Yeremia 32:25 - BAIBLO ALOO NGMAMI KLƆUKLƆU Ɔ

²⁵ Se Nyɔmtsɛ Yawɛ lee, mo lɛ o fa mi ke ma he zugba a ngɛ odase yeli a hɛ mi, be mi nɛ o le paa kaa a ngɔ ma a kɛ wo Babilonia bi ɔmɛ a dɛ mi.”

Yeremia 32:25 ပူးပေါင်းရင်းမြစ်များ

Yeremia 32:24

“Babilonia bi ɔmɛ fia kpoku kɛ wo ma a he konɛ a ngɔ ma a; amlɔ nɛ ɔ, a tua ma a. Ta, hwɔ, kɛ gbenɔ hiɔ ma ha nɛ a maa ngɔ ma a. O maa na kaa níhi nɛ o de ɔ tsuo ba mi.

Yohane 13:7

Yesu he nɔ ke, “Nɔ nɛ i ngɛ pee nɛ ɔ, amlɔ nɛ ɔ, o nui sisi; se pee se ɔ, o ma ba le.”

La 97:2

Bɔku kɛ diblii kpii bɔle lɛ kɛ kpe. Matsɛ ji lɛ; anɔkuale, kɛ dami sane e yeɔ.

La 77:19

O nyɛɛ kɛ gu wo ɔ mi; o po wo nɛ mi kuɔ ɔ kɛ be, se o nane mami he ɔmɛ lɛɛ nɔ ko nɔ ko li.

Yeremia 32:8

Nɛ kaa bɔ nɛ Yawɛ de mi ɔ, Hanamel ba ye ngɔ ngɛ kue ɔ mi nɛ e ba de mi ke ma he e zugba a nɛ ngɛ Anatot ngɛ Benyamin zugba a mi ɔ. Hanamel de mi ke imi lɛ i ngɛ he blɔ nɛ i kpɔɔ zugba a kɛ peeɔ ye weto ní, lɔ ɔ he ɔ, ma he zugba a. Kɛkɛ nɛ i na kaa Yawɛ kɛ mi tu munyu niinɛ.

Yeremia 32:26

Kɛkɛ nɛ Yawɛ de mi ke,

Yeremia 32:43

Ni ɔmɛ ngɛ dee ke zugba nɛ ɔ ma ba pee nga kplanaa nɔ, nɛ nimli kɛ lohwehi be nɔ hie hu. A ngɛ dee hu ke a maa ngɔ zugba a kɛ wo Babilonia bi ɔmɛ a dɛ mi. Se, na nɛ o le kaa nihi ma ba he zugba ekohu ngɛ hiɛmɛ nɛ ɔ.

Yeremia 24:10

Ma ha nɛ ta, hwɔ, kɛ gbenɔ hiɔ ma ba sɛ a kpɛti kɛ yaa si a ma kpata a hɛ mi pɛsɛpɛsɛ, nɛ a ti nɔ kake ngmelu po be piɛe ngɛ zugba nɛ i ngɔ ha a kɛ a nɛmɛ ɔ nɔ.”

Yeremia 32:15

Yawɛ Tabohiatsɛ, Israel Mawu ɔ de ke nihi ma ba he wehi, zugbahi, kɛ wai ngmɔhi ngɛ zugba nɛ ɔ nɔ ekohu.”

Yeremia 34:17

Enɛ ɔ he je ɔ, imi Yawɛ, i ngɛ nyɛ dee ke nyɛ gbo tue; nyɛ ha we nɛ nyɛ nyɛmimɛ, Israel fɔfɔɛ ɔmɛ nɛ a ye a he. Saminya! Imi lɛɛ ma ha nɛ nyɛɛ lɛɛ nyɛ maa ye nyɛ he mɔ! Ma ngmɛɛ nyɛ he kɛ wo gbenɔ dɛ mi, nɛ ta, hiɔ, kɛ hwɔ maa gbe nyɛ. Nɛ ma ha nɛ a gbɛ nyɛ ngɔ fĩa je ma amɛ tsuo a mi.