Yeremia 32:2 - BAIBLO ALOO NGMAMI KLƆUKLƆU Ɔ

² Jamɛ a be ɔ mi ɔ, Babilonia matsɛ ɔ tabo ɔ ya sa Yerusalem ma a yi, be mi nɛ imi, Yeremia lɛɛ a wo mi tsu ngɛ kue ɔ mi ngɛ Yuda matsɛ we ɔ.

Yeremia 32:2 ပူးပေါင်းရင်းမြစ်များ

Matsɛmɛ II, 25:1

Zedekia tsɔ atuã kɛ wo Babilonia matsɛ, Nebukadnezar. Enɛ ɔ he je ɔ, Zedekia yi nɔ jeha nɛ ji nɛɛ ɔ, nyɔhiɔ nɛ ji nyɔngma a we ligbi nɛ ji nyɔngma a nɔ ɔ, Nebukadnezar kɛ e tabo ɔ tsuo ba tua Yerusalem. A sa ma a yi, nɛ a fia kpokuhi kɛ bɔle ma a kɛ kpe.

Nehemia 3:25

Uzai binyumu Palal fia gbogbo ɔ he nɛ tsa nɔ ɔ, kɛ je gbogbo ɔ kɔ nya kɛ yiti mɔ yi mi pinoo ɔ nɛ ngɛ buli ɔmɛ a kue ɔ hanɔ ɔ. Parosh binyumu Pedaya fia kɛ tsa nɔ kɛ ya ta he ko ngɛ Nyu Agbo ɔ, kɛ mɔ ɔ nɛ ngɛ sɔlemi we ɔ a hanɔ ɔ. (Hiɛ ɔ kɛ ma a he nɛ a tsɛɛ Ofel ɔ kɛ we. Lejɛ ɔ nɛ Yawɛ we ɔ he ní tsuli ɔmɛ hii.)

La 88:8

O ha nɛ ye huɛmɛ kua mi; o ha nɛ ye he tsɛ̃ mɛ. I pee kaa nɔ ko nɛ a sa e yi, nɛ e li he nɛ e maa ya.

Yeremia 32:3

Matsɛ Zedekia wo mi tsu ngɛ lejɛ ɔ, nɛ e po ye nya ke i kɛ Yawɛ biɛ fiɛ ke, “Ma ngɔ ma nɛ ɔ kɛ wo Babilonia matsɛ ɔ dɛ mi, e maa ngɔ ma a,

Yeremia 32:8

Nɛ kaa bɔ nɛ Yawɛ de mi ɔ, Hanamel ba ye ngɔ ngɛ kue ɔ mi nɛ e ba de mi ke ma he e zugba a nɛ ngɛ Anatot ngɛ Benyamin zugba a mi ɔ. Hanamel de mi ke imi lɛ i ngɛ he blɔ nɛ i kpɔɔ zugba a kɛ peeɔ ye weto ní, lɔ ɔ he ɔ, ma he zugba a. Kɛkɛ nɛ i na kaa Yawɛ kɛ mi tu munyu niinɛ.

Yeremia 33:1

Benɛ i ngɛ tsu ɔ mi ngɛ kue ɔ mi kɛ mwɔɔ ɔ, i ná Yawɛ sɛ gbi ekohu.

Yeremia 34:1

Benɛ Babilonia matsɛ, Nebukadnezar kɛ e tabo ɔ, kɛ je mahi tsuo nɛ ngɛ e sisi ɔ ba tua Yerusalem kɛ mahi nɛ bɔle Yerusalem ɔ, i ná sɛ gbi kɛ je Yawɛ ngɔ.

Yeremia 36:5

Jehanɛ, i de Baruk ke, “A ha we mi blɔ kaa ma ya Yawɛ we ɔ hu.

Yeremia 37:15

Ma nimeli ɔmɛ a mi mi fu mi wawɛɛ nitsɛ. A fia mi ní, nɛ a wo mi tsu ngɛ matsɛ pɛdiyo ɔ nɛ a tsɛɛ Yonatan ɔ we ɔ mi. (Jamɛ a be ɔ mi ɔ, a kɛ lejɛ ɔ pee he nɛ a woɔ nɔ tsu ngɛ.)

Yeremia 37:21

Kɛkɛ nɛ Matsɛ Zedekia fa, nɛ a ya wo mi tsu ngɛ matsɛ we ɔ kue ɔ mi. Daa ligbi ɔ a jeɔ abolo sali ɔmɛ a hi he ɔ, ba haa mi abolo bɔbɔɛ kake. Nɔ́ nɛ ɔ ya nɔ hluu kɛ ya si abolo ta ma a mi tsuo.

Yeremia 37:4

Jamɛ a be ɔ, a wui mi tsu lolo, nɛ i nyɛɛɔ kɛ yaa kɛ baa ngɛ ma mi bi ɔmɛ a kpɛti.

Yeremia 38:13

kɛkɛ nɛ a kɛ tangme kpa gbla mi kɛ je vu ɔ mi, nɛ a ya wo mi tsu ngɛ matsɛ we ɔ kue ɔ mi.

Yeremia 38:6

Kɛkɛ nɛ a nu mi nɛ a kɛ kpa siu mi kɛ wo matsɛbinyumu ɔ nɛ a tsɛɛ lɛ Malkia a e vu mi ngɛ matsɛ we ɔ kue ɔ mi. Nyu be vu ɔ mi; mɔsɔ kɛkɛ lɛ ngɛ mi. Nɛ i pu ngɛ mɔsɔ ɔ mi.

Mateo 5:12

Nyɛ nya, nɛ nyɛ na bua jɔmi, ejakaa nyɛ hiɔwo nɛ ngɛ hiɔwe ɔ kle agbo. Gbali nɛ sɛ nyɛ hlami ɔ, kikɛ nɛ ɔ nɔuu a wa mɛ yi mi.