Yeremia 32:8 - BAIBLO ALOO NGMAMI KLƆUKLƆU Ɔ

⁸ Nɛ kaa bɔ nɛ Yawɛ de mi ɔ, Hanamel ba ye ngɔ ngɛ kue ɔ mi nɛ e ba de mi ke ma he e zugba a nɛ ngɛ Anatot ngɛ Benyamin zugba a mi ɔ. Hanamel de mi ke imi lɛ i ngɛ he blɔ nɛ i kpɔɔ zugba a kɛ peeɔ ye weto ní, lɔ ɔ he ɔ, ma he zugba a. Kɛkɛ nɛ i na kaa Yawɛ kɛ mi tu munyu niinɛ.

Yeremia 32:8 ပူးပေါင်းရင်းမြစ်များ

Yeremia 32:7

ke Hanamel, ye tsɛko Shalum bi ɔ ma ba de mi ke ma he e zugba a nɛ ngɛ Anatot ɔ. Ejakaa ye nyɛmi tutuutu ji lɛ, nɛ i ngɛ he blɔ nɛ i kpɔɔ zugba a.

Yeremia 32:2

Jamɛ a be ɔ mi ɔ, Babilonia matsɛ ɔ tabo ɔ ya sa Yerusalem ma a yi, be mi nɛ imi, Yeremia lɛɛ a wo mi tsu ngɛ kue ɔ mi ngɛ Yuda matsɛ we ɔ.

Yeremia 33:1

Benɛ i ngɛ tsu ɔ mi ngɛ kue ɔ mi kɛ mwɔɔ ɔ, i ná Yawɛ sɛ gbi ekohu.

Matsɛmɛ I, 22:25

Mikaya he nɔ ke, “Ke be nɛ o ya sɛ se tsu mi nɛ o laa o he ɔ, kɛkɛ o maa na mo.”

Yohane 4:53

Kɛkɛ nɛ bitsɛ ɔ kai kaa jamɛ a be ɔ tutuutu nɛ Yesu de lɛ ke e ya, se e bi ɔ yi na wami ɔ nɛ. Lɔ ɔ he ɔ, e kɛ e we ɔ tsuo he Yesu ye.

Zakaria 11:11

A po somi ɔ mi jamɛ a ligbi ɔ nɔuu, nɛ to je juali ɔmɛ nɛ na nɔ́ nɛ i pee ɔ yɔse kaa Yawɛ sɛ gbi ji nɛ ɔ nɛ.

Kronika I, 6:60

A ha Kohat weku ɔ ma nɛ ɔmɛ, kɛ kɔpehi nɛ bɔle ma amɛ kɛ je Benyamin wɛtso ɔ zugba mi: Geba, Alemet, kɛ Anatot. Lɔ ɔ he ɔ, mahi tsuo nɛ a ha Kohat weku ɔ nɛ a hi mi ji nyɔngma kɛ etɛ.

Matsɛmɛ I, 2:26

Enɛ ɔ se ɔ, Matsɛ Salomo de osɔfo Abiatar ke, “Moo ho mo nitsɛ o ma mi ya ngɛ Anatot. Jinɛ e sa kaa a gbe mo, se i be hae nɛ a gbe mo piɔ; ejakaa benɛ o kɛ tsaatsɛ David ngɛ ɔ, mo lɛ o hyɛɛ Yawɛ Mawu somi daka a nɔ. Jehanɛ se hu, amanehlu slɔɔtohi tsuo nɛ tsaatsɛ na a, o kɛ lɛ nɛ na.”

Yeremia 1:1

Yeremia, Hilkia binyumu ɔ munyuhi ji nɛ ɔmɛ nɛ. Osɔfohi nɛ hi Anatot ngɛ Benyamin zugba a nɔ ɔ, a ti nɔ kake ji Hilkia.

Yeremia 32:25

Se Nyɔmtsɛ Yawɛ lee, mo lɛ o fa mi ke ma he zugba a ngɛ odase yeli a hɛ mi, be mi nɛ o le paa kaa a ngɔ ma a kɛ wo Babilonia bi ɔmɛ a dɛ mi.”

Yeremia 37:12

jamɛ a be ɔ, imi hu i je Yerusalem kɛ yaa Benyamin zugba a nɔ, konɛ weku weto ní ɔ nɛ ngɛ lejɛ ɔ, ma ya ngɔ ye blɔ fa mi nɔ́.

Ezekiel 12:7

Bɔ nɛ Yawɛ fa mi ke ma pee ɔ, i pee ja pɛpɛɛpɛ. Jamɛ a ligbi ɔ piani katakata a, i ngɔ ye ní ɔmɛ kɛ je kpo kaa nɔ ko nɛ miɔ nɛ e hia blɔ. Gbɔkuɛ nya si ɔ, i ywia he ko ngɛ gbogbo ɔ mi, nɛ i gu puɔ ɔ mi kɛ je kpo. Benɛ du bu ɔ, i ngɔ ye tlomi ɔ ngɔ fɔ ye konɔ kɛ hia blɔ ngɛ ni ɔmɛ a hɛ mi paa.