Yeremia 32:40 - BAIBLO ALOO NGMAMI KLƆUKLƆU Ɔ

⁴⁰ I kɛ mɛ maa so neneene somi kaa ma pee mɛ kpakpa daa. Ma ngɔ ye gbeye yemi kɛ wo a tsui mi, nɛ a be ye se jee hu gblegbleegble.

Yeremia 32:40 ပူးပေါင်းရင်းမြစ်များ

Ezekiel 36:26

Ma ha nyɛ tsui he, kɛ juɛmi he. Nyɛ tsui nɛ wlua kaa tɛ ɔ, ma je kɛ je nyɛ mi, nɛ ma ha nyɛ tsui nɛ he jɔ.

Yeremia 24:7

Ma ha nɛ a maa nu he ngɛ a tsui mi tɔɔ kaa imi ji Yawɛ. A maa pee ye ma, nɛ imi hu ma pee a Mawu; ejakaa a maa kpale kɛ ba ye ngɔ ekohu kɛ a tsui tsuo.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

Ezekiel 39:29

Ma ngɔ ye mumi kɛ pue Israel ma a nɔ, nɛ i be mɛ kuae hu. Imi, Nyɔmtsɛ Yawɛ lɛ i de.”

Yesaya 55:3

“Ye ma, nyɛ ta tue, nɛ nyɛɛ ba ye ngɔ; nyɛɛ ba ye ngɔ, konɛ nyɛ yi nɛ na wami. I kɛ nyɛ maa so somi ko nɛ maa hi si kɛ maa ya neneene; nɛ gbaami nɛ i wo David si ke ma ha e nina a, ma kɛ ha nyɛ.

Yeremia 50:5

A ma bi ke a tsɔɔ mɛ Zion blɔ, nɛ a maa nyɛɛ nɔ kɛ ba. A ma de ke, ‘Nyɛ ha nɛ waa ngɔ wa he ya mɛtɛ Yawɛ he. Nyɛ ha nɛ waa kɛ lɛ nɛ so neneene somi nɛ a be mi poe gblegbleegble.’

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

Samuel II, 23:4

e ngɛ kaa pu nɛ ngɛ tsoe mɔtu be mi nɛ bɔku be hiɔwe; aloo hiɔmi nɛ haa nga tsɛ̃ɔ kɛ jeɔ zu mi.”

Hebribi 7:24

Se Yesu lɛɛ e ngɛ kɛ yaa neneene, nɛ e we osɔfo yemi ɔ se pui gblegbleegble.

Hebribi 4:1

Mawu wo si ke e ma ha wa ma ya jɔɔ wa he ngɛ he jɔɔmi he. Siwo nɛ ɔ ngɛ kɛ ha wɔ kɛ mwɔɔ. Lɔ ɔ he ɔ, nyɛ ha waa hyɛ nɛ hi, konɛ e ko ba mi kaa nyɛ ti nɔ ko ya nyɛ we nɛ e su lejɛ ɔ.

Yesaya 61:8

Yawɛ de Yerusalem bi ɔmɛ ke, “I suɔ kaa a ye dami sane; i sume ojo fiami, kɛ yi mi wami; ma pee ye ma a kpakpa bɔ nɛ sa mɛ, nɛ i kɛ mɛ maa so somi ko nɛ maa hi si kɛ maa ya neneene.

Yesaya 24:5

Ni ɔmɛ ble zugba a; nɛ a kɛ nɔ́ nɛ ɔ peemi tɔ Mawu mlaa amɛ a nɔ. A tsake blɔ nya tomi ɔmɛ, nɛ somi nɛ ngɛ daa a hu a yi nɔ.

Mose V, 31:6

Nyɛ he nɛ wa nɛ nyɛɛ pee kã. Nyɛ ko ye mɛ gbeye. Yawɛ, nyɛ Mawu ɔ nitsɛ kɛ nyɛ maa hi si. E be nyɛ sie, nɛ e be nyɛ kuae hulɔ.”

Mose V, 31:8

Yawɛ nitsɛ ma kpaka mo, nɛ e kɛ mo maa hi si. E be mo sie, nɛ e be mo kuae hulɔ; lɔ ɔ he ɔ, koo nu sawale; nɛ koo ye gbeye.”

Yeremia 31:34

Nɔ ko pa be e nyɛmi, loo e he nɔ ko tsɔɔe hu ke e le Yawɛ, ejakaa nɔ tsuaa nɔ maa le mi, kɛ je jokuɛyo pe kulaa nɔ kɛ yaa si nɔkɔtɔma pe kulaa nɔ. Ma ngɔ a he yayami ɔmɛ kɛ pa mɛ, nɛ a ní yayami ɔmɛ hu i be kaie hu. Imi, Yawɛ lɛ i de.”

Ezekiel 37:26

I kɛ mɛ maa so he jɔmi somi. E maa pee somi nɛ maa hi si daa. Ma baa a yi saminya. Ma gbaa ma a, nɛ a he maa hiɛ babauu. Ma ma ye we klɔuklɔu ɔ ngɛ zugba a nɔ he nɛ a ngɛ ɔ, nɛ we ɔ maa hi lejɛ ɔ daa.

La 80:19

Yawɛ Tabohiatsɛ Mawu! Moo kpale wɔ kɛ ba o ngɔ ekohu. Naa wɔ mɔbɔ, konɛ wa yi nɛ na wami!

Ezekiel 36:27

Ma ngɔ ye mumi ɔ kɛ wo nyɛ mi, konɛ nyɛɛ bu ye mlaa amɛ tsuo tue, nɛ nyɛɛ ye a nɔ pɛpɛɛpɛ.

Mika 4:5

Je ma amɛ a ti nɔ tsuaa nɔ jaa lɛ nitsɛ e mawu. Se wɔɔ lɛɛ Yawɛ, wa Mawu ɔ, ji nɔ nɛ wa ma sɔmɔ kɛ maa ya neneene.