Yeremia 32:4 - BAIBLO ALOO NGMAMI KLƆUKLƆU Ɔ

⁴ nɛ Yuda matsɛ, Zedekia be e he yee. A maa nu lɛ kɛ ya ha Babilonia matsɛ ɔ; e maa na lɛ hɛ mi kɛ hɛ mi, nɛ e kɛ lɛ maa tu munyu.

Yeremia 32:4 ပူးပေါင်းရင်းမြစ်များ

Yeremia 21:7

Se mo, Yuda matsɛ, Zedekia! Mo, kɛ o tsɔli ɔmɛ, kɛ nihi tsuo nɛ a yi ma na wami ngɛ ta, kɛ hwɔ, kɛ gbenɔ hiɔ ɔ se ɔ, nyɛɛ lɛɛ ma ngɔ nyɛ kɛ wo Babilonia matsɛ, Nebukadnezar, kɛ nyɛ he nyɛli ɔmɛ nɛ ngɛ nyɛ hlae nɛ a gbe ɔ a dɛ mi. Nebukadnezar ma kpata nyɛ tsuo pɛpɛɛpɛ nyɛ hɛ mi. E be nyɛ ti nɔ ko nɔ ko he ngmɛɛe, nɛ e be nɔ ko nɔ ko mɔbɔ nae. Imi, Yawɛ lɛ i de.”

Yeremia 25:35

Nyɛ be blɔ nae kɛ tu fo.

Yeremia 34:21

Yuda matsɛ, Zedekia kɛ e ma nimeli ɔmɛ hu, ma ngɔ mɛ kɛ wo a he nyɛli ɔmɛ, kɛ ni nɛmɛ nɛ ngɛ mɛ hlae nɛ a gbe ɔ a dɛ mi. Ma ngɔ mɛ kɛ wo Babilonia tabo ɔ nɛ jɔɔ nyɛ se nyɛɛmi ɔ a dɛ mi.

Yeremia 34:3

Mo nitsɛ hu o be o he yee; a maa nu mo kɛ ya ha Babilonia matsɛ ɔ. O maa na lɛ hɛ mi kɛ hɛ mi, nɛ o kɛ lɛ maa tu munyu; nɛ lɔ ɔ se ɔ, a maa ngɔ mo kɛ ho Babilonia ya.

Yeremia 37:17

Be ko se ɔ, Matsɛ Zedekia tsɔ nɛ a ba ngɔ mi kɛ ba e ngɔ. Nɛ e bi mi ngɛ laami mi zaa ngɛ matsɛ we ɔ mi ke, “Anɛ sɛ gbi ko je Yawɛ ngɔ lo?” I he nɔ ke, “Ee, sɛ gbi ko ba!” I ya nɔ nɛ i de lɛ ke, “A maa ngɔ mo kɛ wo Babilonia matsɛ ɔ dɛ mi.”

Yeremia 38:18

Se ke o yɛ nɛ o ya nu a nane ɔ, lɛɛ a maa ngɔ ma nɛ ɔ kɛ wo Babilonia bi ɔmɛ a dɛ, nɛ a maa sã ma a. Ke e ba mi ja a, o be nyɛe maa tu fo kɛ je a dɛ.’ ”

Yeremia 38:23

Jehanɛ, i de matsɛ ɔ ke, “A ma kpaka o yi ɔmɛ, kɛ o bimɛ ɔmɛ tsuo kɛ ya ha Babilonia bi ɔmɛ, nɛ mo nitsɛ hu o be a dɛ mi jee. Babilonia matsɛ ɔ maa nu mo, nɛ ma nɛ ɔ lɛɛ a maa sã.”