Yeremia 32:30 - BAIBLO ALOO NGMAMI KLƆUKLƆU Ɔ

³⁰ Kɛ je blema teteete ɔ, yayami sɔuu lɛ Israel bi, kɛ Yuda bi ngɛ pee, nɛ a kɛ ngɛ ye mi mi la woe.

Yeremia 32:30 ပူးပေါင်းရင်းမြစ်များ

Yeremia 25:7

Se Yawɛ nitsɛ de ke nyɛ bui lɛ tue fɛɛ. Mohu ɔ, nyɛɛ kɛ nyɛ we amaga amɛ wo e mi mi la, nɛ nyɛɛ kɛ ye nyɛ nitsɛmɛ nyɛ he awi.

Yeremia 22:21

Benɛ nyɛ ná nyɛ he ɔ, Yawɛ kɛ nyɛ tu munyu, se nyɛ kua lɛ tue bumi. Kɛ je nyɛ nihe mi ɔ, nɔ́ nɛ nyɛ peeɔ ji kaa nyɛ bui Yawɛ tue.

Yeremia 3:25

Nyɛ ha nɛ waa kɛ zo nɛ pee wa heha nɔ́ kɛ hwɔ si, ejakaa wa pee yayami kɛ si Yawɛ, wa Mawu ɔ. Wa nɛmɛ ɔmɛ pee a nɔ́, nɛ wɔ hu kɛ je wa jokuɛwi a si kɛ ba si mwɔnɛ ɔ, wa kpa we. Wa yi Yawɛ, wa Mawu ɔ mlaa amɛ a nɔ.”

Yeremia 2:7

I ngɔ mɛ kɛ ba zugba nɛ baa ní nɔ, konɛ a ba ye zugba a nɔ yiblii kɛ ní kpakpahi. Se benɛ a ba a, a ba ble zugba a, nɛ a ngɔ ye weto ní ngɔ pee nɔ́ nɛ a hiee.

Yesaya 63:10

Se mɛɛ lɛɛ a tsɔ atuã; a ha nɛ aywilɛho nu mɛ. Yawɛ ba plɛ pee a he nyɛlɔ, nɛ e kɛ mɛ hwu.

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

Ezekiel 23:3

A puɛ kulaa kɛ ajuama bɔmi kɛ je a yihe mi tɔɔ ngɛ Egipt. Lejɛ ɔ nɛ nyumuhi fiɛ a nyɔhi a he, nɛ a puɛ mɛ ngɛ.

Ezekiel 20:28

I ngɔ mɛ kɛ ba zugba nɛ i wo si kaa ma ha mɛ ɔ nɔ. Se he tsuaa he nɛ a na yoku gojoo, aloo tso nɛ bɔ kusuu ngɛ ɔ, kɛkɛ a ya sã bɔ ngɛ lejɛ ɔ. A sã bɔhi nɛ jee via, kɛ wai bɔ hulɔ; a pee ní nɛ ɔmɛ kɛ wo ye mi mi la.

Ezekiel 20:8

Se a tsɔ ye hɛ mi atuã; a kplɛɛ we nɛ a bu mi tue; nɔ ko nɔ ko sakee we yakayaka ní ɔmɛ ngɔ pue he; a hɛɛ Egipt amaga amɛ a mi wawɛɛ. Kɛkɛ nɛ i to ye yi mi kaa ma ha nɛ a nu ye we abofu gbeyegbeye ɔ he ngɛ Egipt.

Yeremia 8:19

Nyɛɛ bu tue! Ngɛ zugba a tsuo nɔ ɔ, i nu nɛ ye ma a ngɛ ngmlaa kpae nɛ a ngɛ bie ke, “Anɛ Yawɛ be Zion hu lo? Zion matsɛ ɔ be ma a mi hu lo?” Yawɛ bi ke, “Mɛni he je lɛ nyɛ ya ja amagahi, nɛ nyɛɛ kɛ nɔ́ nɛ ɔ peemi wo ye mi mi la a? Mɛni he je lɛ nyɛ ya kpla si ha ma se wohi?”

Yeremia 11:17

“Imi, Yawɛ Tabohiatsɛ ɔ, imi lɛ i to Israel kɛ Yuda si kaa bɔ nɛ a duɔ tso; se jehanɛ lɛɛ ma ha nɛ amanehlu maa ba a nɔ. Nɔ nɛ ɔ je mɛ nitsɛmɛ, ejakaa a pee yayami; a ya sã tsopa kɛ e he via kɛ ha Baal, nɛ a kɛ wo ye mi mi la.”

Yeremia 30:14

Nyɛ suɔli ɔmɛ tsuo a hɛ je nyɛ nɔ, a bi we nyɛ si hu. I ba tua nyɛ kaa he nyɛlɔ tuaa nɔ; i gbla nyɛ tue wawɛɛ nitsɛ, ejakaa nyɛ pee yayami nguanguahi babauu.

Yeremia 36:2

“Yaa hla womi kpo nɛ o ngma níhi tsuo nɛ i de mo nɛ kɔɔ Israel, Yuda, kɛ je ma amɛ tsuo a he ɔ kɛ wo mi. Ngmaa nɔ́ tsuaa nɔ́ nɛ i de mo kɛ je be nɛ i kɛ mo tu munyu kekleekle ngɛ matsɛ, Yosia yi nɔ kɛ ba si mwɔnɛ ligbi nɛ ɔ.

Yeremia 44:3

ejakaa ma amɛ a mi bi ɔmɛ pee yayami, nɛ a wo ye mi mi la. A sã bɔhi nɛ a kɛ sɔmɔ mawu kpahi nɛ mɛ nitsɛmɛ, loo nyɛ, loo nyɛ nɛmɛ ɔmɛ po li gblee.

Yeremia 25:6

A de nyɛ ekohu ke nyɛ ko ya nyɛɛ mawu kpahi a se; nyɛ ko sɔmɔ mɛ, nɛ nyɛ ko ja mɛ. Jehanɛ se hu, nyɛ ko puɛ amagahi nɛ nyɛ kɛ ba wo Yawɛ mi mi la. E ji nyɛ bu Yawɛ tue jinɛ lɛ hu e ko gbla we nyɛ tue.

Yeremia 44:8

Nyɛ ngɛ amagahi sɔmɔe, nɛ nyɛ ngɛ tsopa kɛ e he via sãe ha mawu kpahi ngɛ Egipt hiɛmɛ nɛ ɔ, he nɛ nyɛ ba nɛ nyɛ ba hi ɔ. Mɛni he je lɛ nyɛ ngɛ ní nɛ ɔmɛ pee kɛ ngɛ ye mi mi la woe ɔ? Anɛ nyɛ ngɛ ní nɛ ɔmɛ pee nɛ nyɛ kɛ kpata nyɛ nitsɛmɛ nyɛ hɛ mi, konɛ je ma amɛ tsuo nɛ a hie nyɛ, nɛ a ngɔ nyɛ biɛ kɛ pee gbiɛmi nɔ́ lo?