Yeremia 36:2 - BAIBLO ALOO NGMAMI KLƆUKLƆU Ɔ

² “Yaa hla womi kpo nɛ o ngma níhi tsuo nɛ i de mo nɛ kɔɔ Israel, Yuda, kɛ je ma amɛ tsuo a he ɔ kɛ wo mi. Ngmaa nɔ́ tsuaa nɔ́ nɛ i de mo kɛ je be nɛ i kɛ mo tu munyu kekleekle ngɛ matsɛ, Yosia yi nɔ kɛ ba si mwɔnɛ ligbi nɛ ɔ.

Yeremia 36:2 ပူးပေါင်းရင်းမြစ်များ

Yeremia 30:2

de mi ke, “Ngmaa munyuhi nɛ i kɛ mo tu ɔ tsuo kɛ wo womi mi,

Yeremia 25:3

“Kɛ je be nɛ Yuda matsɛ, Yosia, Amon bi ɔ na jeha nyɔngma kɛ etɛ ngɛ e sɛ ɔ nɔ hluu kɛ ba si mwɔnɛ ligbi nɛ ɔ, jeha nyingmi enyɔ kɛ etɛ sɔuu ji nɛ ɔ nɛ. Kikɛmɛ a be nɛ ɔ tsuo ɔ, be tsuaa be ɔ, i naa sɛ gbi kɛ jeɔ Yawɛ ngɔ kɛ haa nyɛ. I deɔ nyɛ nɔ́ tsuaa nɔ́ fitsofitso; se nyɛ bui tue.

Yeremia 1:10

Mwɔnɛ ligbi nɛ ɔ, i ha mo he wami ngɛ je mahi, kɛ matsɛ yemihi a nɔ; o maa hia, o maa kũɔ, o ma puɛ, o ma kpata hɛ mi, o maa ma, nɛ o ma du.”

Mose II, 17:14

Yawɛ de Mose ke, “Ngmaa nɔ nɛ ɔ kɛ wo womi mi nɛ e pee kaimi nɔ́. Ha nɛ e su Yoshua kaa ma kpata Amalek bi ɔmɛ a hɛ mi, nɛ a be mɛ kaie hu ngɛ zugba a nɔ.”

Ezekiel 2:9

I na nine ko nɛ a juale ha mi; e hɛɛ womi kpo ko.

Yeremia 51:60

I ngma amanehlu tsuo nɛ maa ba Babilonia nɔ, kɛ ní kpahi tsuo nɛ kɔɔ Babilonia he kɛ wo womi mi.

Yeremia 36:23

Ke Yehudi kane womi ba fa etɛ, loo eywiɛ gbe nya pɛ matsɛ ɔ kɛ ha bi ko po mɛ, kɛkɛ e sake kɛ wo la mi ngɛ ngɛyu ɔ mi. Matsɛ ɔ ya nɔ nɛ e pee ja hluu kɛ ya si womi kpo ɔ tsuo pɛpɛɛpɛ sã.

Yeremia 36:6

Se ma suɔ nɛ moo lɛɛ o ya lejɛ ɔ be mi nɛ ni ɔmɛ ngɛ hwɔ hae. Yaa kane womi kpo ɔ, ngɛ lejɛ ɔ nɛ́ ma a tsuo nɛ nu nɔ́ tsuaa nɔ́ nɛ Yawɛ de mi, nɛ imi hu i tsɛ ha mo nɛ o ngma a. Kane womi kpo ɔ ngɛ lejɛ ɔ, konɛ Yuda bi nɛ je a ma amɛ a mi kɛ ba a, mɛ hu a nu.

Yesaya 8:1

Jehanɛ, Yawɛ de mi ke, “Yaa hla nɔ́ nɛ a ngmaa ní ngɛ nɔ agbo ko, nɛ o ngma ní agbohi ngɛ nɔ. Ngmaa ke, ‘Puɛ ní esɔ; haa ní kɛ fo.’

La 40:7

Kɛkɛ nɛ i de ke, “O nɛ mi; i ba; a ngma ye he sane ngɛ womi kpo ɔ mi.

Ezra 6:2

Se Ekbatana nɛ ji ma ngua nɛ ngɛ Media kpokpa a nɔ ɔ loko a ya na womi kpo ko ngɛ. Nɔ́ nɛ a ngma ngɛ mi ji, “Sane ko nɛ ba!

Hosea 8:12

Mlaa amɛ nɛ i wo mɛ ɔ, kaa imi hu i ngma mlaa amɛ tslalaa ja a, jinɛ tse a ko de ke a nɛ́ eko hyɛ.

Yeremia 45:1

Yuda matsɛ, Yehoyakim, Yosia bi ɔ yi nɔ jeha nɛ ji eywiɛ ɔ mi ɔ, Neria bi Baruk ngma munyu ɔ nɛ i de lɛ ke e ngma a. Kɛkɛ nɛ i de lɛ ke,

Yeremia 36:29

Yawɛ de mi ke ma de Yuda matsɛ, Yehoyakim ke, “O sã womi kpo ɔ, nɛ o bi Yeremia ke mɛni he je e ngma ke Babilonia matsɛ ɔ ma ba kpata zugba nɛ ɔ hɛ mi, nɛ e maa gbe e mi nimli, kɛ lohwehi tsuo lo.

Yeremia 2:4

Nyɛ Yakob nina, kɛ Israel wɛtsohi tsuo, nyɛɛ bu Yawɛ sɛ gbi tue.

Yeremia 1:5

“Loko i puɛ mo kɛ wo muklii mi ɔ, jamɛ a be ɔ mi ɔ, i le mo momo. Benɛ a na we nɛ a fɔ mo ɔ, jamɛ a be ɔ mi ɔ, i hla mo ngɔ to momo nɛ́ o ba gba kɛ tsɔɔ je ma amɛ.”

Hiob 31:35

Anɛ nɔ ko be nɔ́ nɛ i ngɛ dee ɔ tue bue lo? I ngɛ kita kae kaa anɔkuale sisiisi lɛ i ngɛ tue ɔ nɛ. Mawu Ope ɔ nɛ ha mi heto. Sanehi nɛ ye nya polɔ ɔ kɛ fɔ ye nɔ ɔ, a ngma sane nɛ ɔmɛ kɛ wo womi mi jinɛ

Mose V, 31:24

Mose ngma Mawu mlaa a fitsofitso kɛ wo womi ko mi; e si we nɔ́ ko.

Hebribi 10:7

Kɛkɛ nɛ i de ke, ‘Mawu, ne mi! I ba konɛ ma ba pee o suɔmi nya ní kaa bɔ nɛ ngmami ɔ deɔ ngɛ ye he ngɛ mlaa womi ɔ mi ɔ.’ ”

Yeremia 1:9

Kɛkɛ nɛ Yawɛ juale e nine, nɛ e ta ye nya he, nɛ e de mi ke, “Hyɛ, ye munyu nɛ i ngɔ ha mo ji nɛ ɔ nɛ.

Yeremia 36:14

Kɛkɛ nɛ ma nimeli ɔmɛ tsuo tsɔ Yehudi ke e ya de Baruk nɛ e ngɔ womi kpo ɔ nɛ e kane kɛ ha ma a kɛ ba. Nɛ Neria bi Baruk hɛɛ womi ɔ kɛ ba. (Yehudi nɛ ɔ, Kushi bi Shelemia lɛɛ e bi Netania bi ji lɛ).

Yeremia 36:18

Baruk he nɔ ke, “Yeremia nitsɛ lɛ e tsɛ munyu ɔmɛ tsuo kɛ ha mi, nɛ i kɛ ni ngmami nyu ngma kɛ wo womi kpo ɔ mi.”