Yeremia 34:9 - BAIBLO ALOO NGMAMI KLƆUKLƆU Ɔ

⁹ a Hebri nyɔguɛ ɔmɛ nɛ a ye a he, nyumu ɔmɛ kɛ yi ɔmɛ tsuo, konɛ nɔ ko kɛ e nyɛmi Israel fɔfɔɛ kó pee nyɔguɛ hu.

Yeremia 34:9 ပူးပေါင်းရင်းမြစ်များ

Filipibi 3:5

I ye otsi pɛ nɛ a po mi. Israel fɔfɔɛ ji mi; i je Benyamin wɛtso ɔ mi; Hebri no mi Hebri no ji mi; mlaa a nya a, Farisi no kpanaa hulɔ.

2 Korintobi 11:22

A fĩaa ke Hebri bi ji mɛ, pi jã? Saminya, imi hu Hebri no ji mi. Nɛ a deɔ ke Israel bi ji mɛ, pi jã lo? Ee, imi hu Israel no ji mi. Pi Abraham nina ji mɛ? Ee, imi hu eko ji mi.

1 Korintobi 6:8

Se nyɛ mohu nyɛ ngɛ nyɛ sibi yayami pee, nɛ nyɛ ngɛ nyɛ sibi sisie, nyɛ nitsɛmɛ nyɛ nyɛmimɛ tete po.

Yeremia 34:10

Ma a, kɛ ma nimeli ɔmɛ tsuo kplɛɛ kaa a maa ngmɛɛ a nyɔguɛ ɔmɛ a he nɛ a ye a he, konɛ nɔ ko kɛ e nyɛmi kó pee nyɔguɛ hu. Niinɛ, a pee ja, nɛ a ha nɛ a nyɔguɛ ɔmɛ ye a he.

Yeremia 30:8

Yawɛ Tabohiatsɛ ɔ ke, “Jamɛ a ligbi ɔ, ma ku kuɛpã tsohi nɛ ngɛ a kuɛ ɔ, nɛ ma tsɔ kɔsɔkɔsɔ ɔmɛ. Nɛ a be ni kpahi sɔmɔe hu.

Yeremia 27:7

Je ma amɛ tsuo ma sɔmɔ lɛ, kɛ e bi, kɛ e bibi hluu kɛ yaa si be maa su nɛ lɛ nitsɛ e ma a hɛ mi ma kpata. Jamɛ a be ɔ mi ɔ, lɛ hu e ma ba sɔmɔ je mahi nɛ a he wa, kɛ matsɛmɛ nguanguahi.

Yeremia 25:14

Ma wo Babilonia bi ɔmɛ hiɔ ngɛ níhi nɛ a pee ɔ a he; mɛ hu a ma ba sɔmɔ je mahi babauu, kɛ matsɛmɛ nguanguahi kaa nyɔguɛhi.’ ”

Samuel I, 14:11

Lɔ ɔ he ɔ, mɛ ni enyɔ ɔmɛ a ya je a he kpo ngɔ tsɔɔ Filisti bi ɔmɛ. Filisti bi ɔmɛ de ke, “Nyɛɛ hyɛ! Hebri bi komɛ hia kpo kɛ je muɔ ɔmɛ nɛ a ya laa a he ngɛ mi ɔ a mi kɛ ma.”

Samuel I, 4:9

Nyɛ wlua nyɛ, nɛ nyɛɛ pee kã kaa nyumuhi; ke pi ja a, nyɛ ma ba plɛ pee Hebri bi ɔmɛ a nyɔguɛhi kaa bɔ nɛ mɛ hu a sɔmɔ nyɛ be ko mi ɔ. Lɔ ɔ he ɔ, nyɛɛ hwu ta kaa nyumuhi!”

Samuel I, 4:6

Filisti bi ɔmɛ nu lele hwɔmi ɔ, nɛ a bi ke, “Lele nɛ a hwɔ wawɛɛ ngɛ Israel bi ɔmɛ a sito he ɔ, kɛ ji e sisi kɛɛ?” Benɛ a na le kaa Yawɛ somi daka a ba su Hebri bi ɔmɛ a sito he ɔ,

Mose V, 15:12

“Ke o nyɛmi Hebri no, nyumu jio, yo jio, jua e he kɛ ha mo kaa nyɔguɛ ɔ, ha nɛ e sɔmɔ mo jeha ekpa; nɛ jeha kpaagone ɔ, é ye e he.

Mose II, 3:18

“A maa bu o gbi tue; nɛ o kɛ Israel ma nimeli ɔmɛ maa ya Egipt matsɛ ɔ ngɔ, nɛ nyɛ ma ya de lɛ ke, ‘Yawɛ, Hebri bi ɔmɛ a Mawu ɔ kɛ wɔ ba kpe; lɔ ɔ he ɔ, wa kpa mo pɛɛ, ha wɔ blɔ nɛ waa nyɛɛ ligbi etɛ blɔ kɛ ya nga a nɔ nɛ wa ya sã bɔ ha Yawɛ, wa Mawu ɔ ngɛ lejɛ ɔ.’

Mose II, 2:6

Benɛ e bli nya a, e na bimwɔyo ɔ; kɛkɛ nɛ bimwɔyo ɔ hia ya. E ní pee lɛ mɔbɔ, nɛ e de ke, “Hebri bi ɔmɛ a ti nɔ ko bi ji nɛ ɔ nɛ.”

Mose I, 40:15

Pani nya nɛ a nu mi kɛ je Hebri bi ɔmɛ a zugba a nɔ kɛ ba hiɛ ɔ; nɛ Egipt hiɛmɛ nɛ ɔ hu i pee we nɔ́ ko nɛ sa kaa a wo mi tsu.”

Mose I, 14:13

Se nyumu ko nɛ tu fo kɛ je ta a mi ba bɔ Abram, Hebri no ɔ amaniɛ ngɛ e sihi he ɔ, ngɛ Amor no ɔ nɛ a tsɛɛ lɛ Mamre ɔ e tso ngua amɛ a kasa nya. Mamre kɛ e nyɛminyumuhi Eshkol kɛ Aner ɔ, huɛ bɔmi ko ngɛ a kɛ Abram a kpɛti.