Yeremia 32:34 - BAIBLO ALOO NGMAMI KLƆUKLƆU Ɔ

³⁴ We ɔ nɛ a ma nɛ a ja mi ngɛ mi ɔ tete po a ngɔ a we amagahi nɛ i hiee ɔ ya to lejɛ ɔ nɛ a kɛ ble we ɔ.

Yeremia 32:34 ပူးပေါင်းရင်းမြစ်များ

Yeremia 7:30

“Yuda bi ɔmɛ pee yayami. A ngɔ a we amagahi nɛ i hiee ɔ ba to ye we ɔ nɛ a kɛ ble we ɔ.

Yeremia 23:11

Yawɛ ke, “Gbali ɔmɛ, kɛ osɔfo ɔmɛ tsuo li Mawu; nimli yayamihi ji mɛ. I naa mɛ nɛ a ngɛ yayami pee ngɛ ye we ɔ mi tete po.

Kronika II, 33:15

E je ma se mawu ɔmɛ, kɛ amaga a nɛ e ngɔ ya ma Yawɛ we ɔ kɛ je lejɛ ɔ. Bɔ sami la tɛhi nɛ a pee ha mawuhi nɛ ngɛ yoku ɔ nɔ, he nɛ Yawɛ ɔ we ɔ ngɛ ɔ, kɛ ní nɛmɛ nɛ ngɛ he kpahi ngɛ Yerusalem ɔ, e je mɛ tsuo pɛpɛɛpɛ. E muɔ mɛ kɛ ho ya sake ngɔ pue ma a nya.

Matsɛmɛ II, 23:6

E je amaga a nɛ a puɛ ngɔ ha yo mawu ɔ nɛ a tsɛɛ Ashera a kɛ je Yawɛ we ɔ, nɛ e ya sã lɛ ngɛ Kidron kɔ̃ ɔ mi ngɛ Yerusalem ma a nya. E wɛɛ jakati ɔ nɛ piɛ ɔ bukɔbukɔ kaa la zu, nɛ e ngɔ kɛ ya fĩa gɔ ɔ mi.

Matsɛmɛ II, 21:1

Manase ye jeha nyɔngma kɛ enyɔ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyingmi enuɔ kɛ enuɔ. A tsɛɛ e nyɛ biɛ ke Hefziba.

Yeremia 7:10

Ke nyɛ pee níhi nɛ i hiee nɛ ɔ ta a, nyɛ baa nɛ nyɛ ba daa si ngɛ ye hɛ mi, ngɛ imi nitsɛ ye we nɛ ɔ mi, nɛ nyɛ deɔ ke, ‘Oo, a he wa yi wami momo!’ Konɛ nyɛ ya pee musu ní nɛ ɔmɛ tsuo ekohu lo?

Yeremia 19:4

Ma pee kikɛmɛ a nɔ́ nɛ ɔ, ejakaa ma a kua mi, nɛ a sã bɔhi kɛ ha mawu kpahi, nɛ a kɛ ble hiɛ ɔ. Kikɛmɛ a mawu nɛ ɔmɛ ɔ, nihi nɛ ngɛ zugba a nɔ amlɔ nɛ ɔ jio, a nɛmɛ ɔmɛ jio, Yuda matsɛmɛ ɔmɛ jio, a ti nɔ ko nɔ ko ja we hyɛ. A pue nihi babauu nɛ pee we nɔ́ ko a muɔ si ngɛ hiɛmɛ nɛ ɔ,

Yeremia 34:15

Be bɔɔ ji nɛ ɔ, nyɛ tsake nyɛ yi mi tomi ɔmɛ, nɛ nyɛ pee nɔ́ nɛ sa ye hɛ mi. Nyɛ tsuo pɛpɛɛpɛ nyɛ kplɛɛ kaa nyɛ ma ha nɛ nyɛ nyɛmimɛ, Israel fɔfɔɛ ɔmɛ nɛ a ye a he. Nyɛ so somi ngɛ ye hɛ mi, ngɛ we ɔ he nɛ a jaa mi ngɛ ɔ.

Yeremia 44:4

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ, nɛ a ba deɔ nyɛ ke nyɛ ko pee nɔ́ nɛ ɔ, ejakaa i hie.

Kronika II, 36:14

Jehanɛ se hu, Yuda ma nimeli ɔmɛ, osɔfo ɔmɛ, kɛ ma a tsuo pee yayami kɛ si Yawɛ. A ya sɔmɔ je ma amɛ nɛ bɔle mɛ ɔ a mawu ɔmɛ, nɛ a kɛ nɔ́ nɛ ɔ ble Yawɛ we ɔ nɛ lɛ Yawɛ ɔ nitsɛ pee klɔuklɔu ngɛ Yerusalem ɔ.

Yeremia 7:31

A ya ma bɔ sami la tɛ ko ngɛ Hinom kɔ̃ ɔ mi, konɛ a sã a binyumu ɔmɛ, kɛ a biyi ɔmɛ ngɛ nɔ. A wo bɔ sami la tɛ ɔ biɛ ke Tofet. I wui mɛ mlaa ke a pee nɔ́ ko kaa kikɛ nɛ ɔ; nɔ́ nɛ ɔ bɛ ye yi mi po hyɛ.

Yeremia 30:14

Nyɛ suɔli ɔmɛ tsuo a hɛ je nyɛ nɔ, a bi we nyɛ si hu. I ba tua nyɛ kaa he nyɛlɔ tuaa nɔ; i gbla nyɛ tue wawɛɛ nitsɛ, ejakaa nyɛ pee yayami nguanguahi babauu.