Yeremia 37:18 - BAIBLO ALOO NGMAMI KLƆUKLƆU Ɔ

¹⁸ Jehanɛ, i bi Matsɛ Zedekia ke, “Mɛni yayami i pee mo, loo o tsɔli ɔmɛ, loo ma nɛ ɔ, loko nyɛ wo mi tsu ɔ?

Yeremia 37:18 ပူးပေါင်းရင်းမြစ်များ

Ni Tsumi 25:8

Paulo je e nya, nɛ e de ke, “I tɔ we Yuda bi ɔmɛ a mlaa ko; i pee we nɔ́ ko kɛ ble we sɔlemi we ɔ, nɛ Kaisare ɔ hu i tɔ we e nɔ.”

Yohane 10:32

Se Yesu de mɛ ke, “I pee ní kpakpahi babauu nɛ nyɛ na. Níhi nɛ i pee ɔ, Tsɛ ɔ nɛ tsɔɔ mi. Te nɔ́ nɛ he nɛ nyɛ ngɛ hlae nɛ nyɛɛ fia mi tɛ ɔ.”

Ni Tsumi 25:25

Se imi lɛɛ i na kaa e pee we nɔ́ ko nɛ sa gbenɔ. Akɛnɛ lɛ nitsɛ e ngɔ e sane ɔ kɛ ha Roma matsɛ ɔ he je ɔ, i ma nya si kaa a ngɔ lɛ kɛ ya ha Roma matsɛ ɔ.

Ni Tsumi 25:11

Ke i ye sane yaya ko, nɛ i pee nɔ́ nɛ sa gbenɔ ɔ, i de we ke a ngmɛɛ ye he. Se ke sanehi nɛ ni nɛ ɔmɛ ngɔ kɛ ngɛ ye nya poe nɛ ɔ be mi ɔ, nɔ ko be nyɛe maa ngɔ mi ngɔ wo a dɛ mi. I suɔ kaa Kaisare ɔ nitsɛ nɛ ye ye sane ɔ.”

Daniel 6:22

Ye Mawu ɔ tsɔ e bɔfo ɔ, nɛ e ba má jata amɛ a nya, nɛ a yi mi awi. Mawu pee nɔ́ nɛ ɔ, ejakaa e le kaa i pee we nɔ́ ko nɔ́ ko nɛ dɛ; e le kaa mo nɛnɛ hu, i tɔ we o nɔ.”

Galatabi 4:16

Anɔkuale ɔ nɛ i de nyɛ ɔ, lɔ ɔ ha i ba pee nyɛ he nyɛlɔ; pi jã?

Ni Tsumi 26:31

Benɛ a gbla a he si bɔɔ ɔ, a de ke, “Nyumu nɛ ɔ pee we nɔ́ ko nɛ sa kaa a gbe lɛ, loo a wo lɛ tsu.”

Ni Tsumi 24:16

Lɔ ɔ he ɔ, i bɔɔ mɔde kaa daa nɛ ɔ ma pee nɔ́ nɛ maa sa Mawu, kɛ adesahi tsuo a hɛ mi, nɛ ye he nile be mi fɔ bue.

Ni Tsumi 23:1

Paulo hyɛ kpe ngua a mi bi ɔmɛ tsuo a hɛ mi kɛ kpe, nɛ e de ke, “Ye nyɛmimɛ Israel bi, kɛ ba su mwɔnɛ ligbi nɛ ɔ, i ba ye je mi saminya, nɛ ye he nile bui mi fɔ ngɛ Mawu hɛ mi.”

Yeremia 26:19

Nɛ Mika de nɔ́ nɛ ɔ, anɛ Yuda matsɛ, Hezekia kɛ ma a tsuo gbe lɛ lo? Dɛbi! Nɔ́ nɛ Hezekia pee mohu ji kaa e ye Yawɛ gbeye, nɛ e hla e se blɔ. Enɛ ɔ he je ɔ, yi mi nɛ Yawɛ to kaa e kɛ amanehlu maa ba ma a nɔ ɔ, Yawɛ tsake jamɛ a yi mi tomi ɔ. Amlɔ nɛ ɔ, wɔɔ lɛɛ wa ngɛ hlae nɛ waa kɛ amanehlu agbo nɛ ba wɔ nitsɛmɛ wa nɔ.”

Abɛ Womi 17:26

Nɔ nɛ sane da a, e sɛ kaa a bɔɔ lɛ hiɔ. Odehehi hu e sɛ kaa a fiaa mɛ ní yaka.

Abɛ Womi 17:13

Nɔ nɛ ngɔɔ yayami kɛ toɔ kpakpa nane mi ɔ, yayami be e we mi tae gblegbleegble.

Mose I, 31:36

Jehanɛ lɛɛ Yakob tsui ba, nɛ e kɛ abofu de Laban ke, “Mɛni yayami i pee? Mɛni mlaa i tɔ, loko o hɛ dɔ kɛ nyɛɛ ye se kikɛ nɛ ɔ?