Yeremia 32:36 - BAIBLO ALOO NGMAMI KLƆUKLƆU Ɔ

³⁶ Yawɛ, Israel Mawu ɔ de mi ke, “Yeremia, ni ɔmɛ ngɛ dee ke ta, hwɔ, kɛ gbenɔ hiɔ ma ha nɛ Babilonia matsɛ ɔ ma ba ye ma nɛ ɔ nɔ. Lɔ ɔ he ɔ, bu nɔ́ nɛ i ngɛ dee kɛ ngɛ he piɛe ɔ hu tue.

Yeremia 32:36 ပူးပေါင်းရင်းမြစ်များ

Yeremia 32:24

“Babilonia bi ɔmɛ fia kpoku kɛ wo ma a he konɛ a ngɔ ma a; amlɔ nɛ ɔ, a tua ma a. Ta, hwɔ, kɛ gbenɔ hiɔ ma ha nɛ a maa ngɔ ma a. O maa na kaa níhi nɛ o de ɔ tsuo ba mi.

Yeremia 32:3

Matsɛ Zedekia wo mi tsu ngɛ lejɛ ɔ, nɛ e po ye nya ke i kɛ Yawɛ biɛ fiɛ ke, “Ma ngɔ ma nɛ ɔ kɛ wo Babilonia matsɛ ɔ dɛ mi, e maa ngɔ ma a,

Yeremia 32:28

Ma ngɔ ma nɛ ɔ kɛ wo Babilonia matsɛ, Nebukadnezar kɛ e tabo ɔ a dɛ mi; a maa ngɔ ma a,

Romabi 5:20

A wo mlaa a hulɔ, konɛ wa yɔse yayami ɔmɛ babauu; se he nɛ yayami hiɛ ngɛ ɔ, lejɛ ɔ Mawu dloomi ɔ hiɛ kɛ be nɔ babauu.

Hosea 2:14

Enɛ ɔ he ɔ, ma mlɔɔ e hɛ mi, nɛ ma ngɔ lɛ kɛ ya nga kplanaa a nɔ, nɛ i kɛ lɛ maa tu munyu ngɛ he jɔmi mi ngɛ lejɛ ɔ.

Yeremia 32:37

Ma bua ma a nya kɛ je zugbahi a nɔ hehi nɛ i fie mɛ kɛ ho, benɛ ye mi mi fu mɛ ɔ, nɛ ma ngɔ mɛ kɛ ba hiɛmɛ nɛ ɔ ekohu nɛ a ba hi si ngɛ he jɔmi mi.