Yeremia 34:7 - BAIBLO ALOO NGMAMI KLƆUKLƆU Ɔ

⁷ Jamɛ a be ɔ, Babilonia matsɛ ɔ tabo ɔ ya tua ma a momo, nɛ a kɛ Lakish kɛ Azeka hu ngɛ ta hwue. Ma nɛ ɔmɛ pɛ ji Yuda mahi nɛ a fia gbogbo ngɔ wo a he ɔ nɛ piɛ.

Yeremia 34:7 ပူးပေါင်းရင်းမြစ်များ

Yoshua 10:3

Lɔ ɔ he ɔ, Yerusalem matsɛ, Adonizedek tsɔ kɛ ya de Hebron matsɛ, Hoham; Yarmut matsɛ, Piram, Lakish matsɛ, Yafia; kɛ Eglon matsɛ, Debir ke,

Yeremia 4:5

Nyɛ kpa titimati ngɛ zugba a nɔ tsuo! Nyɛ kpa bubuubui! Nyɛ de Yuda ma a, kɛ Yerusalem bi ɔmɛ ke a tu fo kɛ ya mahi nɛ a fia gbogbo kɛ wo a he ɔ a mi.

Yoshua 15:35

Yarmut, Adulam, Soko, Azeka,

Mika 1:13

Nyɛ Lakish bi, nyɛɛ fi nyɛ okpɔngɔ ɔmɛ kɛ wo ta zugba lɛ ɔmɛ a he esɔesɔ. Nyɛ ji Yuda ma nɛ ya wo Israel nane kɛ pee yayami, nɛ nyɛ ha nɛ Yerusalem ba pee yayami.

Yeremia 34:1

Benɛ Babilonia matsɛ, Nebukadnezar kɛ e tabo ɔ, kɛ je mahi tsuo nɛ ngɛ e sisi ɔ ba tua Yerusalem kɛ mahi nɛ bɔle Yerusalem ɔ, i ná sɛ gbi kɛ je Yawɛ ngɔ.

Yeremia 11:12

Ke e ba mi ja a, nihi nɛ ngɛ Yuda ma amɛ a mi, kɛ Yerusalem ɔ ma ya fa kue ha mawu ɔmɛ nɛ a sãã tsopa kɛ e he via kɛ haa a. Se kikɛmɛ a mawu nɛ ɔmɛ be nyɛe ma he a yi wami ngɛ jamɛ a haomi be ɔ mi.

Yeremia 8:14

Mawu ma a mi bi ɔmɛ bi a he ke, “Mɛni he je lɛ wa hii si ngɛ hiɛmɛ nɛ ɔ kɛ mwɔɔ? Nyɛ ha nɛ waa tu fo kɛ ya mahi nɛ a fia gbogbo ngɔ wo a he ɔ a mi, nɛ wa ya gbo ngɛ jamɛ a ma amɛ a mi. Yawɛ, wa Mawu ɔ bu wɔ gbenɔ fɔ, nɛ e ngɔ nyu kɛ kplu nɛ duɔ ngɛ mi ngɔ ha wɔ ke waa nu, ejakaa wa pee yayami kɛ si lɛ.

Kronika II, 27:4

E po mahi ngɛ Yuda yo ɔmɛ a nɔ, nɛ e ma mɔhi ngɛ hue ɔmɛ a mi.

Matsɛmɛ II, 19:8

Asiria asafoatsɛngua a nu kaa Asiria matsɛ ɔ hia kɛ je Lakish nɛ e kɛ Libna bi ya ngɛ ta hwue. Lɔ ɔ he ɔ, e ho nɛ e ya ná lɛ ngɛ lejɛ ɔ.

Yoshua 15:39

Lakish, Bozkat, Eglon,

Yoshua 12:11

Yarmut, Lakish,

Mose V, 28:52

A ma ba tua nyɛ ngɛ ma amɛ tsuo nɛ ngɛ zugba a nɛ Yawɛ ngɛ nyɛ hae ɔ nɔ, hluu kɛ yaa si be nɛ gbogbo gojogojoo ɔmɛ nɛ nyɛ ngɔ nyɛ hɛ kɛ fɔ a nɔ ɔ tsuo maa hule pue si.

Yoshua 10:5

Amor matsɛmɛ enuɔ ɔmɛ pee kake kɛ ya sá Gibeon ma a yi, nɛ a tua ma a. Matsɛmɛ nɛ ɔmɛ ji: Yerusalem matsɛ, Hebron matsɛ, Yarmut matsɛ, Lakish matsɛ, kɛ Eglon matsɛ.

Matsɛmɛ II, 14:19

E ba mi kaa a so Amazia yi nɔ ngɛ Yerusalem kaa a maa gbe lɛ. Lɔ ɔ he ɔ, e tu fo kɛ ho Lakish ya; se a tsɔ nihi kɛ nyɛɛ e se, nɛ a ya gbe lɛ ngɛ lejɛ ɔ.

Yesaya 36:2

Lɔ ɔ se ɔ, e fa e we asafoatsɛ nɔkɔtɔma kɛ e ta buli babauu kɛ je Lakish ke a ya Yerusalem nɛ a ya de Matsɛ Hezekia ke e ha yi. Asafoatsɛ ɔ kɛ e ta a ba da si ngɛ yiti je taku ɔ nyu dɔ ɔ he, ngɛ gbɛjegbɛ ɔ nɔ kɛ yaa ní a he fɔli ɔmɛ a ní tsumi he ɔ.