Yeremia 33:3 - BAIBLO ALOO NGMAMI KLƆUKLƆU Ɔ

³ “Tsɛ mi, nɛ ma he mo nɔ; ma sɛɛ mo ní nguanguahi a he sane, kɛ nyakpɛ níhi nɛ o li.

Yeremia 33:3 ပူးပေါင်းရင်းမြစ်များ

Yeremia 29:12

Jamɛ a be ɔ, ke nyɛ tsɛ mi nɛ nyɛ fa kue ha mi ɔ, ma bu nyɛ tue.

Yesaya 65:24

Loko a ma tsɛ mi ɔ, i he nɔ momo; benɛ a ngɛ kue fae ha mi nɛ a gbi nya lolo ɔ, i nu momo.

Efesobi 3:20

Mawu kɛ he wami kpetekpleenyɛ tsuɔ ní ngɛ wa mi, nɛ e peeɔ níhi nɛ hiɛ babauu kɛ be nɔ kɛ haa wɔ, níhi nɛ wa be nyɛe ma bi, kɛ ní nɛmɛ nɛ wa juɛmi sui he po.

Yesaya 48:6

“Jehanɛ, níhi nɛ i gba ngɔ to ɔ tsuo ba mi. Anɛ e sɛ kaa nyɛ kplɛɛɔ nɔ kaa ja i de ɔ lo? Jehanɛ ma gba nyɛ ní hehi nɛ maa ba hwɔɔ se, laami mi sanehi nɛ maa ba, nɛ i je we kpo kɛ tsɔɔ we hyɛ.

La 91:15

Ke e tsɛ mi ɔ, ma he nɔ; ke haomi ba e nɔ ɔ, ma piɛ e he. Ma je lɛ, nɛ ma wo e hɛ mi nyami.

Mose V, 4:29

Nyɛ ma hla Yawɛ, nyɛ Mawu ɔ ngɛ lejɛ ɔ. Ke nyɛ hla lɛ kɛ nyɛ tsui tsuo ɔ, nyɛ maa na lɛ.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

La 145:18

Nɔ tsuaa nɔ nɛ tsɛɔ Yawɛ ngɛ anɔkuale mi ɔ, Yawɛ hɛɛ lɛ kɛ suu e he.

Mose V, 4:7

“Ma kpetekpleenyɛ te nɛ ngɛ nɛ e mawuhi baa e kasa nya kikɛ nɛ ɔ, kaa bɔ nɛ Yawɛ, wa Mawu ɔ baa wa ngɔ be tsuaa be nɛ wa tsɛ lɛ ɔ?

Ni Tsumi 2:21

E maa ba mi kaa nɔ tsuaa nɔ nɛ ma kpa ngmlaa kɛ tsɛ Nyɔmtsɛ ɔ biɛ ɔ, a ma he e yi wami.’

Amos 3:7

Anɛ Nyɔmtsɛ Mawu pee nɔ́ ko hyɛ nɛ e ha we nɛ e tsɔli ɔmɛ, nɛ ji gbali ɔmɛ nɛ a le lo? Dɛbi!

La 25:14

Nihi nɛ yeɔ Yawɛ gbeye ɔ, Yawɛ kɛ mɛ maa nu huɛ; nɛ si nɛ e wo ɔ, e ma je kpo ngɔ tsɔɔ mɛ.

Yesaya 45:3

Ma je juetli kpo ha mo kɛ je diblii mi, kɛ je hehi nɛ a ngɔ mɛ ngɔ laa ngɛ ɔ, konɛ o na nɛ o le kaa imi Yawɛ, Israel Mawu ɔ, i le mo, nɛ i kɛ o biɛ tsɛɔ mo.

Kpojemi 2:17

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ mana nɛ a kɛ laa a eko. Jehanɛ se hu, ma ha a ti nɔ tsuaa nɔ tɛ hiɔ nɛ a ngma biɛ he ngɛ nɔ. Biɛ nɛ ɔ, nɔ ko nɔ ko li, ja nɔ nɛ a ngɔ tɛ ɔ ngɔ ha lɛ ɔ pɛ.

Mateo 13:35

E pee enɛ ɔ, konɛ e kɛ ha nɛ nɔ́ nɛ gbalɔ ɔ de ɔ nɛ ba mi ke, “I kɛ mɛ maa tu munyu ngɛ abɛ gbi mi. Níhi nɛ a ngɔ kɛ laa kɛ je be nɛ a to je ɔ sisi ɔ, ma fiɛ kɛ tsɔɔ mɛ.”

Mika 7:15

Yawɛ, moo pee nyakpɛ níhi ha wɔ, kaa bɔ nɛ o pee be ko benɛ o je wɔ kɛ je Egipt ɔ.

Yoel 2:32

Se nihi tsuo nɛ ma sɔmɔ Yawɛ ɔ, a ma he a yi wami. Kaa bɔ nɛ Yawɛ de to ɔ, ‘Nihi nɛ ngɛ Yerusalem ɔ, a ti ni komɛ a yi ma na wami; mɛ ji ni nɛmɛ nɛ i hla a nɛ.’ ”

1 Korintobi 1:2

Wa ngɛ womi nɛ ɔ ngmae kɛ yaa ha Mawu we asafo nɛ ngɛ Korinto ɔ, nihi nɛ a tsu a he, nɛ a pee mɛ klɔuklɔu ha Yesu Kristo, kɛ nihi nɛ ngɛ he tsuaa he, nɛ a jaa Kristo Yesu, wa Nyɔmtsɛ, kɛ mɛ hu a Nyɔmtsɛ ɔ.

Yeremia 23:35

Nɔ́ nɛ mohu nɛ sa kaa nyɛ ti nɔ tsuaa nɔ nɛ bi e nyɛmi, loo e huɛ ji nɛ ɔ nɛ: ‘Mɛni heto lɛ Yawɛ ha? Kɛ Yawɛ de kɛɛ?’

Yeremia 32:17

“Nyɔmtsɛ Mawu, mo lɛ o kɛ o he wami kpetekpleenyɛ pee hiɔwe kɛ zugba; nɔ́ ko nɔ́ ko peemi wɛ ha mo.

Yeremia 32:27

“Imi ji Yawɛ; nimli adesahi tsuo a Mawu ji mi. Anɛ nɔ́ ko peemi wa ha mi lo?

Daniel 2:18

E de mɛ ke a fa kue ha Mawu nɛ ngɛ hiɔwe ɔ, konɛ e na mɛ mɔbɔ nɛ e je laami sane nɛ ɔ kpo ngɔ tsɔɔ mɛ, bɔ nɛ pee nɛ a ko gbe mɛ, kɛ Babilon ga woli kpa amɛ hulɔ.

Daniel 2:22

Níhi nɛ a ngɔ kɛ laa, nɛ nɔmlɔ adesa juɛmi sui he ɔ, Mawu jeɔ mɛ kpo; e le níhi nɛ a ngɔ kɛ laa ngɛ diblii mi; lɛ nitsɛ lɛɛ la bɔle lɛ.

Daniel 2:23

Ye nɛmɛ a Mawu, i ngɛ mo si nae, nɛ i ngɛ o yi jee. O ha mi nile kɛ he wami; o bu wa kue fami ɔ tue; nɛ o tsɔɔ mi nɔ́ nɛ wa ma de matsɛ ɔ.”