Yeremia 37:10 - BAIBLO ALOO NGMAMI KLƆUKLƆU Ɔ

¹⁰ Ke e ba mi kaa nyɛ ye Babilonia tabo ɔ tsuo nɔ, nɛ e piɛ nihi nɛ plaa kɛ pueɔ si ngɛ a bo tsuhi a mi po, jamɛatsɛmɛ ɔmɛ maa te si nɛ a maa sã ma nɛ ɔ kɛ̃.”

Yeremia 37:10 ပူးပေါင်းရင်းမြစ်များ

Yoel 2:11

Yawɛ maa wo gbi kɛ fa e tabo ɔ he. E ta buli ɔmɛ a he hiɛ babauu; nihi nɛ buɔ Yawɛ tue ɔ, a li a yibɔ. Yawɛ ligbi ɔ maa pee gbeye. Mɛnɔ ma nyɛ nya maa da?

Yeremia 50:45

Lɔ ɔ he ɔ, yi mi nɛ i to kɛ wo Babilon ma a he, kɛ bɔ nɛ i to nɛ ma pee ma mi bi ɔmɛ ji nɛ ɔ nɛ. Nyɛɛ bu tue! A bimɛ tsɔwitsɔwi po a maa gbla mɛ ngɛ zugba kɛ je, nɛ nɔ tsuaa nɔ he mi maa po.

Yesaya 30:17

Nyɛ he nyɛli ɔmɛ a ta bulɔ kake too maa wo nyɛ ta buli akpe fo; nɛ a nihi enuɔ pɛ maa wo nyɛ tsuo fo. Nyɛ tabo ɔ tsuo ma wo fo, nɛ nɔ́ nɛ maa piɛ ngɛ se ji aflangaa tso nɛ maa si ngɛ yoku yi mi!

Yeremia 51:4

A maa plaa mɛ ngɔ pue si ngɛ Kaldea gbɛjegbɛ ɔmɛ a nɔ, nɛ a ma gbo ngɛ lejɛ ɔ.

Yeremia 49:20

Lɔ ɔ he ɔ, yi mi nɛ i to kɛ wo Edom bi ɔmɛ a he, kɛ bɔ nɛ i to nɛ ma pee Teman ma mi bi ɔmɛ ji nɛ ɔ nɛ. Nyɛɛ bu tue! A bimɛ tsɔwitsɔwi po a maa gbla mɛ ngɛ zugba kɛ je, nɛ nɔ tsuaa nɔ he mi maa po.

Yeremia 37:8

Ke a je ɔ, Babilonia bi ɔmɛ maa kpale kɛ ba, nɛ a ma ba tua ma nɛ ɔ ekohu. A maa ngɔ ma a, nɛ a maa mɛ he la.

Yesaya 14:19

se moo lɛɛ o be yɔkɔ ɔ eko kulaa; a sake o gbogboe ɔ ngɔ fɔ he, konɛ e sa. Nihi nɛ nɔ ngɛ ta mi ɔ, a gbogboe ɔmɛ ha o nɔ; a sake o kɛ mɛ tsuo kɛ pue tɛ muɔ ko mi kaa gbogboe nɛ a naa nɔ.

Yesaya 13:15

Nɔ tsuaa nɔ nɛ a maa nu ɔ, a kɛ dade maa gbe lɛ.

Yesaya 10:4

Nɔ́ nɛ maa ba nyɛ nɔ ji, nyɛ maa nɔ ngɛ ta mi, aloo a maa nuu nyɛ kɛ ho kaa pamitsɛmɛ. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yeremia 21:10

I pee ye juɛmi kaa ja i kpata ma nɛ ɔ hɛ mi kokooko; i be nyɛ mɔbɔ nae. Ma ngɔ ma a kɛ wo Babilonia matsɛ ɔ dɛ mi nɛ e maa mɛ he la. Imi, Yawɛ lɛ i de.”

Yeremia 32:29

nɛ a maa mɛ ma a he la. A maa sã ma a, kɛ wehi nɛ nihi sãã tsopa kɛ e he via ngɛ a yi mi kɛ haa Baal, nɛ a ngɔɔ dã kɛ sãã wai bɔ ha mawu kpahi kɛ woɔ ye mi mi la a.

Yeremia 37:11

Benɛ Egipt tabo ɔ ma, nɛ Babilonia bi ɔmɛ je Yerusalem ɔ,

Kɔmɔ Yemi 1:15

“Nyɔmtsɛ ɔ kua ye ta buli katsɛmɛ ɔmɛ. E tsɔ tabo ko kɛ ba nɛ a ba kpata ye nihewi ɔmɛ a hɛ mi. Nyɔmtsɛ ɔ naa Yuda nɛ ngɛ kaa yomiyo ɔ nɔ kaa a ngaa wai ngɛ wai muɔ mi.