Yeremia 36:3 - BAIBLO ALOO NGMAMI KLƆUKLƆU Ɔ

³ Eko piɔ Yuda bi ɔmɛ maa nu kaa i to ye yi mi kaa ma kpata a hɛ mi, nɛ a maa kpale kɛ je a blɔ yayami ɔmɛ a nɔ. Ke a pee ja a, ma ngɔ a tɔmi ɔmɛ, kɛ a he yayami ɔmɛ kɛ pa mɛ.”

Yeremia 36:3 ပူးပေါင်းရင်းမြစ်များ

Yeremia 18:8

nɛ jamɛ a je ma a ma kpa a ní yayami ɔmɛ peemi ɔ, imi hu ma kpale ye nya se; yayami nɛ i to ke ma pee mɛ ɔ, i be pee hu.

Ni Tsumi 3:19

Lɔ ɔ he ɔ, nyɛ tsake nyɛ tsui, nɛ nyɛɛ kpale nyɛ se kɛ ba Mawu ngɔ, konɛ a ngɔ nyɛ he yayami ɔmɛ kɛ pa nyɛ.

Ezekiel 12:3

“Lɔ ɔ he ɔ, mo nɔmlɔ adesa, bua blɔ hiami níhi a nya, nɛ o hia blɔ piani katakata, konɛ ni ɔmɛ nɛ a na mo kaa nɔ ko nɛ ngɛ blɔ hiae kɛ yaa ma se. Eko ɔ, atuã tsɔli nɛ ɔmɛ ma kɔ se kaa o kɛ nɔ́ nɛ o ngɛ pee nɛ ɔ ngɛ tsɔɔe kaa atuã tsɔli ji mɛ.

Yeremia 26:3

Alini a maa bu tue nɛ a maa kpale kɛ je a blɔ yayami ɔmɛ a nɔ. Ke a pee ja a, lɛɛ yi mi nɛ i to kaa ma gbla a tue ngɛ a ní yayami ɔmɛ a he ɔ, ma tsake jamɛ a yi mi tomi ɔ.”

Mose V, 30:2

Ke nyɛɛ kɛ nyɛ nina maa kpale kɛ ba Yawɛ ngɔ, nɛ nyɛ maa je nyɛ tsui mi tsuo kɛ bu e gbi tue, nɛ nyɛ maa ye e mlaa amɛ tsuo nɛ i ngɛ nyɛ woe mwɔnɛ ɔ a nɔ ɔ,

Yeremia 36:7

Alini a maa fa kue ha Yawɛ nɛ a maa kpale kɛ je a blɔ yayami ɔmɛ a nɔ; ejakaa abofu nɛ Yawɛ kɛ tu munyu kɛ si ma nɛ ɔ nya wa wawɛɛ nitsɛ.”

2 Petro 3:9

Nɔ́ nɛ Nyɔmtsɛ ɔ wo si ke e maa pee ɔ, pi tsle nɛ e ngɛ toe ngɛ he kaa bɔ nɛ ni komɛ ngɛ susue ɔ; e tsui si kɛkɛ lɛ e ngɛ toe ha nyɛ. Ejakaa e sume nɛ nɔ ko nɔ ko hɛ mi nɛ kpata, se mohu nɔ tsuaa nɔ nɛ tsake e tsui.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Marko 4:12

konɛ ‘Ke a na a, a ko kɔ se, nɛ ke a nu ɔ, a ko nu sisi. Ke pi jã a, a maa kpale kɛ ba Mawu ngɔ, nɛ e kɛ a he yayami ɔmɛ maa pa mɛ.’ ”

Yeremia 35:15

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ. A ba deɔ nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛɛ pee nɔ́ nɛ da. A bɔ nyɛ kɔkɔ ke nyɛ ko ja mawu kpahi, nɛ nyɛ ko sɔmɔ mɛ hulɔ, bɔ nɛ pee nɛ nyɛɛ hi zugba a nɛ i ha nyɛɛ kɛ nyɛ nɛmɛ ɔmɛ ɔ nɔ. Se nyɛ bui mi tue, nɛ ye munyu ɔmɛ hu nyɛ ngɔɛ.

Yeremia 24:7

Ma ha nɛ a maa nu he ngɛ a tsui mi tɔɔ kaa imi ji Yawɛ. A maa pee ye ma, nɛ imi hu ma pee a Mawu; ejakaa a maa kpale kɛ ba ye ngɔ ekohu kɛ a tsui tsuo.

Yeremia 18:11

Lɔ ɔ he ɔ, de Yuda ma a, kɛ Yerusalem ma mi bi ɔmɛ ke, i ngɛ a yi nɔ soe, nɛ ma gbla a tue. De mɛ ke a jɔɔ yayami peemi, nɛ a dla a blɔ ɔmɛ, nɛ a pee nɔ́ nɛ da.

Samuel I, 7:3

Samuel de Israel bi ɔmɛ ke, “Ke nyɛ maa kpale ba nyɛɛ Yawɛ se niinɛ kɛ nyɛ tsui tsuo ɔ, lɛɛ nyɛ je ma se mawu ɔmɛ, kɛ yo wɔ Ashtarot ɔ kɛ je nyɛ kpɛti. Nyɛ dla nyɛ tsui mi kɛ ha Yawɛ, nɛ nyɛ sɔmɔ lɛ nɔ kake too, nɛ e ma je nyɛ kɛ je Filisti bi ɔmɛ a dɛ mi.”

Mose V, 30:8

Nyɛ maa bu Yawɛ tue ekohu, nɛ nyɛ maa ye e mlaa amɛ tsuo nɛ i ngɛ nyɛ woe mwɔnɛ ɔ a nɔ.

Ni Tsumi 28:27

Ejakaa ma nɛ ɔ nui nɔ́ sisi kulaa; nɔ́ ko nɔ́ ko sɛ we a tue mi. Ke pi jã a, a maa hyɛ nɔ́, nɛ a maa nu nɔ́, nɛ a juɛmi ma kɔ nɔ́ se. Kɛkɛ ɔ, a maa kpale kɛ ba imi Mawu, ye ngɔ, nɛ ma he a yi wami.’ ”

Ni Tsumi 26:20

I fiɛ ha ni ɔmɛ tsuo ke a tsake a tsui, nɛ a kpale kɛ ba Mawu ngɔ, nɛ a pee níhi nɛ tsɔɔ kaa a tsake a tsui niinɛ. I je fiɛmi nɛ ɔ sisi kɛ je Damasko kɛ ya gu Yerusalem kɛ ya muɔ Yudea zugba a, kɛ ya su ma je li ɔmɛ a ngɔ.

Luka 20:13

Jehanɛ ɔ, wai ngmɔtsɛ ɔ de ke, ‘Kɛ ma pee kɛɛ? Ma tsɔ imi nitsɛ ye binyumu nɛ i suɔ lɛ ɔ; eko ɔ, a maa bu lɛ!’

Mateo 13:15

Nimli nɛ ɔmɛ kplii a tsui; A wa tue, konɛ a ko nu nɔ́. A ma a hɛngmɛ, konɛ a ko hyɛ nɔ́. A pee kikɛ nɛ ɔ, konɛ a ko nu níhi a sisi; nɛ a ba kpale kɛ ba ye ngɔ nɛ ma tsa mɛ.’

Zefania 2:3

Nyɛ nihi tsuo nɛ nyɛ ngɛ je ɔ mi, nɛ nyɛ baa nyɛ he si, nɛ nyɛ yeɔ Yawɛ mlaa amɛ a nɔ, nyɛ hla e se blɔ. Nyɛɛ pee nɔ́ nɛ da, nɛ nyɛɛ ba nyɛ he si; alini, ligbi ɔ nɛ Yawɛ mi mi ma fu wawɛɛ, nɛ e maa gbla nihi a tue ɔ, nyɛɛ lɛɛ a maa laa nyɛ nɔ.

Ezekiel 18:23

Bɔ nɛ Nyɔmtsɛ Yawɛ ngɛ bie ji nɛ ɔ nɛ: “Anɛ i naa yayami peelɔ ɔ gbenɔ he bua jɔmi lo?” “Dɛbi, nɔ́ nɛ i suɔ mohu ji kaa e maa kpale kɛ je e blɔ yayami ɔ nɔ, nɛ e yi nɛ na wami.

Yeremia 23:14

Se i na kaa Yerusalem gbali ɔmɛ po pe mɛ kɛ yayami peemi; a puɛɔ gba, nɛ a yeɔ lakpa; a ya piɛɔ nihi a he nɛ a kɛ peeɔ yayami; nɛ enɛ ɔ he je ɔ, nɔ ko kpa we yayami peemi. Ngɛ imi ye hɛ mi ɔ, nimli yayamihi ji mɛ tsuo pɛpɛɛpɛ kaa Sodom kɛ Gomora bi.

Yesaya 6:10

E ya nɔ nɛ e de mi ke, “Ha nimli nɛ ɔmɛ a tsui nɛ ti; a tue nɛ wa, nɛ a hɛngmɛ hu nɛ ma, bɔ nɛ pee nɛ a hɛngmɛ ko hyɛ nɔ́, nɛ a tue hu ko nu nɔ́, konɛ a ko nu nɔ́ sisi, nɛ a ba kpale kɛ ba nɛ a tsa mɛ.”

Nehemia 1:9

Se ke nyɛ kpale kɛ ba ye ngɔ, nɛ nyɛ ye ye mlaa amɛ a nɔ ɔ, ke je ɔ nyagbe he nɛ a gbɛ nyɛ ngɔ fĩa po, ma kpaka nyɛ kɛ ba he nɛ i to nɛ a ja mi ngɛ ɔ.’

Mose V, 5:29

I ná nɛ ma a na juɛmi daa kikɛ nɛ ɔ, nɛ a wo ye hɛ mi nyami be tsuaa be, nɛ a ye ye mlaa amɛ tsuo a nɔ, konɛ nɔ́ tsuaa nɔ́ nɛ hi ha mɛ kɛ a nina kɛ ya neneene!’

La 139:24

Hyɛ kaa yayami ko pa ngɛ ye mi lo, nɛ o ngɔ mi kɛ fɔ blɔ nɛ kɛ nɔ yaa neneene wami mi ɔ nɔ.