Yeremia 34:5 - BAIBLO ALOO NGMAMI KLƆUKLƆU Ɔ

⁵ O ma gbo ngɛ tue mi jɔmi mi. Nɛ kaa bɔ nɛ a sã tsopa kɛ e he via kɛ pu o nɛmɛ, nɛ ji matsɛmɛ ɔmɛ nɛ nyɛɛ o hɛ mi ɔ, ja nɔuu a maa sã tsopa kɛ e he via kɛ ha mo. A maa wo yana, nɛ a ma de ke, ‘Nɛnɛ! Due! Due!’ Imi, Yawɛ lɛ i de.”

Yeremia 34:5 ပူးပေါင်းရင်းမြစ်များ

Yeremia 22:18

Lɔ ɔ he ɔ, bɔ nɛ Yawɛ ngɛ dee ngɛ Yuda matsɛ, Yehoyakim, Yosia binyumu ɔ he ji nɛ ɔ nɛ: “Ke e gbo ɔ, nɔ ko nɔ ko be kɔmɔ yee ha lɛ; nɔ ko nɔ ko be dee ke, ‘Ye nyɛmi due! Due!’ Nɔ ko nɔ ko be ya foe ha lɛ ke, ‘Ye nyɔmtsɛ! Ye matsɛ!’

Kronika II, 16:14

nɛ a pu lɛ ngɛ David ma a mi, ngɛ tɛ sa yɔkɔ ko nɛ lɛ nitsɛ e kpɛ ngɔ to ɔ mi. A ngɔ lɛ ngɔ fɔ nɔ gbogboe sa ko nɔ. A kɛ tsopahi kɛ a he via nɛ a je blɔ futu slɔɔtoslɔɔto dla sa nɛ ɔ, nɛ a slɛ la ko nɛ ngɛ tsoe gegeege kɛ wo e hɛ mi nyami.

Daniel 2:46

Kɛkɛ nɛ Matsɛ Nebukadnezar kpla si ngɛ Daniel hɛ mi, nɛ e kɛ e hɛ mi bu si, nɛ e fa ke a sã bɔ kɛ tsopa kɛ e he via kɛ ha Daniel.

Ezekiel 17:16

Nyɔmtsɛ Yawɛ ke, “I ngɛ ye he kita kae ke Yuda matsɛ nɛ ɔ ma gbo ngɛ Babilonia, akɛnɛ somi nɛ e kɛ Babilonia matsɛ ɔ so, kɛ si nɛ e wo lɛ ɔ, e yi nɔ ɔ. (Babilonia matsɛ ɔ lɛ wo Yuda matsɛ ɔ tsɛ).

Kɔmɔ Yemi 4:20

Wa matsɛ ɔ nɛ Yawɛ nitsɛ hla lɛ, nɛ woɔ wɔ he wami, nɛ wa ngɔ wa hɛ kɛ fɔ e nɔ kaa e ma ba kpɔ wɔ kɛ je he nyɛli ɔmɛ a dɛ mi ɔ sɛ a kpa mi, nɛ a nu lɛ.

Kronika II, 34:28

Enɛ ɔ he je ɔ, tue gblami nɛ i to nɛ e ba ma nɛ ɔ, kɛ ma mi bi ɔmɛ a nɔ ɔ, i be hae nɛ o na kɛ o hɛngmɛ. O ma ba gbo nɛ a maa pu mo ngɛ he jɔmi mi loko ma pee nɔ́ nɛ ɔ.” Kɛkɛ nɛ ni ɔmɛ kpale a se nɛ a kɛ sɛ gbi nɛ ɔ ba ha Matsɛ Yosia.

Matsɛmɛ II, 22:20

Lɔ ɔ he ɔ, tue gblami nɛ i kɛ maa ba Yerusalem nɔ ɔ, moo lɛɛ o be nae kɛ o hɛngmɛ; ma ha nɛ o ma gbo, nɛ a maa pu mo ngɛ he jɔmi mi loko tue gblami nɛ ɔ maa ba.” Tsɔli ɔmɛ kpale a se, nɛ a kɛ sɛ gbi nɛ ɔ ya ha Matsɛ Yosia.

Yeremia 34:4

Yuda matsɛ, Zedekia, bu nɔ́ nɛ i ngɛ dee ngɛ o he ɔ tue! O be gboe ngɛ ta nga nɔ.

Samuel I, 31:12

nyumuhi katsɛmɛ ɔmɛ tsuo nyɛɛ nyɔnyɔɔnyɔ kɛ ya Bet Shan ya je Saul gbogboe ɔ, kɛ e binyumu ɔmɛ a ní ɔmɛ kɛ je gbogbo ɔ he, nɛ a ngɔ mɛ kɛ ba Yabesh, nɛ a ba sã mɛ ngɛ lejɛ ɔ.