 75:10

E maa ba nimli yayamihi a he wami ɔ si; se nimli kpakpahi lɛɛ e ma ha nɛ a na he wami kɛ bɔ he.

Ester 8:7

Kɛkɛ nɛ Matsɛ Ahasuerus de Manyɛ Ester kɛ Mordekai, Yuda no ɔ ke, “Nyɛɛ hyɛ, i ha a sɛu Haman ngɛ yi mi yaya nɛ e to ngɔ wo Yuda bi ɔmɛ a he ɔ he, nɛ i ngɔ e weto ní ngɔ ha Manyɛ Ester.

Ester 5:2

Benɛ e na Manyɛ Ester nɛ daa si ngɛ kpo ɔ nɔ ɔ, e na e he bua jɔmi, nɛ e wo e matsɛ tso nɛ a kɛ sika tsu pee ɔ nɔ kɛ tsɔɔ lɛ. Kɛkɛ nɛ manyɛ ɔ ba matsɛ ɔ ngɔ, nɛ e kɛ e nine ba ta matsɛ tso ɔ he ngɛ e yi je.

Yeremia 38:7

Se Ebedmelek, Etiopia no nɛ a puɛ lɛ, nɛ e tsuɔ ní ngɛ matsɛ we ɔ nu kaa a kɛ mi wo vu mi. Jamɛ a be ɔ mi ɔ, matsɛ ɔ ngɛ sane mi hyɛe ngɛ Benyamin agbo ɔ nya.

Yeremia 38:9

“Nɛnɛ, nɔ́ nɛ nimli nɛ ɔmɛ pee nɛ ɔ dɛ. Vu ɔ mi nɛ a ngɔ gbalɔ Yeremia ya wo nɛ ɔ, hwɔ maa gbe lɛ ngɛ lejɛ ɔ; ejakaa niye ní ta ma a mi.”

Yeremia 38:11

Kɛkɛ nɛ Ebedmelek kɛ nyumu ɔmɛ ya matsɛ we ɔ, nɛ a ya hla tako piɛ, kɛ bo gbagbɛ ngɛ daka ko mi ngɛ nito he ɔ. A kɛ kpa fi ní nɛ ɔmɛ, nɛ a siu kɛ ba ha mi ngɛ vu ɔ mi.